កីឡាអន្តរជាតិ
អន្តរជាតិ
FIFA រំភើបដោយឃើញស្ត្រី៣៥០០នាក់ទៅមើលជំនួបអ៊ីរ៉ង់-កម្ពុជា ដូចការព្រាងទុក
×![]()
ដោយ: ទេព ពិទូរ្យ
ជាលើកដំបូងបំផុតក្នុងរយៈពេលជិត ៤០ឆ្នាំ ដែលស្ត្រីអ៊ីរ៉ង់រាប់ពាន់នាក់បានផ្តល់ការអនុញ្ញាតឲ្យចូលកីឡដ្ឋានជាថ្មីដើម្បីទស្សនាការប្រកួតកីឡាបាល់ទាត់របស់ក្រុមបុរសក្នុងប្រទេសខ្លួន។ ស្រី្តអ៊ីរ៉ង់ចំនួន៣៥០០នាក់ បានអង្គុយមើលជម្រើសជាតិអ៊ីរ៉ង់លត់កម្ពុជាយ៉ាងចាស់ដៃដោយលទ្ធផល ១៤-០ ក្នុងការប្រកួតជម្រុះ World Cup ជុំទីពីរ ពូល C នាកីឡដ្ឋាន Azadi ក្រុងតេហេរ៉ង់។
ក្រោយឃើញស្ត្រីអ៊ីរ៉ង់មានវត្តមានក្នុងកីឡដ្ឋានសាជាថ្មីឡើងវិញ បន្ទាប់ពីមានការហាមប្រាមតាំងពីឆ្នាំ១៩៧៩មកនោះ សហព័ន្ធកីឡាបាល់ទាត់អន្តរជាតិ (FIFA) បានបង្ហាញក្តីរីករាយ ដោយលើកឡើងថានេះជាជំហានវិជ្ជមានមួយឆ្ពោះទៅមុខដែលស្ថាប័នខ្លួន និងជាពិសេសក្មេងស្រី និងស្ត្រីអ៊ីរ៉ង់ទន្ទឹងរង់ចាំជាយូរមកហើយ។
«ភាពត្រេកត្រអាល និងភាពរីករាយដែលពួកគេបានបង្ហាញនៅថ្ងៃនេះគឺពិតជាអស្ចារ្យ និងជាការលើកទឹកចិត្តិដ៏ធំមួយដើម្បីបន្តលើផ្លូវដែលកំពុងចាប់ផ្តើមនេះ។ ប្រវត្ដិសាស្ដ្របង្រៀនយើង ថាវឌ្ឍនភាពកើតឡើងតាមដំណាក់កាល ហើយនេះគ្រាន់តែជាការចាប់ផ្ដើមនៃជំហានដំបូងប៉ុណ្ណោះ»។ នេះជាសំណេរក្នុងសេចក្តីថ្លែងការណ៍របស់ FIFA ទៅកាន់ភាគីអ៊ីរ៉ង់។
FIFA ដែលមានលោក Gianni Infantino ជាប្រធាន ក៏បានអរគុណទាំងសហព័ន្ធកីឡាបាល់ទាត់អ៊ីរ៉ង់ (F.F.I.R.I.) និង សហព័ន្ធកីឡាបាល់អាស៊ី (AFC) រួមទាំងអាជ្ញាធរដែលបានចូលរួមសម្រាប់កិច្ចខិតខំប្រឹងប្រែងដ៏គួរឲ្យរំភើបមួយនេះ។ ស្ថានប័នគ្រប់គ្រងកីឡាបាល់ទាត់ពិភពលោក សន្យាបន្តធ្វើការយ៉ាងជិតស្និទ្ធដើម្បីធានាឲ្យបានក្នុងការអនុញ្ញាតអ្នកគាំទ្រទាំងពីរភេទអាចចូលកីឡាដ្ឋានដោយសេរី និងរីករាយក្នុងបរិយាកាសសុវត្ថិភាពនាការប្រកួតបាល់ទាត់នាពេលនេះ។
អ្វីដែលពិសេស និងជាមោទកភាពសម្រាប់ FIFA នោះគឺភាពក្លាហានរបស់ក្មេងស្រី និងស្ត្រីអ៊ីរ៉ង់ទាំងអស់ដែលបង្ហាញភាពក្លាហានក្រោកឈរដើម្បីការពារសិទ្ធិរបស់ពួកគេ រហូតទទួលបានការអនុញ្ញាតពីការហាមប្រាមនេះវិញ។ FIFA បញ្ជាក់ច្បាស់ៗក្នុងសេចក្តីថ្លែងការណ៍ទៀតថា នឹងគាំទ្រឈរប្រកៀកស្មាពួកគេយ៉ាងពេញទហឹងតែម្តង។
ក្នុងជំនួបក្រោមក្រសែភ្នែកស្ត្រីអ៊ីរ៉ង់ចូលរួមលើកដំបូងជាប្រវត្តិសាស្ត្រនេះ ជម្រើសជាតិអ៊ីរ៉ង់មិនបានបន្ធូរដៃឲ្យគូប្រជែងកម្ពុជាដែលជាក្រុមភ្ញៀវឡើយ។ លទ្ធផល១៤គ្រាប់ទល់នឹងសូន្យមកលើកម្ពុជាជាការដូសម្រាប់ស្ត្រីអ៊ីរ៉ង់ជាងបីពាន់នាក់ដែលមានវត្តមានក្នុងកីឡដ្ឋាន Azadi នៅថ្ងៃទី១០ ខែតុលា ឆ្នាំ២០១៩។
