ជាតិ
បទយកការណ៍ / បទសម្ភាសន៍
×![]()
ភ្នំពេញ៖ បច្ចុប្បន្ន មានបុរសខ្មែរមួយចំនួន យល់ថា ការយកប្រពន្ធ គឺជាបន្ទុកសម្រាប់ពួកគេ។ ប៉ុន្តែ អ្នកជំនាញ បានអះអាងថា ការយកប្រពន្ធមិនមែនជាបន្ទុកនោះឡើយ។ ផ្ទុយទៅវិញ បុរសដែលមានប្រពន្ធក្នុងវ័យសមល្មម នឹងធ្វើឲ្យជីវិតពួកគេកាន់តែប្រសើរ ខណៈបុរសដែលនៅលីវយូរពេក អាចនឹងមានជំងឺផ្លូវចិត្ត និងប្រឈមនឹងបញ្ហាមួយចំនួនទៀត។
សូមអញ្ជើញស្តាប់បទយកការណ៍ដែលរៀបចំដោយ លោក រ៉ឹម ភារី នៃសារព័ត៌មានថ្មីៗ ដូចតទៅ៖
នៅក្នុងហាងកាហ្វេមួយក្នុងក្រុងភ្នំពេញ មានមនុស្សជាច្រើនជួបជុំគ្នាពិភាក្សាលើប្រធានផ្សេងៗគ្នា ដូចជាការរកស៊ី និងការសិក្សាជាដើម។ ប៉ុន្តែ មានកំលោះមួយក្រុម បែរជាយកប្រធានបទការរៀបការមកជជែកគ្នាយ៉ាងផុសផុលទៅវិញ។ «បើសិនតិចទៀត ខ្ញុំមានប្រពន្ធ ខ្ញុំមានបន្ទុកច្រើនមែនហើយ ព្រោះយើងមានប្រពន្ធ យើងត្រូវរកចំណូលរាល់ថ្ងៃ។ បើមានកូនទៀត ត្រូវចិញ្ចឹមកូនទៀត ខោទឹកនោម ទឹកដោះគោកូន ហើយឪពុកម្តាយសុទ្ធតែធ្វើការឲ្យគេ បើកលុយមកមិនបានច្រើន។ ណាមួយ យើងរវល់ចំណាយលើកូនផង ពេលមានបុណ្យទានត្រូវជូនលុយឪពុកម្តាយទាំងសងខាងទៀត។ និយាយរួមនៅលីវស្រួលជាង ហើយអត់សូវគិតច្រើន»។ នេះជាការលើកឡើងរបស់ យុវជន ឡូត យ៉ាឌី។
ក្នុងវ័យ២២ឆ្នាំ យ៉ាឌី ដែលមានសក់រួញ និងសម្បុរសណ្តែកបាយ បានអះអាងថា បច្ចុប្បន្នលោកមានការងារដែលមានចំណូលគ្រាន់តែចំណាយសម្រាប់ការសិក្សា និងជីវភាពផ្ទាល់ខ្លួនឯងប៉ុណ្ណោះ ចំណែករឿងយកប្រពន្ធនោះ លោកមិនទាន់គិតគូរនៅឡើយទេ។ ស្លៀកខោខ្លីត្រឹមជង្គង់ ពាក់អាវក្រណាត់ កំលោះប៉ិនវោហាររូបនេះ បានបរិយាយយ៉ាងដូច្នេះថា៖ «ដោយសារតែវ័យនៅក្មេងពេក ហើយចង់ដើរលេងឲ្យបានច្រើន។ ណាមួយ ការងារមានតែប្រាក់ខែប៉ុណ្ណឹង បើយើងទៅយកប្រពន្ធទៀត យើងចិញ្ចឹមគេមិនរស់ទេ។ ខ្ញុំគិតថា ចាំដល់វ័យ២៨ ឬ២៩ រកលុយបានច្រើនសិន ចាំគិតគូរតាមក្រោយ»។
