ជាតិ
២៥ខេត្ត/រាជធានី
វេទិកាកសិករថ្នាក់ជាតិលើកទី៨ ពិភាក្សាពីការជួយកសិករឲ្យមានលទ្ធភាពទទួលបានទឹក,ទុន និងទីផ្សារ
×![]()
ដោយ៖ ផាត ដាណេ
ភ្នំពេញ៖ វេទិកាអង្គការមិនមែនរដ្ឋាភិបាលស្តីពីកម្ពុជា (NGO Forum) និងអង្គការអុកស្វាម រួមទាំងអង្គការដៃគូ បានរៀបចំវេទិកាកសិករលើកទី៨ នៅថ្ងៃទី១៦-១៧ តុលា ក្រោមប្រធានបទ៖«លើកកម្ពស់ការចូលរួមដៃគូពហុភាគី ដើម្បីឲ្យកសិករមានលទ្ធភាពគ្រប់គ្រាន់ក្នុងការវិនិយោគលើវិស័យកសិកម្ម»។ វេទិកានេះ បានពិភាក្សាពីបញ្ហាដែលកសិករជួបប្រទះដូចជា ទុន ទឹក និងទីផ្សារ ជាពិសេសពង្រឹងកិច្ចសហការ និងភាពជាដៃគូរវាងកសិករ សហគមន៍កសិកម្ម វិស័យឯកជន ស្ថាប័នរដ្ឋាភិបាល អង្គការសង្គមស៊ីវិល និងដៃគូអភិវឌ្ឍន៍។
នេះជាលើកទី៨ហើយ ដែលវេទិកាកសិករថ្នាក់ជាតិត្រូវបានរៀបចំឡើង។ បើតាមលោក តឹក វណ្ណារ៉ា នាយកប្រតិបត្តិវេទិកានៃអង្គការមិនមែនរដ្ឋាភិបាលស្ដីពីកម្ពុជា វេទិកាកសិករថ្នាក់ជាតិលើកទី៨នេះ រៀបចំឡើង ដើម្បីលើកកម្ពស់នូវបរិយាកាសវិស័យកសិធុរៈកិច្ច ដោយមានការចូលរួមពហុភាគី និងកិច្ចសហការក្នុងការពិនិត្យ និងធ្វើបច្ចុប្បន្នភាពវិធីសាស្ត្រគាំទ្រ ដើម្បីផ្ដល់ផលប្រយោជន៍ជូនកសិករ និងសហគមន៍កសិករ។
ជាមួយគ្នានេះ វេទិកានេះ ក៏បានជំរុញការអនុវត្តគោលនយោបាយដែលពាក់ព័ន្ធ ក្នុងការគាំទ្រកសិករ សហគមន៍កសិកម្ម ជាពិសេសស្ត្រី ដើម្បីឲ្យពួកគាត់មានឱកាសកាន់តែច្រើនឡើងក្នុងការទទួលបានទឹក ទុន និងទីផ្សារ។ ក្នុងនោះដែរ វេទិកានេះក៏មានគោលបំណងពង្រឹងកិច្ចសហការ និងភាពជាដៃគូ រវាងកសិករ សហគមន៍កសិកម្ម វិស័យឯកជន ស្ថាប័នរាជរដ្ឋាភិបាល អង្គការសង្គមស៊ីវិល និងដៃគូអភិវឌ្ឍន៍។
ថ្លែងក្នុងវេទិកាថ្នាក់ជាតិលើកទី៨ លោក តឹក វណ្ណារ៉ា បញ្ជាក់យ៉ាងដូច្នេះ៖«ដើម្បីជំរុញវិស័យកសិ-ពាណិជ្ជកម្ម ប្រកបដោយនិរន្តភាព និងទីផ្សារកសិកម្ម ព្រមទាំងខ្សែចង្វាក់ផលិតកម្ម តម្រូវឲ្យមានចូលរួមពីភាគីពាក់ព័ន្ធសំខាន់ៗដូចជា វិស័យឯកជន អ្នកផលិត កសិករ និងសហគមន៍កសិកម្ម ស្ថាប័នមីក្រូហិរញ្ញវត្ថុ ការអភិវឌ្ឍហេដ្ឋារចនាសម្ព័ន្ធ ការអនុវត្តច្បាប់គោលនយោបាយ និងការកសាងសមត្ថភាពស្ថាប័ន ឆ្ពោះទៅលើកកម្ពស់ផលិតផលកសិកម្ម សម្រាប់ទីផ្សារក្នុងស្រុក និងនាំចេញក្រៅប្រទេស ដែលជាប្រយោជន៍ដល់កសិករ និងសហគមន៍កសិកម្ម»។
