កីឡាអន្តរជាតិ
អន្តរជាតិ
FIFA ឲ្យចិនរៀប Club World Cup 2021 ដោយរំពឹងរកចំណូលបាន៥០ពាន់លានដុល្លារ
×![]()
ដោយ: ទេព ពិទូរ្យ
ចិន ទទួលបានសិទ្ធិធ្វើម្ចាស់ផ្ទះការប្រកួតពានរង្វាន់ Club World Cup ដែលកើនក្រុមចូលរួមពី៨ ដល់២៤ក្រុមជាលើកដំបូងនៅឆ្នាំ២០២១។ លោក Gianni Infantino ប្រធានសហព័ន្ធកីឡាបាល់ទាត់អន្តរជាតិ (FIFA) ប្រាប់អ្នកយកព័ត៌មានដូច្នេះនៅក្រោយកិច្ចប្រជុំក្រុមប្រឹក្សាក្នុងក្រុងសៀងហៃ នាថ្ងៃទី២៤ ខែតុលានេះ។ FIFA ជឿជាក់ថា Club World Cup ដែលរៀបចំដោយចិន នឹងរកចំណូលបាន៥០ពាន់លានដុល្លារអាមេរិក។
«នេះជាការសម្រេចចិត្តជាប្រវត្តិសាស្ត្រមួយសម្រាប់កីឡាបាល់ទាត់។ លោក Infantino និយាយបែបនេះ ក្រោយសម្រេចចិត្តជ្រើសរើសយកចិនសម្រាប់ការប្រកួតប្រជែង Club World Cup ស្តង់ដាថ្មីនេះ។
មេ FIFA ថែមទាំងអះអាងទៀតថា Club World Cup ថ្មីនេះ បង្ហាញពីការរីកលូតលាស់នៃវិស័យកីឡាបាល់ទាត់ចិន ដែលជំរុញឲ្យប្រទេសអាស៊ីមួយនេះនាំមុខគេក្នុងការឈានទៅដឹកនាំព្រឹត្តិការណ៍ World Cup នាពេលខាងមុខដ៏ខ្លី។
សម្រាប់ពេលវេលាប្រកួតវិញ លោក Infantino ប្រាប់ថានឹងប្រព្រឹត្តទៅនៅចន្លោះខែមិថុនា ដល់ខែកក្កដា ក្នុងឆ្នាំនោះ។ បើទោះមិនបានផ្តល់ព័ត៌មានច្បាស់ការពីចំណយនក្រុមតាមបណ្តាទ្វីបចូលរួមនៅឡើយ ប៉ុន្តែលោកថានឹងមានក្រុមចំនួន៨ មកពីអឺរ៉ុប មួយក្រុមរបស់ម្ចាស់ផ្ទះ អូសេអានីមួយក្រុម និង៣ទៀតមកពីលីគនៃទ្វីបផ្សេងទៀត។
ប្រធាន FIFA សញ្ជាតិស្វ៊ីសរូបនេះ រំពឹងថា Club World Cup ស្តង់ដាថ្មីរបស់លោក អាចរកចំណូលបានដល់ទៅ ៥០ពាន់លានដុល្លារអាមេរិកឯណោះ ដ្បិតមានក្រុមល្បីៗនៅជុំវិញពិភពលោកដែលសម្បូរទៅដោយ Super Stars បង្ហាញខ្លួននៅលើទឹកដីចិន។ ប្រភពមួយ ក៏បានប្រាប់ទីភ្នាក់ងារព័ត៌មាន AFP ដែរថាតួលេខនេះគួរឲ្យទុកចិត្តបំផុត។
កម្មវិធី Club World Cup បច្ចុប្បន្ន មានចំនួន៨ក្រុម ក្នុងនោះរួមទាំងម្ចាស់ពាន UEFA Champions League ផង។ កាតានឹងធ្វើម្ចាស់ផ្ទះនៅឆ្នាំ២០១៩នេះ និងឆ្នាំ ២០២០៕
«នេះជាការសម្រេចចិត្តជាប្រវត្តិសាស្ត្រមួយសម្រាប់កីឡាបាល់ទាត់។ លោក Infantino និយាយបែបនេះ ក្រោយសម្រេចចិត្តជ្រើសរើសយកចិនសម្រាប់ការប្រកួតប្រជែង Club World Cup ស្តង់ដាថ្មីនេះ។
មេ FIFA ថែមទាំងអះអាងទៀតថា Club World Cup ថ្មីនេះ បង្ហាញពីការរីកលូតលាស់នៃវិស័យកីឡាបាល់ទាត់ចិន ដែលជំរុញឲ្យប្រទេសអាស៊ីមួយនេះនាំមុខគេក្នុងការឈានទៅដឹកនាំព្រឹត្តិការណ៍ World Cup នាពេលខាងមុខដ៏ខ្លី។
សម្រាប់ពេលវេលាប្រកួតវិញ លោក Infantino ប្រាប់ថានឹងប្រព្រឹត្តទៅនៅចន្លោះខែមិថុនា ដល់ខែកក្កដា ក្នុងឆ្នាំនោះ។ បើទោះមិនបានផ្តល់ព័ត៌មានច្បាស់ការពីចំណយនក្រុមតាមបណ្តាទ្វីបចូលរួមនៅឡើយ ប៉ុន្តែលោកថានឹងមានក្រុមចំនួន៨ មកពីអឺរ៉ុប មួយក្រុមរបស់ម្ចាស់ផ្ទះ អូសេអានីមួយក្រុម និង៣ទៀតមកពីលីគនៃទ្វីបផ្សេងទៀត។
ប្រធាន FIFA សញ្ជាតិស្វ៊ីសរូបនេះ រំពឹងថា Club World Cup ស្តង់ដាថ្មីរបស់លោក អាចរកចំណូលបានដល់ទៅ ៥០ពាន់លានដុល្លារអាមេរិកឯណោះ ដ្បិតមានក្រុមល្បីៗនៅជុំវិញពិភពលោកដែលសម្បូរទៅដោយ Super Stars បង្ហាញខ្លួននៅលើទឹកដីចិន។ ប្រភពមួយ ក៏បានប្រាប់ទីភ្នាក់ងារព័ត៌មាន AFP ដែរថាតួលេខនេះគួរឲ្យទុកចិត្តបំផុត។
កម្មវិធី Club World Cup បច្ចុប្បន្ន មានចំនួន៨ក្រុម ក្នុងនោះរួមទាំងម្ចាស់ពាន UEFA Champions League ផង។ កាតានឹងធ្វើម្ចាស់ផ្ទះនៅឆ្នាំ២០១៩នេះ និងឆ្នាំ ២០២០៕
Tag:
Club World Cup
FIFA
ចិន
© រក្សាសិទ្ធិដោយ thmeythmey.com
