កីឡាជាតិ
ជាតិ
ស.ស.យ.ក កំចាយមារឈ្នះកៅអី AFF Futsal Club ក្រោយគ្រងជើងឯកថ្នាក់ជាតិ
ស.ស.យ.ក ស្រុកកំចាយមារលើកពានក្នុងការប្រកួតបាល់ទាត់ក្នុងសាលថ្នាក់ជាតិប្រចាំឆ្នាំ២០១៩, រូបភាពទាំងអស់ពី FFC
×![]()
ក្រុមបាល់ទាត់ក្នុងសាល សហភាពសហព័ន្ធយុវជនកម្ពុជា(ស.ស.យ.ក)ស្រុកកំចាយមារ បានឈ្នះកៅអីក្នុងព្រឹត្តិការណ៍ AFF Futsal Club Championship 2020 បន្ទាប់ពីពួកគេគ្រងជើងឯកក្នុងការប្រកួតជម្រើសជើងឯកថ្នាក់ជាតិប្រចាំឆ្នាំ២០១៩។ នេះជាលើកទី២ហើយដែលក្រុមនេះទទួលបានសិទ្ធិចូលរួមប្រកួតក្នុងព្រឹត្តិ្កការណ៍ដ៏ធំប្រចាំតំបន់អាស៊ានមួយនេះ។ 
ក្រុមបាល់ទាត់ក្នុងសាល ស.ស.យ.ក ស្រុកកំចាយមារ បានគ្រងជើងឯកក្នុងការប្រកួតពានរង្វាន់បាល់ទាត់ក្នុងសាលថ្នាក់ជាតិឆ្នាំ២០១៩ ក្រោយយកឈ្នះក្រុមឪម៉ាល់ក្នុងលទ្ធផល ១១-៥ នៅវគ្គផ្តាច់ព្រ័ត្រ។ នេះជាការគ្រងជើងឯកលើកទី២ បន្ទាប់ពីពួកគេបានគ្រងជើងឯកពានរង្វាន់នេះលើកដំបូងនៅឆ្នាំ២០១៧។
ជ័យជម្នះនេះ ជួយឲ្យក្រុមមានមូលដ្ឋាននៅខេត្តព្រៃវែងមួយនេះ ទទួលបានកៅអីទៅចូលរួមការប្រកួតពានរង្វាន់ AFF Futsal Club Championship 2020 ដែលជាការបង្ហាញខ្លួនលើកទី២របស់ពួកគេ។ សម្រាប់ការបង្ហាញខ្លួនលើកដំបូងនៅឆ្នាំ២០១៨ ដែលឥណ្ឌូណេស៊ីធ្វើម្ចាស់ផ្ទះ ក្រុម ស.ស.យ.ក ស្រុកកំចាយមារធ្វើមិនបានល្អនោះទេ ដោយពួកគេបញ្ចប់ក្នុងចំណាត់ថ្នាក់បាតតារាងប្រចាំពូល A។
ដោយកាលណោះ ក្រុម Bangkok BTS របស់ថៃ ជាម្ចាស់ជើងឯក ក្រោយយកឈ្នះក្រុម East Coast Heat របស់អូស្ត្រាលីក្នុងលទ្ធផល ៧-១ ខណៈក្រុម MIC របស់មីយ៉ាន់ម៉ាទទួលបានលេខ៣ ក្រោយយកឈ្នះក្រុម SKN FC Kebumen របស់សិង្ហបុរីដោយបាល់ប៉េណាល់ទី ១១-១០។
សម្រាប់តំណែងជើងឯកនេះដែរ ក្រុម ស.ស.យ.ក ស្រុកកំចាយមារទទួលបានថវិកាលើកទឹកចិត្តចំនួន២០លានរៀល អមជាមួយមេដាយនិងពាន ខណៈក្រុមជើងឯករងឪម៉ាល់ ទទួលបាន១០លានរៀល។ ចំណែកក្រុមលេខ៣ Home Sport ដែលបានយកឈ្នះក្រុមការពារតំណែងជើងឯក Down Town ៦-៤ ទទួលបានថវិកាលើកទឹកចិត្តចំនួន៦លានរៀល រីឯ Down Town បាន៤លានរៀល។ ក្រៅពីនេះ ក៏មានពានរង្វាន់សម្រាប់ក្រុម Fair Play គ្រូបង្វឹកល្អ អ្នកចាំទីល្អ កីឡាកររកគ្រាប់បាល់បានច្រើនជាងគេ និងក្រុមអាជ្ញាកណ្តាលល្អផងដែរ៕
