ជាតិ
សេដ្ឋកិច្ច
លក់ដូរជាង១០ឆ្នាំលើទឹក អ្នកស្រី សូនី ៖ ការលក់ដូរដោយក្រមសីលធម៌ ទើបអាចរក្សាភ្ញៀវបាន
× សៀមរាប៖ រយៈពេល១៥ឆ្នាំហើយ ដែលអ្នកស្រី សូនី បានប្រកបរបរតូចតាចនៅលើផ្ទៃទឹក សម្រាប់ភ្ញៀវទេសចរ ដែលទៅលេងកម្សាន្ត នៅក្នុងសហគមកំពង់ភ្លុក ក្នុងស្រុកបាគង ខេត្តសៀមរាប។ ការលក់ដូរដោយក្រមសីលធម៌ និងប្រុងប្រយ័ត្នលើការប្រើប្រាស់ពាក្យសម្តីលើភ្ញៀវ គឺជាសកម្មភាពរបស់អ្នកស្រី សូនី អនុវត្តជាង១០ឆ្នាំនេះ។
នៅក្នុងទូកមួយ ដែលមានផ្លែឈើ នំ និងភេសជ្ជៈគ្រប់ប្រភេទនោះ គឺជាទំនិញបន្តិចបន្តួច ដែលអ្នកស្រី សូនី ដឹកលក់នៅលើផ្ទៃទឹកបឹងទន្លេសាប សម្រាប់ភ្ញៀវទេសចរ ។ អ្នកស្រី សូនី លក់ទំនិញទាំងនោះ ក្នុងតម្លៃសមរម្យ សម្រាប់ភ្ញៀវជាតិ និងអន្តរជាតិ ។
«យើងលក់ត្រូវប្រយ័ត្នខ្លួនយើង ដូចថាបើយើងមានបញ្ហា យើងនឹងប្រឈមមុខជាមួយភ្ញៀវ អ៊ីចឹងលក់ត្រូវប្រយ័ត្ន ព្រោះខ្លាចភ្ញៀវមិនពេញចិត្ត យើងមិនត្រូវការលក់ទេ ប៉ុន្តែបើគាត់ពេញចិត្តនឹងតម្លៃដែលយើងលក់ ចាំយើងលក់ឱ្យគាត់ ព្រោះជាធម្មតា យើងត្រូវការ(ភ្ញៀវ)យូរ…»។ នេះជាការលើកឡើងរបស់អ្នកស្រី សូនី។
សូមទស្សនាវីដេអូសម្ភាសខាងក្រោមនេះ៖
បើតាមស្ត្រីលក់ដូរលើទូករូបនេះ ការលក់ដូរលើទឹកក្នុងសហគម ក៏មានការបែងចែកវេនគ្នា ជាពីរក្រុមផងដែរ ដើម្បីអាចឱ្យសមាជិកនៅក្នុងសហគមទាំងអស់ អាចរកចំណូលផ្គត់ផ្គង់គ្រួសារ។
Tag:
ទេសចរណ៍
កំពង់ភ្លុក
សេដ្ឋកិច្ច
© រក្សាសិទ្ធិដោយ thmeythmey.com