ផ្ទុយពីយ៉ាឌី លោក កប សុជាតិ ដែលអង្គុយនៅក្បែរនោះដែរ បែរជាគិតថា ការយកប្រពន្ធនឹងក្លាយជាបន្ទុក បើសិនជាមានតែភាគីម្ខាង ជាអ្នករ៉ាប់រងបន្ទុកគ្រួសារទាំងមូល តែបើភាគីទាំងពីរចេះជួយគ្នាទៅវិញទៅមក នោះនឹងធ្វើឲ្យបុរសដែលមានប្រពន្ធលែងគិតថា ប្រពន្ធជាបន្ទុកទៀតហើយ។
ក្នុងវ័យ២២ឆ្នាំ សុជាតិ បានពន្យល់យ៉ាងដូច្នេះ៖ «ខ្ញុំគិតថា ការយកប្រពន្ធជាបន្ទុក វាទស្សនៈមួយម្យ៉ាងម្នាក់ទេ។ បើយើងយកមក យើងអត់ចេះជួយគ្នា ពឹងតែម្ខាងៗ។ ឧទាហរណ៍ ប្រពន្ធពឹងតែប្តី ប្រពន្ធនៅតែផ្ទះ អត់ជួយការងារប្តី ប្តីធ្វើការងារពេលទៅដល់ផ្ទះ ប្រពន្ធមិនសូវចេះលើកទឹកចិត្ត ចឹងមានអារម្មណ៍ថាជាបន្ទុកហើយ។ ផ្ទុយទៅវិញ បើភាគីទាំងសងខាងចេះជួយយកអាសាគ្នា ពេលប្តីទៅដល់ផ្ទះប្រពន្ធចេះរៀបចំបាយទឹក ពេលចេញផ្ទះឃើញតែស្នាមញញឹមប្រពន្ធក៏ប្តីអស់ចិត្តហើយ»។
ជាកូនពៅក្នុងចំណោមបងប្អូន៥នាក់ សុជាតិ ដែលមានស្រុកកំណើតនៅខេត្តកំពត មិនទាន់មានគម្រោងយកប្រពន្ធនៅឡើយទេ ស្របពេលដែលមិត្តភក្តិស្រករគ្នាជាច្រើន បានរៀបការរួចហើយ។ លោកអះអាងថា លោកនឹងយកប្រពន្ធនៅពេលរៀនចប់ និងពេលមានការងារធ្វើត្រឹមត្រូវ។ បើតាមបុរសសម្បុរស្រអែមរូបនេះ បុរសដែលនៅលីវយូរពេកមិនល្អនោះទេ ព្រោះពួកគេមិនមានគោលដៅច្បាស់លាស់ ខណៈដែលអ្នកមានប្រពន្ធ ពួកគេបានរៀបចំគ្រួសារបានល្អ និងមានជីវភាពធូរធារ។
ពាក់អាវស ទឺនុយជាមួយខោខ្មៅ សុជាតិ បានរៀបរាប់លាយឡំនឹងសំណើចតិចៗយ៉ាងដូច្នេះថា៖ «ឃើញថា ភាគច្រើន មនុស្សដែលមិនទាន់មានប្រពន្ធ ពួកគាត់ដូចជាតែលតោល តែអ្នកមានប្រពន្ធ ពួកគាត់មានជីវភាពធូរធារ មានឡានជិះអ៊ីចឹងទៅ។ ដូចបងខ្ញុំជាដើម ពេលគាត់អត់ទាន់មានប្រពន្ធ គាត់មិនឃើញមានអ្វីទេ។ តែពេលបានប្រពន្ធ គាត់ចាប់ផ្តើមធូរធារ ។ ដូចជាខ្ញុំផ្ទាល់ ធ្វើការដូចមិនសល់លុយទេ តែមិត្តភក្តិដែលគេមានប្រពន្ធ ឃើញគេគ្រាន់ធូរធារ។ តែខ្ញុំវិញ អត់សូវយល់ដែរ នៅកំលោះបានលុយមក ចាយអស់ៗ»។
