អន្តរជាតិ
×![]()
ដោយ: តន ចាន់រិទ្ធារ៉ា
មេដឹកនាំប្រទេសសមាជិកសហភាពអឺរ៉ុប នៅថ្ងៃទី១៧ ខែតុលា បានឯកភាពលើកិច្ចព្រមព្រៀងថ្មីមួយជុំវិញការបញ្ចប់សមាជិកភាពរបស់អង់គ្លេស ដែលទើបត្រូវបានក្រុមចរចារបស់ភាគីទាំងពីរយល់ព្រម។ ប៉ុន្តែកិច្ចព្រមព្រៀងនេះ ត្រូវឆ្លងកាត់សភាអង់គ្លេសមួយដំណាក់កាលទៀត ទើបយកជាការបាន។ ការរាំងស្ទះ អាចកើតឡើងនៅទីក្រុងឡុងដ៏ ដ្បិតរដ្ឋាភិបាលអង់គ្លេស ទំនងពិបាកប្រមូលសំឡេងគ្រប់គ្រាន់ដើម្បីទទួលបានភ្លើងបៃតង។ 
នាយករដ្ឋមន្ត្រីអង់គ្លេស បូរីស ចនសុន និងប្រធានគណៈកម្មការអឺរ៉ុប ហ្សង់-ក្លូដ ចាំងគើ បានប្រកាសនៅថ្ងៃទី១៧ ខែតុលា ពីការយល់ព្រមរវាងក្រុមការងារចរចាលើកិច្ចព្រមព្រៀងចាកចេញរបស់អង់គ្លេស (Brexit)។ នៅថ្ងៃដដែល មេដឹកនាំប្រទេសទាំង២៧ ដែលជាសមាជិកសហភាពអឺរ៉ុបក៏យល់ព្រមលើកិច្ចព្រមព្រៀងថ្មីដែលចែងពីទំនាក់ទំនង និងលក្ខខណ្ឌនានាក្រោយអង់គ្លេសចាកចេញពីអឺរ៉ុប។
ក្រោយចរចាអស់ពេលច្រើនសប្ដាហ៍ ភាគីទាំងពីរបានមូលមតិគ្នាលើបញ្ហាសំខាន់ៗមួយចំនួន ពិសេសការកំណត់ព្រំដែនរវាងសាធារណរដ្ឋអៀរឡង់ដែលជាសមាជិកអឺរ៉ុប និងអៀរឡង់ខាងជើងដែលទឹកដីរបស់ចក្រភពអង់គ្លេស។ ត្រង់ចំណុច ភាគីទាំងពីរយល់ស្របគ្នាថា អង់គ្លេសដែលលែងជាសមាជិកអឺរ៉ុប អាចមានកិច្ចព្រមព្រៀងពាណិជ្ជកម្មជាមួយរដ្ឋឯទៀត តែត្រូវបន្ធូរការយកពន្ធលើទំនិញជាក់លាក់មួយចំនួនរបស់អឺរ៉ុបដែលឆ្លងកាត់អៀរឡង់ខាងជើង។
លើសពីនោះ អៀរឡង់ខាងជើង អាចអនុវត្តតាមបញ្ញត្តិរបស់អឺរ៉ុបលើវិស័យកសិកម្ម ចំណីអាហារ និងទំនិញឧស្សាហកម្ម។ ត្រង់រឿងនេះ ប្រធានគណៈកម្មការអឺរ៉ុប ហ្សង់-ក្លូដ ចាំងគើ អះអាងថា សម្រាប់ទឹកដីលើកោះអៀរឡង់ទាំងមូល នឹងមិនមានព្រំដែនឡើយ ហើយទីផ្សារតែមួយរបស់អឺរ៉ុប នៅតែទទួលបានការការពារដដែល។ ប៉ុន្តែកិច្ចព្រមព្រៀង Brexit ថ្មី ក៏បើកផ្លូវឲ្យមានការឆែកឆេរពន្ធគយខ្លះផងដែរ។ ចំណុចនេះ អាចរងការជំទាស់ពីបក្សសហភាពប្រជាធិបតេយ្យដែលតំណាងឲ្យអៀរឡង់ខាងជើងក្នុងសភាអង់គ្លេស។
