ជាតិ
ក្រសួងសង្គមកិច្ច និងអង្គការ១៣ ចុះMOU ក្នុងទឹកប្រាក់ជាង១៤លានដុល្លារ លើវិស័យសុខុមាភាពកុមារ រូបភាពពីក្រសួងសង្គមកិច្ច អតីតយុទ្ធជន និងយុវនីតិសម្បទា
× ក្រសួងសង្គមកិច្ច អតីតយុទ្ធជន និងយុវនីតិសម្បទា បានចុះហត្ថលេខាលើអនុស្សារណៈនៃកិច្ចព្រមព្រៀង (MoU) ជាមួយអង្គការចំនួន១៣ ក្នុងទំហំទឹកប្រាក់ជាង១៤លានដុល្លារ ប្រើប្រាស់ក្នុងរយៈពេល៣ឆ្នាំ ដើម្បីជួយលើវិស័យសុខុមាលភាពកុមារ។ នេះបើតាមការចេញផ្សាយលើទំព័រហ្វេសប៊ុករបស់ក្រសួងសង្គមកិច្ច ថ្ងៃទី១៤តុលា ឆ្នាំ២០១៩។
លោក តូច ចាន់នី អគ្គនាយកដ្ឋានបច្ចេកទេសក្រសួងសង្គមកិច្ច ស្នើឲ្យក្រុមការងារក្រសួងនិងអង្គការ សហការដោះស្រាយបញ្ហា និងលើកកម្ពស់វិស័យសង្គមកិច្ចនៅកម្ពុជា។ បើតាមលោក ចាន់នី រាល់អង្គការដៃគូទាំងអស់ ដែលបានចុះកិច្ចព្រមព្រៀងជាមួយក្រសួង ត្រូវប្រតិបត្តិទៅតាមលក្ខខណ្ឌឲ្យបានត្រឹមត្រូវ។ «ក្រសួងនឹងបញ្ចប់កិច្ចព្រមព្រៀងភ្លាម ប្រសិនបើអង្គការណាមួយប្រតិបត្តិខុសពីលក្ខខណ្ឌ»។ នេះជាការបញ្ជាក់របស់អគ្គនាយកដ្ឋានបច្ចេកទេសក្រសួងសង្គមកិច្ច។
អង្គការទាំង១៣ ដែលចុះកិច្ចព្រមព្រៀងជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា មានអង្គការសកលវិទ្យាល័យអន្តរជាតិសម្រាប់ប្រជាជាតិ, អង្គការមិត្តសំឡាញ់, អង្គការថែរក្សា និងអប់រំមនុស្សសំរាប់កម្ពុជា, អង្គការ អភិវឌ្ឍន៍ចំរូតនៃជាតិខ្មែរ, អង្គការ Friend International, អង្គការ ហូលថ៍អន្តរជាតិ, អង្គការ សង្គ្រោះ និងអភិវឌ្ឍន៍កុមារកំព្រា ស្ត្រីមេម៉ាយ, អង្គការ ជំរកគ្មានទីពឹង, អង្គការ កុមារកូនកសិករ, អង្គការ មូលនិធិអ៊ឺរ៉ុបសម្រាប់កុមារកម្ពុជា, អង្គការ ជំរុំកុមារដែលម៉ុនកម្ពុជា, អង្គការ Safe Place Mission និងអង្គការ Cambodia Neighbor៕
Tag:
សុខុមាភាព
កុមារ
អង្គការ
ក្រសួងសង្គមកិច្ច
© រក្សាសិទ្ធិដោយ thmeythmey.com