អ្នកស្រី យ៉ាន់ ស្រីយ៉ាត តំណាងកសិករស្ត្រីឆ្នើម មកពីខេត្តបាត់ដំបង បានលើកឡើងថា វេទិកានេះ ជាព្រឹត្តិការណ៍សំខាន់ ដែលផ្ដល់ឱកាសដល់កសិករ និងសហគមន៍កសិកម្ម រដ្ឋាភិបាល និងដៃគូ ដើម្បីពិភាក្សា និងស្វែងរកយុទ្ធសាស្ត្ររួមគ្នា សំដៅសម្រេចឲ្យបានក្នុងការលើកកម្ពស់ការចូលរួមដៃគូពហុភាគី ដើម្បីឲ្យកសិករមានលទ្ធភាពគ្រប់គ្រាន់ក្នុងការវិនិយោគលើវិស័យកសិកម្ម។
ក្នុងវេទិកានេះ បានជជែកពិភាក្សាលើប្រធានបទដូចជា ការចូលរួមរបស់ពហុភាគីក្នុងកសិធុរៈកិច្ច ដើម្បីជួយកសិករមានលទ្ធភាពទទួលបានទឹកសម្រាប់កសិកម្ម, ទុនសម្រាប់កសិកម្ម និងចូលទីផ្សារកសិកម្ម។វេទិកានេះ មានការចូលពីតំណាងរដ្ឋាភិបាល អង្គការមិនមែនរដ្ឋាភិបាល ផ្នែកឯកជន វិស័យធនាគារតំណាងកសិករ សហគមន៍កសិកម្ម និងស្ត្រីឆ្នើម ប្រមាណ ២៨៤នាក់។ សូមបញ្ជាក់ថា ក្នុងឆ្នាំ២០១៨ វិស័យកសិកម្មនៅកម្ពុជា បានចូលរួមចំណែក ២៣,៥ភាគរយ នៃផលិតផលក្នុងស្រុកសរុប៕
ភ្នំពេញ៖ វេទិកាអង្គការមិនមែនរដ្ឋាភិបាលស្តីពីកម្ពុជា (NGO Forum) និងអង្គការអុកស្វាម រួមទាំងអង្គការដៃគូ បានរៀបចំវេទិកាកសិករលើកទី៨ នៅថ្ងៃទី១៦-១៧ តុលា ក្រោមប្រធានបទ៖«លើកកម្ពស់ការចូលរួមដៃគូពហុភាគី ដើម្បីឲ្យកសិករមានលទ្ធភាពគ្រប់គ្រាន់ក្នុងការវិនិយោគលើវិស័យកសិកម្ម»។ វេទិកានេះ បានពិភាក្សាពីបញ្ហាដែលកសិករជួបប្រទះដូចជា ទុន ទឹក និងទីផ្សារ ជាពិសេសពង្រឹងកិច្ចសហការ និងភាពជាដៃគូរវាងកសិករ សហគមន៍កសិកម្ម វិស័យឯកជន ស្ថាប័នរដ្ឋាភិបាល អង្គការសង្គមស៊ីវិល និងដៃគូអភិវឌ្ឍន៍។
នេះជាលើកទី៨ហើយ ដែលវេទិកាកសិករថ្នាក់ជាតិត្រូវបានរៀបចំឡើង។ បើតាមលោក តឹក វណ្ណារ៉ា នាយកប្រតិបត្តិវេទិកានៃអង្គការមិនមែនរដ្ឋាភិបាលស្ដីពីកម្ពុជា វេទិកាកសិករថ្នាក់ជាតិលើកទី៨នេះ រៀបចំឡើង ដើម្បីលើកកម្ពស់នូវបរិយាកាសវិស័យកសិធុរៈកិច្ច ដោយមានការចូលរួមពហុភាគី និងកិច្ចសហការក្នុងការពិនិត្យ និងធ្វើបច្ចុប្បន្នភាពវិធីសាស្ត្រគាំទ្រ ដើម្បីផ្ដល់ផលប្រយោជន៍ជូនកសិករ និងសហគមន៍កសិករ។