ក្រុមឪម៉ាល់ទទួលបានចំណាត់ថ្នាក់លេខ២ ជាមួយថវិកាលើកទឹកចិត្តចំនួន១០លានរៀល
ក្រុមបាល់ទាត់ក្នុងសាល ស.ស.យ.ក ស្រុកកំចាយមារ បានគ្រងជើងឯកក្នុងការប្រកួតពានរង្វាន់បាល់ទាត់ក្នុងសាលថ្នាក់ជាតិឆ្នាំ២០១៩ ក្រោយយកឈ្នះក្រុមឪម៉ាល់ក្នុងលទ្ធផល ១១-៥ នៅវគ្គផ្តាច់ព្រ័ត្រ។ នេះជាការគ្រងជើងឯកលើកទី២ បន្ទាប់ពីពួកគេបានគ្រងជើងឯកពានរង្វាន់នេះលើកដំបូងនៅឆ្នាំ២០១៧។
ជ័យជម្នះនេះ ជួយឲ្យក្រុមមានមូលដ្ឋាននៅខេត្តព្រៃវែងមួយនេះ ទទួលបានកៅអីទៅចូលរួមការប្រកួតពានរង្វាន់ AFF Futsal Club Championship 2020 ដែលជាការបង្ហាញខ្លួនលើកទី២របស់ពួកគេ។ សម្រាប់ការបង្ហាញខ្លួនលើកដំបូងនៅឆ្នាំ២០១៨ ដែលឥណ្ឌូណេស៊ីធ្វើម្ចាស់ផ្ទះ ក្រុម ស.ស.យ.ក ស្រុកកំចាយមារធ្វើមិនបានល្អនោះទេ ដោយពួកគេបញ្ចប់ក្នុងចំណាត់ថ្នាក់បាតតារាងប្រចាំពូល A។
ដោយកាលណោះ ក្រុម Bangkok BTS របស់ថៃ ជាម្ចាស់ជើងឯក ក្រោយយកឈ្នះក្រុម East Coast Heat របស់អូស្ត្រាលីក្នុងលទ្ធផល ៧-១ ខណៈក្រុម MIC របស់មីយ៉ាន់ម៉ាទទួលបានលេខ៣ ក្រោយយកឈ្នះក្រុម SKN FC Kebumen របស់សិង្ហបុរីដោយបាល់ប៉េណាល់ទី ១១-១០។
សម្រាប់តំណែងជើងឯកនេះដែរ ក្រុម ស.ស.យ.ក ស្រុកកំចាយមារទទួលបានថវិកាលើកទឹកចិត្តចំនួន២០លានរៀល អមជាមួយមេដាយនិងពាន ខណៈក្រុមជើងឯករងឪម៉ាល់ ទទួលបាន១០លានរៀល។ ចំណែកក្រុមលេខ៣ Home Sport ដែលបានយកឈ្នះក្រុមការពារតំណែងជើងឯក Down Town ៦-៤ ទទួលបានថវិកាលើកទឹកចិត្តចំនួន៦លានរៀល រីឯ Down Town បាន៤លានរៀល។ ក្រៅពីនេះ ក៏មានពានរង្វាន់សម្រាប់ក្រុម Fair Play គ្រូបង្វឹកល្អ អ្នកចាំទីល្អ កីឡាកររកគ្រាប់បាល់បានច្រើនជាងគេ និងក្រុមអាជ្ញាកណ្តាលល្អផងដែរ៕
ក្រុមឪម៉ាល់ទទួលបានចំណាត់ថ្នាក់លេខ២ ជាមួយថវិកាលើកទឹកចិត្តចំនួន១០លានរៀល
Tag:
បាល់ទាត់ក្នុងសាល
AFF Futsal Club
ស.ស.យ.ក កំចាយមារ
© រក្សាសិទ្ធិដោយ thmeythmey.com
