ជាតិ
សង្គមជាតិ
គម្រោងសាងសង់ផ្លូវជាតិលេខ២ ដែលចំណាយជាង៥០លានដុល្លារ នឹងចាប់ផ្ដើមនៅចុងឆ្នាំនេះ រូបពីហ្វេសប៊ុកក្រសួងសាធារណការ និងដឹកជញ្ជូន
× ភ្នំពេញ៖ គម្រោងសាងសង់ផ្លូវជាតិលេខ ២ ពីភ្នំពេញទៅកាន់ខេត្តតាកែវ នឹងចាប់ផ្ដើមនៅចុងឆ្នាំ២០១៩នេះ។ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់បែបនេះនៅក្នុងពេលចុះត្រួតពិនិត្យស្ថានភាពកំណាត់ផ្លូវជាតិលេខ៣ នាថ្ងៃទី២៧ ខែតុលា ឆ្នាំ២០១៩។
លោក ស៊ុន ចាន់ថុល បានបញ្ជាក់ថា គម្រោងស្ដារផ្លូវជាតិលេខ២នេះ នឹងត្រូវអនុវត្តនៅដើមរដូវប្រាំង ដើម្បីដោះស្រាយឱ្យទាន់សភាពការណ៍។«ប្រជាពលរដ្ឋលោកតែងតែសួរថា ពេលណាបើកការដ្ឋាន ឥឡូវឈប់ភ្លៀងហើយ? ក្រុមហ៊ុនកូរ៉េគេកំពុងរៀបចំបញ្ជូនគ្រឿងចក្រមក យើងខ្ញុំសង្ឃឹមថានឹងបើកកាដ្ឋាន ក្នុងខែ វិច្ឆិកា ឬ ខែធ្នូ នេះបើតាមការប៉ាន់ស្មាន»។ នេះជាការបញ្ជាក់របស់រដ្ឋមន្ត្រីក្រសួងសាធារណការ។
គម្រោងស្តារផ្លូវជាតិលេខ២ គឺចាប់ពីក្រុងតាខ្មៅ ខេត្តកណ្ដាល ដល់អូរចំបក់ ជិតទីរួមខេត្តតាកែវ ប្រវែង៥៧គីឡូម៉ែត្រ ព្រមទាំងសាងសង់ផ្លូវជាតិលេខ២២ ពីអូរចំបក់ ដល់អង្គតាសោម ប្រវែង៩គីឡូម៉ែត្រផងដែរ។ ក្រុមហ៊ុន Hanshin Engineering & Construction Co. Ltd ជាអ្នកទទួលបន្ទុកលើកិច្ចការសាងសង់នេះ។
គម្រោងនេះ អាចនឹងត្រូវចំណាយប្រមាណ ៥៦លានដុល្លារ ដែលជាថវិកាកម្ចីពីរដ្ឋាភិបាលកូរ៉េ និងថវិកាបដិភាគរបស់រដ្ឋាភិបាលកម្ពុជា ជាង៨លានដុល្លារ៕
Tag:
ស៊ុន ចាន់ថុល
ហេដ្ឋារចនាសម្ព័ន្ធ
© រក្សាសិទ្ធិដោយ thmeythmey.com