ជនជាតិចិន១៨នាក់ ពាក់ព័ន្ធនឹងករណីឆបោក ត្រូវបានបណ្ដេញចេញពីកម្ពុជា

ជាតិ

សង្គមជាតិ

ជនជាតិចិន១៨នាក់ ពាក់ព័ន្ធនឹងករណីឆបោក ត្រូវបានបណ្ដេញចេញពីកម្ពុជា

15, Oct 2019 , 9:59 pm

រូបភាព

រូបភាពពី អគ្គនាយកដ្ឋានអន្តោប្រវេសន៍

ដោយ: ឡាយ សុភាវតី

ភ្នំពេញ៖ ជនជាតិចិន១៨នាក់ ពាក់ព័ន្ធនឹងបទល្មើសក្លែងបន្លំ ឆបោកតាមប្រព័ន្ធទូរគមនាគមន៍ (VOIP) នៅខេត្តព្រះសីហនុ ត្រូវបានកម្លាំងសមត្ថកិច្ចបញ្ជូនទៅប្រទេសចិន តាមច្រកទ្វារអាកាសយានដ្ឋានអន្តរជាតិភ្នំពេញ កាលពីថ្ងៃទី ១៤ តុលា ឆ្នាំ២០១៩។ នេះបើតាមអគ្គនាយកដ្ឋានអន្តោប្រវេសន៍។

មន្រី្តនគរបាលអន្តោប្រវេសន៍ បានបញ្ជាក់ថា ជនជាតិចិនទាំង១៨នាក់នេះ ត្រូវបានកម្លាំងសមត្ថកិច្ចបង្ក្រាបបាន កាលពីថ្ងៃទី៨ កញ្ញា ឆ្នាំ២០១៩ មុននឹងបន្តនីតិវិធីបណ្តេញចេញពីកម្ពុជា។ បើតាមមន្ត្រីនគរបាលដដែល ជនល្មើសច្បាប់ទាំង១៨នាក់នេះ ត្រូវបានហាមមិនឲ្យចូលប្រទេសកម្ពុជា រយៈពេល៣ឆ្នាំ។

ការបញ្ជូនជនជាតិចិននេះ ធ្វើឡើងតាមជើងហោះហើរពិសេសលេខ CZ5246 ដោយមានការចូលរួមពីកម្លាំងសមត្ថកិច្ចរបស់ក្រសួងសន្តិសុខសាធារណៈចិន ដើម្បីយកទៅអនុវត្តតាមច្បាប់នៅប្រទេសចិន។ នេះបើតាមអគ្គនាយកដ្ឋានអន្តោប្រវេសន៍៕