ជាតិ
សុខភាព
មន្ត្រីសុខាភិបាលចង់បានគម្រោងជំនួយទាក់ទងនឹងការប្រើប្រាស់ប្រព័ន្ធឌីជីថលដើម្បីតាមដានជំងឺមិនឆ្លង
លោកស្រី ឱ វណ្ណឌីន រដ្ឋលេខាធិការនៃក្រសួងសុខាភិបាល និងមន្ត្រីពាក់ព័ន្ធ ចុះកិច្ចសិក្សា និងដកបទពិសោធន៍ពីក្រុមគូ្រពេទ្យនៅប្រទេសចិន កាលពីថ្ងៃទី០៨ ខែតុលា ឆ្នាំ២០១៩
×![]()
ភ្នំពេញ៖ ជំងឺមហារីក ដាច់សរសៃឈាមខួរក្បាល ជំងឺបេះដូង ជំងឺទឹកនោមផ្អែម និងជំងឺរុំារ៉ៃផ្សេងៗ ត្រូវបានចាត់ទុកថាជំងឺមិនឆ្លងដែលកម្ពុជាកំពុងតែមានក្តីបារម្ភ ដោយមានអត្រាស្លាប់ច្រើនជាងជំងឺផ្សេងៗ។ រដ្ឋលេខាធិការក្រសួងសុខាភិបាល លោកស្រី ឱ វណ្ណឌីន បានស្នើសុំឲ្យដៃគូសុខាភិបាលផ្សេងៗ ជួយបង្កើតគម្រោងជំនួយ Grant Project ដោយប្រើប្រាស់ប្រព័ន្ធឌីជីថល សម្រាប់តាមដានជំងឺមិនឆ្លងនៅកម្ពុជា។ លោកស្រីថ្លែងដូចនេះនៅក្នុងសន្និសីទអន្តរជាតិស្តីអំពី «2019 International Life Science Summit» នៅប្រទេសចិន កាលពីថ្ងៃទី៨ ខែតុលា។
លោកស្រី ឱ វណ្ណឌីន រួមជាមួយ ថ្នាក់ដឹកនាំ មន្ត្រីជំនាញ សាស្ត្រាចារ្យ អ្នកស្រាវជ្រាវវិទ្យាសាស្ត្រសុខភាព អង្គការ China UNOPS និងភាគីពាក់ព័ន្ធអន្តរជាតិផ្នែកជំងឺមិនឆ្លង បានចុះកិច្ចសិក្សា និងដកបទពិសោធន៍ ពីការិយាល័យអង្គការសហប្រជាជាតិសម្រាប់សេវាកម្មគម្រោងប្រចាំនៅប្រទេសចិន (China UNOPS) និងដៃគូសុខាភិបាលផ្សេងៗ។
រដ្ឋលេខាធិការក្រសួងសុខាភិបាលរូបនេះ សំឡឹងឃើញថាភាគីចិន មានបចេ្ចកទេសខ្ពស់ក្នុងការប្រើប្រាស់ប្រព័ន្ធនៃការពិគ្រោះជំងឺតាមរយៈ e-Health និង Telemedicine ដែលអាចបង្កភាពងាយស្រួល ទាំងគ្រូពេទ្យ គិលានុដ្ឋាក-យិកា បុគ្គលិកពេទ្យ និងអ្នកជំងឺផ្ទាល់ ក្នុងការព្យាបាល តាមដាន និងគ្រប់គ្រងជំងឺមិនឆ្លង។
ដើម្បីយកគម្រោងបច្ចេកទេសនេះមកអនុវត្តនៅកម្ពុជា លោកស្រី ឱ វណ្ណឌីន បានដឹកនាំមន្ត្រីពាក់ព័ន្ធផ្សេងៗ ចូលពិភាក្សាជាមួយអ្នកជំនាញផ្នែកជំងឺមិនឆ្លង និងទាំងដៃគូអភិវឌ្ឍន៍សុខាភិបាលនានា ធ្វើយ៉ាងណាស្វែងរក និងកៀងគរធនធានសហប្រតិបត្តិការ ផ្តល់ជំនួយឥតសំណង ដើម្បីជំរុញឲ្យកិច្ចខិតខំ ពិនិត្យ បង្ការ ព្យាបាល និងតាមដានជំងឺមិនឆ្លងនៅកម្ពុជា។