អ៊ីរ៉ង់រក្សាតំណែងកំពូលតារាងពូល C ដោយទទួលបាន៦ពិន្ទុ ពីការប្រកួត២លើក នាំមុខអ៊ីរ៉ាក់ដែលមាន៤ពិន្ទុនៅលេខ២ និងបារ៉ែនមាន៤ពិន្ទុឈរលេខ៣ ដ្បិតមានគ្រាប់ស៊ុតតិចជាងអ៊ីរ៉ាក់។ ហុងកុង និងកម្ពុជាមាន១ពិន្ទុដូចគ្នានៅលេខរៀងបន្តបន្ទាប់៕
អត្ថបទទាក់ទង
ក្រោយឃើញស្ត្រីអ៊ីរ៉ង់មានវត្តមានក្នុងកីឡដ្ឋានសាជាថ្មីឡើងវិញ បន្ទាប់ពីមានការហាមប្រាមតាំងពីឆ្នាំ១៩៧៩មកនោះ សហព័ន្ធកីឡាបាល់ទាត់អន្តរជាតិ (FIFA) បានបង្ហាញក្តីរីករាយ ដោយលើកឡើងថានេះជាជំហានវិជ្ជមានមួយឆ្ពោះទៅមុខដែលស្ថាប័នខ្លួន និងជាពិសេសក្មេងស្រី និងស្ត្រីអ៊ីរ៉ង់ទន្ទឹងរង់ចាំជាយូរមកហើយ។
«ភាពត្រេកត្រអាល និងភាពរីករាយដែលពួកគេបានបង្ហាញនៅថ្ងៃនេះគឺពិតជាអស្ចារ្យ និងជាការលើកទឹកចិត្តិដ៏ធំមួយដើម្បីបន្តលើផ្លូវដែលកំពុងចាប់ផ្តើមនេះ។ ប្រវត្ដិសាស្ដ្របង្រៀនយើង ថាវឌ្ឍនភាពកើតឡើងតាមដំណាក់កាល ហើយនេះគ្រាន់តែជាការចាប់ផ្ដើមនៃជំហានដំបូងប៉ុណ្ណោះ»។ នេះជាសំណេរក្នុងសេចក្តីថ្លែងការណ៍របស់ FIFA ទៅកាន់ភាគីអ៊ីរ៉ង់។
FIFA ដែលមានលោក Gianni Infantino ជាប្រធាន ក៏បានអរគុណទាំងសហព័ន្ធកីឡាបាល់ទាត់អ៊ីរ៉ង់ (F.F.I.R.I.) និង សហព័ន្ធកីឡាបាល់អាស៊ី (AFC) រួមទាំងអាជ្ញាធរដែលបានចូលរួមសម្រាប់កិច្ចខិតខំប្រឹងប្រែងដ៏គួរឲ្យរំភើបមួយនេះ។ ស្ថានប័នគ្រប់គ្រងកីឡាបាល់ទាត់ពិភពលោក សន្យាបន្តធ្វើការយ៉ាងជិតស្និទ្ធដើម្បីធានាឲ្យបានក្នុងការអនុញ្ញាតអ្នកគាំទ្រទាំងពីរភេទអាចចូលកីឡាដ្ឋានដោយសេរី និងរីករាយក្នុងបរិយាកាសសុវត្ថិភាពនាការប្រកួតបាល់ទាត់នាពេលនេះ។
អ្វីដែលពិសេស និងជាមោទកភាពសម្រាប់ FIFA នោះគឺភាពក្លាហានរបស់ក្មេងស្រី និងស្ត្រីអ៊ីរ៉ង់ទាំងអស់ដែលបង្ហាញភាពក្លាហានក្រោកឈរដើម្បីការពារសិទ្ធិរបស់ពួកគេ រហូតទទួលបានការអនុញ្ញាតពីការហាមប្រាមនេះវិញ។ FIFA បញ្ជាក់ច្បាស់ៗក្នុងសេចក្តីថ្លែងការណ៍ទៀតថា នឹងគាំទ្រឈរប្រកៀកស្មាពួកគេយ៉ាងពេញទហឹងតែម្តង។
ក្នុងជំនួបក្រោមក្រសែភ្នែកស្ត្រីអ៊ីរ៉ង់ចូលរួមលើកដំបូងជាប្រវត្តិសាស្ត្រនេះ ជម្រើសជាតិអ៊ីរ៉ង់មិនបានបន្ធូរដៃឲ្យគូប្រជែងកម្ពុជាដែលជាក្រុមភ្ញៀវឡើយ។ លទ្ធផល១៤គ្រាប់ទល់នឹងសូន្យមកលើកម្ពុជាជាការដូសម្រាប់ស្ត្រីអ៊ីរ៉ង់ជាងបីពាន់នាក់ដែលមានវត្តមានក្នុងកីឡដ្ឋាន Azadi នៅថ្ងៃទី១០ ខែតុលា ឆ្នាំ២០១៩។
អ៊ីរ៉ង់រក្សាតំណែងកំពូលតារាងពូល C ដោយទទួលបាន៦ពិន្ទុ ពីការប្រកួត២លើក នាំមុខអ៊ីរ៉ាក់ដែលមាន៤ពិន្ទុនៅលេខ២ និងបារ៉ែនមាន៤ពិន្ទុឈរលេខ៣ ដ្បិតមានគ្រាប់ស៊ុតតិចជាងអ៊ីរ៉ាក់។ ហុងកុង និងកម្ពុជាមាន១ពិន្ទុដូចគ្នានៅលេខរៀងបន្តបន្ទាប់៕
Tag:
World Cup
FIFA
អ៊ីរ៉ង់
ជម្រើសជាតិ
© រក្សាសិទ្ធិដោយ thmeythmey.com
