ស្ដ្រីជនជាតិថៃ២នាក់ត្រូវបានឃាត់ខ្លួននៅព្រលានយន្តហោះសៀមរាប ពាក់ព័ន្ធគ្រឿងញៀនជាង២៧គីឡូក្រាម

ព័ត៌មានជាតិ

ព័ត៌មានអន្តរជាតិ

រថយន្ត

វីដេអូ

បទយកការណ៍/សម្ភាស

អចលនទ្រព្យ

Cambodianess

២៥ខេត្ត/រាជធានី

ជាតិ

ស្ដ្រីជនជាតិថៃ២នាក់ត្រូវបានឃាត់ខ្លួននៅព្រលានយន្តហោះសៀមរាប ពាក់ព័ន្ធគ្រឿងញៀនជាង២៧គីឡូក្រាម

25, Oct 2019 , 2:13 pm

រូបភាព

រូបភាព៖ ស្នងការនគរបាលខេត្តសៀមរាប

ដោយ: អុីសា រ៉ហានី ( Isa Rohany )

សៀមរាប៖ កម្លាំងនគរបាលខេត្តសៀមរាប បានឃាត់ខ្លួនស្ដ្រីជនជាតិថៃ២នាក់ ពាក់ព័ន្ធនឹងគ្រឿងញៀនដែលបានរកឃើញក្នុងកាបូបវ៉ាលីនៅព្រលានយន្តហោះអន្ដរជាតិខេត្តសៀមរាប។ ហេតុការណ៍នេះបានកើតឡើងនៅយប់ម៉ោងជាង១០ ថ្ងៃទី២៤ តុលា។

ស្នងការរងទទួលបន្ទុកផែនប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តសៀមរាប លោក អ៊ុំ អមរ៉ា បានប្រាប់សារព័ត៌មានថ្មីៗនៅព្រឹកថ្ងៃទី២៥ថា គ្រឿងញៀនដែលសមត្ថកិច្ចរកឃើញមានទម្ងន់ជាង២៧គីឡូក្រាម។ លោកបន្តថា បច្ចុប្បន្នកម្លាំងជំនាញកំពុងបន្តនីតិវិធីស្រាវជ្រាវបន្ថែមទៀត។

លោក អមរ៉ា បញ្ជាក់ខ្លីយ៉ាងដូច្នេះថា៖« ខ្ញុំកំពុងស្រាវជ្រាវបន្ត មិនដឹងអ្នកណាបញ្ចេញព័ត៌មាននេះពេញបណ្ដាញសង្គម ធ្វើឱ្យយើងពិបាកធ្វើការបន្ត ឥឡូងយើងកំពុងបន្តនីតិវិធីហើយ»។

រូបភាព៖ ស្នងការនគរបាលខេត្តសៀមរាប

ស្ដ្រីជនជាតិថៃ២នាក់ដែលពាក់ព័ន្ធករណីនេះ មានឈ្មោះ SAVAENGPHOL SUP HA PORN និងឈ្មោះ PRACHAMON WIPA ដោយមានគោលដៅធ្វើដំណើរទៅកាន់ទីក្រុងម៉ានីល ប្រទេសហ្វីលីពីន។ កម្លាំងជំនាញបានរកឃើញថ្នាំញៀនប្រភេទ មេតំហ្វេតាមីន ចំនួន២៧ដុំ ស្មើនឹង២៧.៣គីឡូក្រាម ដែលជនសង្ស័យបានរុំដាក់ក្នុងកាបូបវ៉ាលីក្នុងគោលដៅទៅប្រទេសហ្វីលីពីន៕