កីឡាអន្តរជាតិ
អន្តរជាតិ
ការសិក្សា៖ អតីតកីឡាករបាល់ទាត់ដែលមានជំងឺវង្វេង ងាយស្លាប់ជាងមនុស្សធម្មតា
×![]()
ដោយ: ទេព ពិទូរ្យ
ការសិក្សាថ្មីមួយ ដែលរកឃើញដោយសាកលវិទ្យាល័យ Glasgow បង្ហាញថាអតីតកីឡាករបាល់ទាត់ ដែលកើតជំងឺខួរក្បាល-វង្វេង (Neurodegenerative) ងាយនឹងស្លាប់ជាងមនុស្សទូទៅដល់ទៅ ៣,៥ដង។
របាយការណ៍ខាងលើ ដែលបានចេញផ្សាយនៅថ្ងៃទី២១ ខែតុលា ឆ្នាំ២០១៩ ត្រូវបានប្រគល់ឲ្យសហព័ន្ធកីឡាបាល់ទាត់អង់គ្លេស (FA) និងសមាគមកីឡាបាល់ទាត់អាជីព (PFA) ដើម្បីវាយតម្លៃកំណត់ត្រាបែបវេជ្ជសាស្ត្រទៅលើបុរសដែលលេងកីឡាបាល់ទាត់អាជីពចំនួន ៧៦៧៦រូប នៅក្នុងប្រទេសស្កុតឡែន ចន្លោះឆ្នាំ ១៩០០ ដល់ឆ្នាំ ១៩៧៦។
ចំនួនកីឡាករទាំង ៧៦៧៦នាក់នេះ បានយកទៅផ្គូរផ្គងជាមួយមនុស្សជាង ២៣០០០នាក់ផ្សេងទៀតដែលជាប្រជាជនទូទៅ ដោយការសិក្សានេះដឹកនាំដោយអ្នកពិគ្រោះយោបល់ផ្នែកជំងឺសរសៃប្រសាទលោកវេជ្ជបណ្ឌិត Willie Stewart នៃសាកលវិទ្យាល័យ Glasgow ដែលមានមូលដ្ឋានក្នុងប្រទេសស្កុតឡែន។
ការរកឃើញរបស់លោក Stewart បង្ហាញថាហានិភ័យនៃជំងឺក្នុងខួរក្បាលរហូតដល់វង្វេង ទៅលើអតីតអ្នកលេងកីឡាបាល់ទាត់អាជីពប៉ះពាល់ ខ្ពស់ជាងអ្នកមិនលេងកីឡានេះជិត៤ដង។ អ្នកលេងកីឡាបាល់ទាត់ គឺមានការប៉ះពាល់ក្បាលញឹកញាប់ ដោយសារពួកគេយកក្បាលតែតបាល់ ឬប៉ះទង្គិចក្បាលគ្នាជាមួយគូប្រជែង។
យ៉ាងណាក៏ដោយ បើទោះកីឡាករបាល់ទាត់មានហានិភ័យខ្ពស់នៃការស្លាប់ដោយសារជំងឺ Neurodegenerative នេះច្រើនក្តី ប៉ុន្តែពួកគេហាក់ដូចជាមិនស្លាប់ដោយសារជំងឺទូទៅផ្សេងទៀតដូចជាជំងឺបេះដូង និងជំងឺមហារីកមួយចំនួន រួមទាំងជំងឺមហារីកសួតនោះទេ។
ការសិក្សាដែលមានចំណងជើងថា «ឥទ្ធិពលរបស់កីឡាបាល់ទាត់ទៅលើសុខភាព និងជំងឺវង្វេងវង្វាន់» បានរកឃើញទៀតថាការស្លាប់របស់អតីតកីឡាករបាល់ទាត់ទាំងអស់នោះ គឺទាបជាងការរំពឹងទុកត្រឹមអាយុ ៧០ឆ្នាំ និងខ្ពស់ជាងនេះបន្តិចបន្តួចប៉ុណ្ណោះ៕
របាយការណ៍ខាងលើ ដែលបានចេញផ្សាយនៅថ្ងៃទី២១ ខែតុលា ឆ្នាំ២០១៩ ត្រូវបានប្រគល់ឲ្យសហព័ន្ធកីឡាបាល់ទាត់អង់គ្លេស (FA) និងសមាគមកីឡាបាល់ទាត់អាជីព (PFA) ដើម្បីវាយតម្លៃកំណត់ត្រាបែបវេជ្ជសាស្ត្រទៅលើបុរសដែលលេងកីឡាបាល់ទាត់អាជីពចំនួន ៧៦៧៦រូប នៅក្នុងប្រទេសស្កុតឡែន ចន្លោះឆ្នាំ ១៩០០ ដល់ឆ្នាំ ១៩៧៦។
ចំនួនកីឡាករទាំង ៧៦៧៦នាក់នេះ បានយកទៅផ្គូរផ្គងជាមួយមនុស្សជាង ២៣០០០នាក់ផ្សេងទៀតដែលជាប្រជាជនទូទៅ ដោយការសិក្សានេះដឹកនាំដោយអ្នកពិគ្រោះយោបល់ផ្នែកជំងឺសរសៃប្រសាទលោកវេជ្ជបណ្ឌិត Willie Stewart នៃសាកលវិទ្យាល័យ Glasgow ដែលមានមូលដ្ឋានក្នុងប្រទេសស្កុតឡែន។
ការរកឃើញរបស់លោក Stewart បង្ហាញថាហានិភ័យនៃជំងឺក្នុងខួរក្បាលរហូតដល់វង្វេង ទៅលើអតីតអ្នកលេងកីឡាបាល់ទាត់អាជីពប៉ះពាល់ ខ្ពស់ជាងអ្នកមិនលេងកីឡានេះជិត៤ដង។ អ្នកលេងកីឡាបាល់ទាត់ គឺមានការប៉ះពាល់ក្បាលញឹកញាប់ ដោយសារពួកគេយកក្បាលតែតបាល់ ឬប៉ះទង្គិចក្បាលគ្នាជាមួយគូប្រជែង។
យ៉ាងណាក៏ដោយ បើទោះកីឡាករបាល់ទាត់មានហានិភ័យខ្ពស់នៃការស្លាប់ដោយសារជំងឺ Neurodegenerative នេះច្រើនក្តី ប៉ុន្តែពួកគេហាក់ដូចជាមិនស្លាប់ដោយសារជំងឺទូទៅផ្សេងទៀតដូចជាជំងឺបេះដូង និងជំងឺមហារីកមួយចំនួន រួមទាំងជំងឺមហារីកសួតនោះទេ។
ការសិក្សាដែលមានចំណងជើងថា «ឥទ្ធិពលរបស់កីឡាបាល់ទាត់ទៅលើសុខភាព និងជំងឺវង្វេងវង្វាន់» បានរកឃើញទៀតថាការស្លាប់របស់អតីតកីឡាករបាល់ទាត់ទាំងអស់នោះ គឺទាបជាងការរំពឹងទុកត្រឹមអាយុ ៧០ឆ្នាំ និងខ្ពស់ជាងនេះបន្តិចបន្តួចប៉ុណ្ណោះ៕
Tag:
Neurodegenerative
© រក្សាសិទ្ធិដោយ thmeythmey.com