ច្បាប់ស្តីពី៖«អាពាហ៍ពិពាហ៍ និងគ្រួសារ» ត្រង់ជំពូកទី២ មាត្រា៥ បានចែងថា អាចរៀបអាពាហ៍ពិពាហ៍បាន បុរសមានអាយុចាប់ពី២០ឆ្នាំឡើងទៅ ហើយនារីត្រូវមានអាយុ១៨ឆ្នាំឡើងទៅ។ ក្នុងករណីពិសេស បុរសដែលមានអាយុមិនទាន់ដល់២០ឆ្នាំ និងនារីដេលមានអាយុមិនទាន់ដល់១៨ឆ្នាំ អាចរៀបអាពាហ៍ពិពាហ៍ស្របច្បាប់បាន ប្រសិនបើនារីមានផ្ទៃពោះ ហើយមានការអនុញ្ញាតពីឪពុកម្តាយ ឬអាណាព្យាបាល។
ទាក់ទងនឹងបញ្ហានេះ លោក លេង ណៃគីម សាស្ត្រាចារ្យទស្សនវិជ្ជា បានអះអាងថា បុរសនៅលីវយូរពេក មិនល្អឡើយសម្រាប់ការរស់នៅប្រចាំថ្ងៃ ព្រោះអាចនឹងប្រឈមបញ្ហាជាច្រើន។
ស្លៀកខោជើងវែង ពាក់អាវក្រណាត់សដៃខ្លី បុរសមាឌដំបង និងសម្បុរសណ្តែកបាយរូបនេះ បានពន្យល់យ៉ាងដូច្នេះថា៖ «បុរសដែលនៅលីវយូរពេក ជួនកាលអត់ល្អទេ ព្រោះវាជះឥទ្ធិពលដល់ផ្លូវចិត្ត។ អត់ប្រពន្ធមិនស្រួលទេ។ ខ្ញុំគិតថា វាជាចិត្តសាស្ត្រ និងជាបទពិសោធរបស់ខ្ញុំជាក់ស្តែង។ អ្វីដែលរស់នៅម្នាក់ឯងមិនល្អទេ ព្រោះធម្មជាតិបង្កើតមនុស្សចង់ឲ្យមនុស្សខិតរកគ្នា តែបើយើងចង់ផ្ទុយពីទស្សនៈហ្នឹង អត់បានទេ»។
លោក លេង ណៃគីម ដែលបានរៀបការនៅអាយុ៣៤ឆ្នាំ បានអះអាងថា ដំបូងឡើយ លោកក៏មានទស្សនៈដូចបុរសដទៃដែរ។ លោកគិតថា ចាំមានអ្វីៗគ្រប់យ៉ាងជាមុនសិន ទើបរៀបការ តែការគិតបែបនេះ គឺជាការគិតខុសឆ្គងមួយ។
អង្គុយក្នុងការិយាល័យរបស់ខ្លួន ក្នុងរាជបណ្ឌិត្យសភាកម្ពុជា លោក លេង ណៃគីម បានពន្យល់ថា៖ «មនុស្សតែឯង ជួនកាល គាត់គិត គាត់យល់ឃើញតែម្នាក់ឯង។ គាត់ចាំឲ្យគាត់មានសម្បូរសប្បាយបានគាត់ទៅរៀបអាពាហ៍ពិពាហ៍ អត់ទេ ព្រោះយើងត្រូវចាប់ដៃគ្នាបន្តដំណើរទៅមុខ។ មនុស្សខ្លះ គាត់រអា ថា បើមានប្រពន្ធទៅ គាត់រ៉ាប់រងតែម្នាក់ឯង។ តាមពិតជាក់ស្តែង ពេលបានប្រពន្ធទៅ ត្រូវរួមចំណែកគិតទាំងអស់គ្នា។ ខ្មែរយើងមានសុភាសិតខ្មែរមួយលើកឡើងថា សំណាបយោងដី ស្រីយោងប្រុស»។
យ៉ាងណាក៏ដោយ អ្នកស្រាវជ្រាវរូបនេះ បានជំរុញឲ្យយុវជនយុវនារីខ្មែរ រៀបការក្នុងវ័យមួយសមស្រប ពោល គឺស្ត្រីគួរតែមានអាយុចន្លោះពី២០ ទៅ២៥។ ឯបុរសគួររៀបការក្នុងអាយុចន្លោះពី២៥ ទៅ៣០ឆ្នាំ។ លោកពន្យល់ថា ក្នុងវ័យនេះ មនុស្សមានលក្ខខណ្ឌល្អ ទាំងផ្នែកសេដ្ឋកិច្ច សម្បូរបទពិសោធន៍សង្គម និងកត្តាជីវសាស្ត្រមានលក្ខណៈគ្រប់គ្រាន់ សម្រាប់ កសាងគ្រួសារមួយប្រកបដោយសុភមង្គល និងសុខដុមរមនា៕
