ជាតិ
សង្គមជាតិ
ពិធីប្រណាំងទូកនៅតាមបណ្តោយស្ទឹងសៀមរាប ខេត្តសៀមរាប កាលពីឆ្នាំ២០១៨
×![]()
ដោយ: ថ្មីៗ
ភ្នំពេញ៖ ខេត្តកណ្តាល និងខេត្តបាត់ដំបង ចាប់ផ្តើមប្រារព្ធពិធីបុណ្យអុំទូកជាបណ្តើរៗហើយ។ ដោយឡែកបណ្តាខេត្តផ្សេងៗទៀត ក៏នឹងត្រៀមរៀបចំពិធីប្រណាំងទូកផងដែរ។ ជាក់ស្តែងរដ្ឋបាលខេត្តសៀមរាប នឹងប្រារព្ធពិធីប្រណាំងទូកនៅថ្ងៃទី៩-១២ ខែវិច្ឆិកា ដែលជាថ្ងៃបុណ្យអុំទូក អកអំបុក បណ្តែតប្រទីប សំពះព្រះខែ ទន្ទឹមគ្នានឹងការប្រណាំងទូកខ្នាតអន្តរជាតិ នៅរាជធានីភ្នំពេញផងដែរ។
ដើម្បីចូលរួមលើកកម្ពស់វប្បធម៌ជាតិ ទំនៀមទម្លាប់ និងប្រពៃណីជាតិ និងជាឱកាសឲ្យពលរដ្ឋបានសប្បាយរីករាយ ក៏ដូចជាជួយទាក់ទាញភ្ញៀវទេសចរជាតិ និងអន្តរជាតិ រដ្ឋបាលខេត្តសៀមរាប នឹងប្រារព្ធពិធីប្រណាំងទូករយៈពេល៣ថ្ងៃ គឺចាប់ពីថ្ងៃទី ៩-១២ ខែវិច្ឆិកា។ កម្មវិធីនេះនឹងប្រព្រឹត្តទៅនៅតាមបណ្តោយដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ចាស់ រហូតដល់ស្ពានវត្តដំណាក់។
រយៈពេល៤ថ្ងៃនៃពិធីបុណ្យអុំទូកនេះ រដ្ឋបាលខេត្តសៀមរាបបានត្រៀមរៀបចំការតាំងពិព័រណ៍ ម្ហូបអាហារ អមទាំងការប្រគំតន្រី ការសម្តែងសិល្បៈ និងកម្មវិធីកម្សាន្តនានាផងដែរ។ នេះបើយោងតាមសេចក្តីជូនដំណឹងរបស់រដ្ឋបាលខេត្តសៀមរាប។
ដើម្បីឲ្យកម្មវិធីប្រព្រឹត្តទៅដោយភាពអធិកអធម រដ្ឋបាលខេត្តសៀមរាប ស្នើឲ្យពលរដ្ឋទាំងទីជិត និងទីឆ្ងាយ ចូលរួមឲ្យបានច្រើនកុះករ៕
ដើម្បីចូលរួមលើកកម្ពស់វប្បធម៌ជាតិ ទំនៀមទម្លាប់ និងប្រពៃណីជាតិ និងជាឱកាសឲ្យពលរដ្ឋបានសប្បាយរីករាយ ក៏ដូចជាជួយទាក់ទាញភ្ញៀវទេសចរជាតិ និងអន្តរជាតិ រដ្ឋបាលខេត្តសៀមរាប នឹងប្រារព្ធពិធីប្រណាំងទូករយៈពេល៣ថ្ងៃ គឺចាប់ពីថ្ងៃទី ៩-១២ ខែវិច្ឆិកា។ កម្មវិធីនេះនឹងប្រព្រឹត្តទៅនៅតាមបណ្តោយដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ចាស់ រហូតដល់ស្ពានវត្តដំណាក់។
រយៈពេល៤ថ្ងៃនៃពិធីបុណ្យអុំទូកនេះ រដ្ឋបាលខេត្តសៀមរាបបានត្រៀមរៀបចំការតាំងពិព័រណ៍ ម្ហូបអាហារ អមទាំងការប្រគំតន្រី ការសម្តែងសិល្បៈ និងកម្មវិធីកម្សាន្តនានាផងដែរ។ នេះបើយោងតាមសេចក្តីជូនដំណឹងរបស់រដ្ឋបាលខេត្តសៀមរាប។
ដើម្បីឲ្យកម្មវិធីប្រព្រឹត្តទៅដោយភាពអធិកអធម រដ្ឋបាលខេត្តសៀមរាប ស្នើឲ្យពលរដ្ឋទាំងទីជិត និងទីឆ្ងាយ ចូលរួមឲ្យបានច្រើនកុះករ៕
អត្ថបទទាក់ទង
Tag:
អុំទូក
សៀមរាប
© រក្សាសិទ្ធិដោយ thmeythmey.com
