កម្ពុជា នៅតែបន្តមានភ្លៀង ចាប់ពីចុងខែតុលានេះ

ជាតិ

កម្ពុជា នៅតែបន្តមានភ្លៀង ចាប់ពីចុងខែតុលានេះ

25, Oct 2019 , 7:19 am

រូបភាព

រូបពីក្រសួងធនធានទឹក

ដោយ: អ៊ុត រស្មី (Uth Raksmey)

ភ្នំពេញ៖ ជ្រលងនៃសម្ពាធខ្ពស់ ខ្សោយពីប្រទេសចិន កំពុងគ្របដណ្ដប់មកលើកម្ពុជា។ នេះបើតាមការព្យាករអាកាសធាតុប្រចាំសប្ដាហ៍របស់ក្រសួងធនធានទឹកនិងឧតុនិយម ដែលរាប់ចាប់ពីថ្ងៃទី២៥ដល់ថ្ងៃទី៣១ខែតុលា។

បាតុភូតខាងលើនេះបង្កឲ្យមានភ្លៀងធ្លាក់កម្រិតពីតិចទៅមធ្យម នៅខេត្តពោធិ៍សាត់ កំពង់ឆ្នាំង កំពង់ស្ពឺ កណ្ដាល តាកែវ ព្រៃវែង ស្វាយរៀង រាជធានីភ្នំពេញ និងខេត្តនៅតំបន់មាត់សមុទ្រ។

រីឯខេត្តឧត្ដរមានជ័យ បន្ទាយមានជ័យ បាត់ដំបង ប៉ៃលិន សៀមរាប កំពង់ធំ ព្រះវិហារ ស្ទឹងត្រែង ក្រចេះ កំពង់ចាម ត្បូងឃ្មុំ រតនគិរី និងខេត្តមណ្ឌលគិរី អាចនឹងមានភ្លៀងធ្លាក់ក្នុងកម្រិតពីខ្សោយទៅតិច ចាប់ពីថ្ងៃទី២៨ដល់ថ្ងៃទី៣១ ខែតុលា។

ជាមួយគ្នានេះ ក្រសួង បានអំពាវនាវដល់សាធារណជនប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចកើតមាន ជាពិសេសបណ្ដាខេត្តនៅតំបន់វាលទំនាបភាគខាងក្រោម៕