សមាគមមីក្រូហិរញ្ញវត្ថុកម្ពុជារៀបសិក្ខាសាលាស្ដីអំពី «ការអភិវឌ្ឍសេដ្ឋកិច្ចជនបទ តាមរយៈវិស័យមីក្រូហិរញ្ញវត្ថុ»

អត្ថបទពាណិជ្ជកម្ម

សមាគមមីក្រូហិរញ្ញវត្ថុកម្ពុជារៀបសិក្ខាសាលាស្ដីអំពី «ការអភិវឌ្ឍសេដ្ឋកិច្ចជនបទ តាមរយៈវិស័យមីក្រូហិរញ្ញវត្ថុ»

21, Oct 2019 , 5:25 pm

រូបភាព

ដោយ: ថ្មីៗ

ព្រឹកថ្ងៃទី ២១ ខែ តុលា ឆ្នាំ ២០១៩ ៖ សមាគមមីក្រូហរិញ្ញវត្ថុនៅកម្ពុជា បានរៀបសិក្ខាសាលាស្ដីអំពី «ការអភិវឌ្ឍសេដ្ឋកិច្ចជនបទតាមរយៈវិស័យមីក្រូហិរញ្ញវត្ថុ» នាសណ្ឋាគារភ្នំពេញ។ សិក្ខាសាលានេះមានការចូលរួមពីសំណាក់វត្តមាន លោក គា បូរាណ ប្រធានក្រុមប្រឹក្សាភិបាលសមាគមមីក្រហិរញ្ញវត្ថុកម្ពុជា លោក ហេង បូមករា អគ្គនាយករងត្រួតពិនិត្យធនាគារជាតិនៃកម្ពុជា ព្រមទាំងវត្តមានរបស់សិក្ខាកម្មជាច្រើន ដែលភាគច្រើនមកពីគ្រិះស្ថានមីក្រូហរិញ្ញវត្ថុ។

ក្នុងសិក្ខាសាលាដែលមានអ្នកចូលរួមជាង ៤០០ នាក់នេះលោក គា បូរាណ ប្រធានក្រុមប្រឹក្សាភិបាលសមាគមមីក្រហិរញ្ញវត្ថុកម្ពុជា បានមានប្រសាសន៍ថា ៖ «ប្រទេសកម្ពុជាមានរីកលូតលាស់យ៉ាងខ្លាំង ក្នុងនោះវិស័យមីក្រូហរិញ្ញវត្ថុនៅកម្ពុជា ក៏បានចូលរួមចំណែកយ៉ាងធំផងដែរ។ ក្នុងរយៈពេល ៣០ ឆ្នាំមកនេះពោលចាប់ផ្ដើមតាំងពីឆ្នាំ ១៩៩០ វិស័យមីក្រូហរិញ្ញវត្ថុនៅកម្ពុជាមានការលូតលាស់ខ្លាំងមែនទែន បើទោះជាវិបត្តិសេដ្ខកិច្ចពិភពលោកកាលពីឆ្នាំ ២០០៩- ២០១០ ក្ដីក៏វិស័យមួយនេះនៅតែមានភាពរីកចម្រើន»។

លោកបន្តថា៖ «សិក្ខាសាលាមួយនេះរៀបចំឡើងក្នុងគោលបំណង២ សំខាន់២ គឺ ការក្សាស្ថេរភាព និងការការពារអតិថិជន»។

គួរំលឹកថាសិក្ខាស្ដីអំពី «ការអភិវឌ្ឍសេដ្ឋកិច្ចជនបទតាមរយៈវិស័យមីក្រូហិរញ្ញវត្ថុ» មានការធ្វើបទបង្ហាញទៅលើប្រធានបទដូចជា៖

១. អនុស្សារណៈនៃការយោគយល់គ្នាស្ដីពីគោលការណ៍ផ្ដល់ប្រាក់កម្ចី
២. កត្ដាជោគជ័យ និងនិរន្តរបស់វិស័យមីក្រូហិរញ្ញវត្ថុកម្ពុជា
៣. គោលការណ៍គាំពារអតិថិជនពី SMART Campaign
៤. បទបញ្ញត្តិរបស់ធានាគារជាតិនៃកម្ពុជាក្នុងការពារអតិថិជន
៥. បរិបទច្បាប់ស្ដីពីការអនុវត្តសិទ្ធ និងកាតព្វកិច្ចនៃកិច្ចសន្យា