ប្រធានក្រុមប្រឹក្សអឺរ៉ុប ដូណាល់ ទូស ប្រាប់អ្នកសារព័ត៌មានក្រោយជំនួបថា យើងកាន់តែជិតដំណាក់កាលចុងក្រោយហើយ។ នាយករដ្ឋមន្ត្រីអង់គ្លេស បូរីស ចនសុន បានសរសេរលើ Twitter មុនជំនួបជាមួយមេដឹកនាំអឺរ៉ុបថា យើងមានកិច្ចព្រមព្រៀងថ្មី ហើយដល់ពេលសភាត្រូវបញ្ចប់ការងារនេះនៅថ្ងៃទី១៩ ខែតុលា ដើម្បីបន្តដំណើរទៅមុខលើបញ្ហាអាទិភាពឯទៀតដូចជាសុខាភិបាល ឧក្រិដ្ឋកម្មហិង្សា និងបរិស្ថានជាដើម។
យ៉ាងណាមិញ បញ្ហានៅតែស្ថិតខាងអង់គ្លេសដដែល។ ទោះជាលោក ចនសុន មានជំហរវិជ្ជមានច្រើនក្ដី សមាជិកសភាបក្សប្រឆាំង និងសម្ព័ន្ធមិត្តខ្លះទៀត បានព្រមានទុកមុនថា ពួកគេអាចមិនគាំទ្រកិច្ចព្រមព្រៀងនេះឡើយក្នុងកិច្ចប្រជុំពិសេសនៅចុងសប្ដាហ៍នេះ។ កិច្ចប្រជុំថ្ងៃទី១៩ ខែតុលា ជាកិច្ចប្រជុំថ្ងៃសៅរ៍លើកដំបូងរបស់សភាអង់គ្លេសចាប់តាំងពីឆ្នាំ១៩៨២ មកដែលសមាជិកសភាត្រូវជជែកសេចក្ដីស្នើច្បាប់ណាមួយនោះ។
ប្រសិនបើសភាអង់គ្លេសផ្ដល់ភ្លើងបៃតង ដំណើរការបន្ទាប់ នឹងមិនលំបាកឡើយ។ ប៉ុន្តែបើសមាជិកសភាអង់គ្លេសបដិសេធម្ដងទៀត លោក ចនសុន ត្រូវតែស្នើសុំពន្យារពេលចាកចេញម្ដងទៀត ខណៈកាលបរិច្ឆេទចាកចេញចុងក្រោយ គឺថ្ងៃទី៣១ ខែតុលាខាងមុខ។ លោក ចនសុន បានប្រាប់ប្រធានាធិបតីបារាំង អេម៉ានុយអែល ម៉ាក្រុង ថា លោកអាចនឹងបញ្ចុះបញ្ចូលសភាឲ្យយល់ព្រមបាន។ ជំហរលោក ចនសុន គឺអូសអង់គ្លេសចេញឲ្យបានត្រឹមថ្ងៃទី៣១ ទោះមាន ឬគ្មានកិច្ចព្រមព្រៀង៕
នាយករដ្ឋមន្ត្រីអង់គ្លេស បូរីស ចនសុន និងប្រធានគណៈកម្មការអឺរ៉ុប ហ្សង់-ក្លូដ ចាំងគើ បានប្រកាសនៅថ្ងៃទី១៧ ខែតុលា ពីការយល់ព្រមរវាងក្រុមការងារចរចាលើកិច្ចព្រមព្រៀងចាកចេញរបស់អង់គ្លេស (Brexit)។ នៅថ្ងៃដដែល មេដឹកនាំប្រទេសទាំង២៧ ដែលជាសមាជិកសហភាពអឺរ៉ុបក៏យល់ព្រមលើកិច្ចព្រមព្រៀងថ្មីដែលចែងពីទំនាក់ទំនង និងលក្ខខណ្ឌនានាក្រោយអង់គ្លេសចាកចេញពីអឺរ៉ុប។
ក្រោយចរចាអស់ពេលច្រើនសប្ដាហ៍ ភាគីទាំងពីរបានមូលមតិគ្នាលើបញ្ហាសំខាន់ៗមួយចំនួន ពិសេសការកំណត់ព្រំដែនរវាងសាធារណរដ្ឋអៀរឡង់ដែលជាសមាជិកអឺរ៉ុប និងអៀរឡង់ខាងជើងដែលទឹកដីរបស់ចក្រភពអង់គ្លេស។ ត្រង់ចំណុច ភាគីទាំងពីរយល់ស្របគ្នាថា អង់គ្លេសដែលលែងជាសមាជិកអឺរ៉ុប អាចមានកិច្ចព្រមព្រៀងពាណិជ្ជកម្មជាមួយរដ្ឋឯទៀត តែត្រូវបន្ធូរការយកពន្ធលើទំនិញជាក់លាក់មួយចំនួនរបស់អឺរ៉ុបដែលឆ្លងកាត់អៀរឡង់ខាងជើង។