សូមអញ្ជើញស្តាប់បទយកការណ៍ដែលរៀបចំដោយ លោក រ៉ឹម ភារី នៃសារព័ត៌មានថ្មីៗ ដូចតទៅ៖
នៅក្នុងហាងកាហ្វេមួយក្នុងក្រុងភ្នំពេញ មានមនុស្សជាច្រើនជួបជុំគ្នាពិភាក្សាលើប្រធានផ្សេងៗគ្នា ដូចជាការរកស៊ី និងការសិក្សាជាដើម។ ប៉ុន្តែ មានកំលោះមួយក្រុម បែរជាយកប្រធានបទការរៀបការមកជជែកគ្នាយ៉ាងផុសផុលទៅវិញ។ «បើសិនតិចទៀត ខ្ញុំមានប្រពន្ធ ខ្ញុំមានបន្ទុកច្រើនមែនហើយ ព្រោះយើងមានប្រពន្ធ យើងត្រូវរកចំណូលរាល់ថ្ងៃ។ បើមានកូនទៀត ត្រូវចិញ្ចឹមកូនទៀត ខោទឹកនោម ទឹកដោះគោកូន ហើយឪពុកម្តាយសុទ្ធតែធ្វើការឲ្យគេ បើកលុយមកមិនបានច្រើន។ ណាមួយ យើងរវល់ចំណាយលើកូនផង ពេលមានបុណ្យទានត្រូវជូនលុយឪពុកម្តាយទាំងសងខាងទៀត។ និយាយរួមនៅលីវស្រួលជាង ហើយអត់សូវគិតច្រើន»។ នេះជាការលើកឡើងរបស់ យុវជន ឡូត យ៉ាឌី។
ក្នុងវ័យ២២ឆ្នាំ យ៉ាឌី ដែលមានសក់រួញ និងសម្បុរសណ្តែកបាយ បានអះអាងថា បច្ចុប្បន្នលោកមានការងារដែលមានចំណូលគ្រាន់តែចំណាយសម្រាប់ការសិក្សា និងជីវភាពផ្ទាល់ខ្លួនឯងប៉ុណ្ណោះ ចំណែករឿងយកប្រពន្ធនោះ លោកមិនទាន់គិតគូរនៅឡើយទេ។ ស្លៀកខោខ្លីត្រឹមជង្គង់ ពាក់អាវក្រណាត់ កំលោះប៉ិនវោហាររូបនេះ បានបរិយាយយ៉ាងដូច្នេះថា៖ «ដោយសារតែវ័យនៅក្មេងពេក ហើយចង់ដើរលេងឲ្យបានច្រើន។ ណាមួយ ការងារមានតែប្រាក់ខែប៉ុណ្ណឹង បើយើងទៅយកប្រពន្ធទៀត យើងចិញ្ចឹមគេមិនរស់ទេ។ ខ្ញុំគិតថា ចាំដល់វ័យ២៨ ឬ២៩ រកលុយបានច្រើនសិន ចាំគិតគូរតាមក្រោយ»។
ផ្ទុយពីយ៉ាឌី លោក កប សុជាតិ ដែលអង្គុយនៅក្បែរនោះដែរ បែរជាគិតថា ការយកប្រពន្ធនឹងក្លាយជាបន្ទុក បើសិនជាមានតែភាគីម្ខាង ជាអ្នករ៉ាប់រងបន្ទុកគ្រួសារទាំងមូល តែបើភាគីទាំងពីរចេះជួយគ្នាទៅវិញទៅមក នោះនឹងធ្វើឲ្យបុរសដែលមានប្រពន្ធលែងគិតថា ប្រពន្ធជាបន្ទុកទៀតហើយ។