ជាមួយគ្នានេះ វេទិកានេះ ក៏បានជំរុញការអនុវត្តគោលនយោបាយដែលពាក់ព័ន្ធ ក្នុងការគាំទ្រកសិករ សហគមន៍កសិកម្ម ជាពិសេសស្ត្រី ដើម្បីឲ្យពួកគាត់មានឱកាសកាន់តែច្រើនឡើងក្នុងការទទួលបានទឹក ទុន និងទីផ្សារ។ ក្នុងនោះដែរ វេទិកានេះក៏មានគោលបំណងពង្រឹងកិច្ចសហការ និងភាពជាដៃគូ រវាងកសិករ សហគមន៍កសិកម្ម វិស័យឯកជន ស្ថាប័នរាជរដ្ឋាភិបាល អង្គការសង្គមស៊ីវិល និងដៃគូអភិវឌ្ឍន៍។
ថ្លែងក្នុងវេទិកាថ្នាក់ជាតិលើកទី៨ លោក តឹក វណ្ណារ៉ា បញ្ជាក់យ៉ាងដូច្នេះ៖«ដើម្បីជំរុញវិស័យកសិ-ពាណិជ្ជកម្ម ប្រកបដោយនិរន្តភាព និងទីផ្សារកសិកម្ម ព្រមទាំងខ្សែចង្វាក់ផលិតកម្ម តម្រូវឲ្យមានចូលរួមពីភាគីពាក់ព័ន្ធសំខាន់ៗដូចជា វិស័យឯកជន អ្នកផលិត កសិករ និងសហគមន៍កសិកម្ម ស្ថាប័នមីក្រូហិរញ្ញវត្ថុ ការអភិវឌ្ឍហេដ្ឋារចនាសម្ព័ន្ធ ការអនុវត្តច្បាប់គោលនយោបាយ និងការកសាងសមត្ថភាពស្ថាប័ន ឆ្ពោះទៅលើកកម្ពស់ផលិតផលកសិកម្ម សម្រាប់ទីផ្សារក្នុងស្រុក និងនាំចេញក្រៅប្រទេស ដែលជាប្រយោជន៍ដល់កសិករ និងសហគមន៍កសិកម្ម»។
អ្នកស្រី យ៉ាន់ ស្រីយ៉ាត តំណាងកសិករស្ត្រីឆ្នើម មកពីខេត្តបាត់ដំបង បានលើកឡើងថា វេទិកានេះ ជាព្រឹត្តិការណ៍សំខាន់ ដែលផ្ដល់ឱកាសដល់កសិករ និងសហគមន៍កសិកម្ម រដ្ឋាភិបាល និងដៃគូ ដើម្បីពិភាក្សា និងស្វែងរកយុទ្ធសាស្ត្ររួមគ្នា សំដៅសម្រេចឲ្យបានក្នុងការលើកកម្ពស់ការចូលរួមដៃគូពហុភាគី ដើម្បីឲ្យកសិករមានលទ្ធភាពគ្រប់គ្រាន់ក្នុងការវិនិយោគលើវិស័យកសិកម្ម។
ក្នុងវេទិកានេះ បានជជែកពិភាក្សាលើប្រធានបទដូចជា ការចូលរួមរបស់ពហុភាគីក្នុងកសិធុរៈកិច្ច ដើម្បីជួយកសិករមានលទ្ធភាពទទួលបានទឹកសម្រាប់កសិកម្ម, ទុនសម្រាប់កសិកម្ម និងចូលទីផ្សារកសិកម្ម។វេទិកានេះ មានការចូលពីតំណាងរដ្ឋាភិបាល អង្គការមិនមែនរដ្ឋាភិបាល ផ្នែកឯកជន វិស័យធនាគារតំណាងកសិករ សហគមន៍កសិកម្ម និងស្ត្រីឆ្នើម ប្រមាណ ២៨៤នាក់។ សូមបញ្ជាក់ថា ក្នុងឆ្នាំ២០១៨ វិស័យកសិកម្មនៅកម្ពុជា បានចូលរួមចំណែក ២៣,៥ភាគរយ នៃផលិតផលក្នុងស្រុកសរុប៕
កសិករចូលរួមវេទិកាកសិករថ្នាក់ជាតិ
© រក្សាសិទ្ធិដោយ thmeythmey.com