លើសពីនោះ អៀរឡង់ខាងជើង អាចអនុវត្តតាមបញ្ញត្តិរបស់អឺរ៉ុបលើវិស័យកសិកម្ម ចំណីអាហារ និងទំនិញឧស្សាហកម្ម។ ត្រង់រឿងនេះ ប្រធានគណៈកម្មការអឺរ៉ុប ហ្សង់-ក្លូដ ចាំងគើ អះអាងថា សម្រាប់ទឹកដីលើកោះអៀរឡង់ទាំងមូល នឹងមិនមានព្រំដែនឡើយ ហើយទីផ្សារតែមួយរបស់អឺរ៉ុប នៅតែទទួលបានការការពារដដែល។ ប៉ុន្តែកិច្ចព្រមព្រៀង Brexit ថ្មី ក៏បើកផ្លូវឲ្យមានការឆែកឆេរពន្ធគយខ្លះផងដែរ។ ចំណុចនេះ អាចរងការជំទាស់ពីបក្សសហភាពប្រជាធិបតេយ្យដែលតំណាងឲ្យអៀរឡង់ខាងជើងក្នុងសភាអង់គ្លេស។
ប្រធានក្រុមប្រឹក្សអឺរ៉ុប ដូណាល់ ទូស ប្រាប់អ្នកសារព័ត៌មានក្រោយជំនួបថា យើងកាន់តែជិតដំណាក់កាលចុងក្រោយហើយ។ នាយករដ្ឋមន្ត្រីអង់គ្លេស បូរីស ចនសុន បានសរសេរលើ Twitter មុនជំនួបជាមួយមេដឹកនាំអឺរ៉ុបថា យើងមានកិច្ចព្រមព្រៀងថ្មី ហើយដល់ពេលសភាត្រូវបញ្ចប់ការងារនេះនៅថ្ងៃទី១៩ ខែតុលា ដើម្បីបន្តដំណើរទៅមុខលើបញ្ហាអាទិភាពឯទៀតដូចជាសុខាភិបាល ឧក្រិដ្ឋកម្មហិង្សា និងបរិស្ថានជាដើម។
យ៉ាងណាមិញ បញ្ហានៅតែស្ថិតខាងអង់គ្លេសដដែល។ ទោះជាលោក ចនសុន មានជំហរវិជ្ជមានច្រើនក្ដី សមាជិកសភាបក្សប្រឆាំង និងសម្ព័ន្ធមិត្តខ្លះទៀត បានព្រមានទុកមុនថា ពួកគេអាចមិនគាំទ្រកិច្ចព្រមព្រៀងនេះឡើយក្នុងកិច្ចប្រជុំពិសេសនៅចុងសប្ដាហ៍នេះ។ កិច្ចប្រជុំថ្ងៃទី១៩ ខែតុលា ជាកិច្ចប្រជុំថ្ងៃសៅរ៍លើកដំបូងរបស់សភាអង់គ្លេសចាប់តាំងពីឆ្នាំ១៩៨២ មកដែលសមាជិកសភាត្រូវជជែកសេចក្ដីស្នើច្បាប់ណាមួយនោះ។
ប្រសិនបើសភាអង់គ្លេសផ្ដល់ភ្លើងបៃតង ដំណើរការបន្ទាប់ នឹងមិនលំបាកឡើយ។ ប៉ុន្តែបើសមាជិកសភាអង់គ្លេសបដិសេធម្ដងទៀត លោក ចនសុន ត្រូវតែស្នើសុំពន្យារពេលចាកចេញម្ដងទៀត ខណៈកាលបរិច្ឆេទចាកចេញចុងក្រោយ គឺថ្ងៃទី៣១ ខែតុលាខាងមុខ។ លោក ចនសុន បានប្រាប់ប្រធានាធិបតីបារាំង អេម៉ានុយអែល ម៉ាក្រុង ថា លោកអាចនឹងបញ្ចុះបញ្ចូលសភាឲ្យយល់ព្រមបាន។ ជំហរលោក ចនសុន គឺអូសអង់គ្លេសចេញឲ្យបានត្រឹមថ្ងៃទី៣១ ទោះមាន ឬគ្មានកិច្ចព្រមព្រៀង៕
Tag:
Brexit
អឺរ៉ុប
បូរីស ចនសុន
© រក្សាសិទ្ធិដោយ thmeythmey.com