ក្នុងវ័យ២២ឆ្នាំ សុជាតិ បានពន្យល់យ៉ាងដូច្នេះ៖ «ខ្ញុំគិតថា ការយកប្រពន្ធជាបន្ទុក វាទស្សនៈមួយម្យ៉ាងម្នាក់ទេ។ បើយើងយកមក យើងអត់ចេះជួយគ្នា ពឹងតែម្ខាងៗ។ ឧទាហរណ៍ ប្រពន្ធពឹងតែប្តី ប្រពន្ធនៅតែផ្ទះ អត់ជួយការងារប្តី ប្តីធ្វើការងារពេលទៅដល់ផ្ទះ ប្រពន្ធមិនសូវចេះលើកទឹកចិត្ត ចឹងមានអារម្មណ៍ថាជាបន្ទុកហើយ។ ផ្ទុយទៅវិញ បើភាគីទាំងសងខាងចេះជួយយកអាសាគ្នា ពេលប្តីទៅដល់ផ្ទះប្រពន្ធចេះរៀបចំបាយទឹក ពេលចេញផ្ទះឃើញតែស្នាមញញឹមប្រពន្ធក៏ប្តីអស់ចិត្តហើយ»។
ជាកូនពៅក្នុងចំណោមបងប្អូន៥នាក់ សុជាតិ ដែលមានស្រុកកំណើតនៅខេត្តកំពត មិនទាន់មានគម្រោងយកប្រពន្ធនៅឡើយទេ ស្របពេលដែលមិត្តភក្តិស្រករគ្នាជាច្រើន បានរៀបការរួចហើយ។ លោកអះអាងថា លោកនឹងយកប្រពន្ធនៅពេលរៀនចប់ និងពេលមានការងារធ្វើត្រឹមត្រូវ។ បើតាមបុរសសម្បុរស្រអែមរូបនេះ បុរសដែលនៅលីវយូរពេកមិនល្អនោះទេ ព្រោះពួកគេមិនមានគោលដៅច្បាស់លាស់ ខណៈដែលអ្នកមានប្រពន្ធ ពួកគេបានរៀបចំគ្រួសារបានល្អ និងមានជីវភាពធូរធារ។
ពាក់អាវស ទឺនុយជាមួយខោខ្មៅ សុជាតិ បានរៀបរាប់លាយឡំនឹងសំណើចតិចៗយ៉ាងដូច្នេះថា៖ «ឃើញថា ភាគច្រើន មនុស្សដែលមិនទាន់មានប្រពន្ធ ពួកគាត់ដូចជាតែលតោល តែអ្នកមានប្រពន្ធ ពួកគាត់មានជីវភាពធូរធារ មានឡានជិះអ៊ីចឹងទៅ។ ដូចបងខ្ញុំជាដើម ពេលគាត់អត់ទាន់មានប្រពន្ធ គាត់មិនឃើញមានអ្វីទេ។ តែពេលបានប្រពន្ធ គាត់ចាប់ផ្តើមធូរធារ ។ ដូចជាខ្ញុំផ្ទាល់ ធ្វើការដូចមិនសល់លុយទេ តែមិត្តភក្តិដែលគេមានប្រពន្ធ ឃើញគេគ្រាន់ធូរធារ។ តែខ្ញុំវិញ អត់សូវយល់ដែរ នៅកំលោះបានលុយមក ចាយអស់ៗ»។
ច្បាប់ស្តីពី៖«អាពាហ៍ពិពាហ៍ និងគ្រួសារ» ត្រង់ជំពូកទី២ មាត្រា៥ បានចែងថា អាចរៀបអាពាហ៍ពិពាហ៍បាន បុរសមានអាយុចាប់ពី២០ឆ្នាំឡើងទៅ ហើយនារីត្រូវមានអាយុ១៨ឆ្នាំឡើងទៅ។ ក្នុងករណីពិសេស បុរសដែលមានអាយុមិនទាន់ដល់២០ឆ្នាំ និងនារីដេលមានអាយុមិនទាន់ដល់១៨ឆ្នាំ អាចរៀបអាពាហ៍ពិពាហ៍ស្របច្បាប់បាន ប្រសិនបើនារីមានផ្ទៃពោះ ហើយមានការអនុញ្ញាតពីឪពុកម្តាយ ឬអាណាព្យាបាល។
