បទយកការណ៍ / បទសម្ភាសន៍
ស្នាមដែលមានរាងដូចគូទខ្ចៅនៅម្រាមដៃ ជានិយមន័យរបស់ពាក្យ«ខ្ចៅដៃ» មិនមែន«ក្រយៅដៃ»ឡើយ!
× កន្លងមកពលរដ្ឋខ្មែរជាច្រើននិយមនិយាយ និងហៅថា«ក្រយៅដៃ»។ ទោះបីវចនានុក្រមខ្មែរមានពាក្យ «ក្រយៅ»ក៏ពិតមែន តែពាក្យ«ក្រយៅ»មិនអាចប្រើជាភាសាក្រយៅដៃបានឡើយ ព្រោះវាមានពាក្យពិតប្រាកដរបស់វារួចជាស្រេចហើយ គឺប្រើជា«ខ្ចៅដៃ»ទើបត្រឹមត្រូវ។
វចនានុក្រមខ្មែររបស់សម្តេចជួន ណាត បានបញ្ជាក់ពាក្យ«ក្រយៅ»ន័យថា កន្លែងដែលមានសក់ ឬរោមដុះវិលជុំវិញ នៅលើក្បាល,នៅខ្លួន ឬអវយវៈឯទៀត របស់មនុស្ស ឬសត្វ។ ដូច្នេះ កាលណាគេប្រើជា«ក្រយៅដៃ»នោះមានន័យថា ដៃដែលមានសក់ ឬរោមដុះពីលើទៅវិញ។
ពាក្យពិតគឺ«ខ្ចៅដៃ»ឯណេះទេទើបត្រូវ ដែលមានន័យថាស្នាមដែលវិលវង់ដូចគូទខ្ចៅ នៅម្រាមដៃ ឬម្រាមជើង។ «ខ្ចៅ»មានន័យច្រើនបែបទៀត ដែលសំដៅលើឈ្មោះសត្វតូចសន្តាននឹងខ្យងផង ឬដែកមានទងសណ្ឋានដូចគូចខ្ចៅ៕
© រក្សាសិទ្ធិដោយ thmeythmey.com