របាយការណ៍របស់អង្គការសុខាភិបាលពិភពលោកបានបង្ហាញ នៅកម្ពុជា ឆ្នាំ២០១៨ មនុស្សស្លាប់ដោយសារជំងឺមិនឆ្លងមានប្រមាណ៦៤ភាគរយ ក្នុងនោះ ជំងឺសរសៃឈាមបេះដូង និងជំងឺដាច់សរសៃឈាមខួរក្បាល(ស្ត្រូក) ជំងឺសរសៃឈាម និងសាច់ដុំបេះដូង មានអត្រាស្លាប់ ២៤ភាគរយ, ជំងឺមហារីក ១៤ភាគរយ ជំងឺសួតរ៉ាំរ៉ៃ ៤ភាគរយ និងជំងឺទឹកនោមផ្អែម ២ភាគរយ។ រីឯជំងឺទឹកនោមផ្អែម មានប្រមាណជា ២,៩ភាគរយ និងជំងឺលើសសម្ពាធឈាមមាន ១១,២ភាគរយ ដែលជំងឺទាំងនេះ ភាគច្រើនកើតនៅលើមនុស្សពេញវ័យ៕
លោកស្រី ឱ វណ្ណឌីន រួមជាមួយ ថ្នាក់ដឹកនាំ មន្ត្រីជំនាញ សាស្ត្រាចារ្យ អ្នកស្រាវជ្រាវវិទ្យាសាស្ត្រសុខភាព អង្គការ China UNOPS និងភាគីពាក់ព័ន្ធអន្តរជាតិផ្នែកជំងឺមិនឆ្លង បានចុះកិច្ចសិក្សា និងដកបទពិសោធន៍ ពីការិយាល័យអង្គការសហប្រជាជាតិសម្រាប់សេវាកម្មគម្រោងប្រចាំនៅប្រទេសចិន (China UNOPS) និងដៃគូសុខាភិបាលផ្សេងៗ។
រដ្ឋលេខាធិការក្រសួងសុខាភិបាលរូបនេះ សំឡឹងឃើញថាភាគីចិន មានបចេ្ចកទេសខ្ពស់ក្នុងការប្រើប្រាស់ប្រព័ន្ធនៃការពិគ្រោះជំងឺតាមរយៈ e-Health និង Telemedicine ដែលអាចបង្កភាពងាយស្រួល ទាំងគ្រូពេទ្យ គិលានុដ្ឋាក-យិកា បុគ្គលិកពេទ្យ និងអ្នកជំងឺផ្ទាល់ ក្នុងការព្យាបាល តាមដាន និងគ្រប់គ្រងជំងឺមិនឆ្លង។
ដើម្បីយកគម្រោងបច្ចេកទេសនេះមកអនុវត្តនៅកម្ពុជា លោកស្រី ឱ វណ្ណឌីន បានដឹកនាំមន្ត្រីពាក់ព័ន្ធផ្សេងៗ ចូលពិភាក្សាជាមួយអ្នកជំនាញផ្នែកជំងឺមិនឆ្លង និងទាំងដៃគូអភិវឌ្ឍន៍សុខាភិបាលនានា ធ្វើយ៉ាងណាស្វែងរក និងកៀងគរធនធានសហប្រតិបត្តិការ ផ្តល់ជំនួយឥតសំណង ដើម្បីជំរុញឲ្យកិច្ចខិតខំ ពិនិត្យ បង្ការ ព្យាបាល និងតាមដានជំងឺមិនឆ្លងនៅកម្ពុជា។
របាយការណ៍របស់អង្គការសុខាភិបាលពិភពលោកបានបង្ហាញ នៅកម្ពុជា ឆ្នាំ២០១៨ មនុស្សស្លាប់ដោយសារជំងឺមិនឆ្លងមានប្រមាណ៦៤ភាគរយ ក្នុងនោះ ជំងឺសរសៃឈាមបេះដូង និងជំងឺដាច់សរសៃឈាមខួរក្បាល(ស្ត្រូក) ជំងឺសរសៃឈាម និងសាច់ដុំបេះដូង មានអត្រាស្លាប់ ២៤ភាគរយ, ជំងឺមហារីក ១៤ភាគរយ ជំងឺសួតរ៉ាំរ៉ៃ ៤ភាគរយ និងជំងឺទឹកនោមផ្អែម ២ភាគរយ។ រីឯជំងឺទឹកនោមផ្អែម មានប្រមាណជា ២,៩ភាគរយ និងជំងឺលើសសម្ពាធឈាមមាន ១១,២ភាគរយ ដែលជំងឺទាំងនេះ ភាគច្រើនកើតនៅលើមនុស្សពេញវ័យ៕
Tag:
ក្រសួងសុខាភិបាល
ជំងឺ
ឌីជីថល
ឱ វណ្ណឌីន
© រក្សាសិទ្ធិដោយ thmeythmey.com