ទាក់ទងនឹងបញ្ហានេះ លោក លេង ណៃគីម សាស្ត្រាចារ្យទស្សនវិជ្ជា បានអះអាងថា បុរសនៅលីវយូរពេក មិនល្អឡើយសម្រាប់ការរស់នៅប្រចាំថ្ងៃ ព្រោះអាចនឹងប្រឈមបញ្ហាជាច្រើន។
ស្លៀកខោជើងវែង ពាក់អាវក្រណាត់សដៃខ្លី បុរសមាឌដំបង និងសម្បុរសណ្តែកបាយរូបនេះ បានពន្យល់យ៉ាងដូច្នេះថា៖ «បុរសដែលនៅលីវយូរពេក ជួនកាលអត់ល្អទេ ព្រោះវាជះឥទ្ធិពលដល់ផ្លូវចិត្ត។ អត់ប្រពន្ធមិនស្រួលទេ។ ខ្ញុំគិតថា វាជាចិត្តសាស្ត្រ និងជាបទពិសោធរបស់ខ្ញុំជាក់ស្តែង។ អ្វីដែលរស់នៅម្នាក់ឯងមិនល្អទេ ព្រោះធម្មជាតិបង្កើតមនុស្សចង់ឲ្យមនុស្សខិតរកគ្នា តែបើយើងចង់ផ្ទុយពីទស្សនៈហ្នឹង អត់បានទេ»។
លោក លេង ណៃគីម ដែលបានរៀបការនៅអាយុ៣៤ឆ្នាំ បានអះអាងថា ដំបូងឡើយ លោកក៏មានទស្សនៈដូចបុរសដទៃដែរ។ លោកគិតថា ចាំមានអ្វីៗគ្រប់យ៉ាងជាមុនសិន ទើបរៀបការ តែការគិតបែបនេះ គឺជាការគិតខុសឆ្គងមួយ។
អង្គុយក្នុងការិយាល័យរបស់ខ្លួន ក្នុងរាជបណ្ឌិត្យសភាកម្ពុជា លោក លេង ណៃគីម បានពន្យល់ថា៖ «មនុស្សតែឯង ជួនកាល គាត់គិត គាត់យល់ឃើញតែម្នាក់ឯង។ គាត់ចាំឲ្យគាត់មានសម្បូរសប្បាយបានគាត់ទៅរៀបអាពាហ៍ពិពាហ៍ អត់ទេ ព្រោះយើងត្រូវចាប់ដៃគ្នាបន្តដំណើរទៅមុខ។ មនុស្សខ្លះ គាត់រអា ថា បើមានប្រពន្ធទៅ គាត់រ៉ាប់រងតែម្នាក់ឯង។ តាមពិតជាក់ស្តែង ពេលបានប្រពន្ធទៅ ត្រូវរួមចំណែកគិតទាំងអស់គ្នា។ ខ្មែរយើងមានសុភាសិតខ្មែរមួយលើកឡើងថា សំណាបយោងដី ស្រីយោងប្រុស»។
យ៉ាងណាក៏ដោយ អ្នកស្រាវជ្រាវរូបនេះ បានជំរុញឲ្យយុវជនយុវនារីខ្មែរ រៀបការក្នុងវ័យមួយសមស្រប ពោល គឺស្ត្រីគួរតែមានអាយុចន្លោះពី២០ ទៅ២៥។ ឯបុរសគួររៀបការក្នុងអាយុចន្លោះពី២៥ ទៅ៣០ឆ្នាំ។ លោកពន្យល់ថា ក្នុងវ័យនេះ មនុស្សមានលក្ខខណ្ឌល្អ ទាំងផ្នែកសេដ្ឋកិច្ច សម្បូរបទពិសោធន៍សង្គម និងកត្តាជីវសាស្ត្រមានលក្ខណៈគ្រប់គ្រាន់ សម្រាប់ កសាងគ្រួសារមួយប្រកបដោយសុភមង្គល និងសុខដុមរមនា៕
Tag:
ប្តីប្រពន្ធ
អ្នកនៅលីវ
© រក្សាសិទ្ធិដោយ thmeythmey.com
