មន្ទីរពាណិជ្ជកម្មខេត្តតាកែវ កំពត កោះកុង អាចចេញវិញ្ញាបនបត្របញ្ជាក់ប្រភពដើមទំនិញទម្រង់ឌី

ជាតិ

សេដ្ឋកិច្ច

មន្ទីរពាណិជ្ជកម្មខេត្តតាកែវ កំពត កោះកុង អាចចេញវិញ្ញាបនបត្របញ្ជាក់ប្រភពដើមទំនិញទម្រង់ឌី

29, Oct 2019 , 8:19 pm

រូបភាព

ដោយ:

ភ្នំពេញ៖ ក្រសួងពាណិជ្ជកម្ម ដាក់ឲ្យដំណើរការសាកល្បងនូវការចេញវិញ្ញាបនបត្របញ្ជាក់ប្រភពដើមទំនិញទម្រង់ឌី (CO From D) នៅមន្ទីរពាណិជ្ជកម្មខេត្តតាកែវ កំពត និងមន្ទីរពាណិជ្ជកម្មខេត្តកោះកុង ចាប់ពីថ្ងៃទី១ខែវិច្ឆិកាឆ្នាំ២០១៩ តទៅ។ នេះបើតាមសេចក្ដីជូនដំណឹងរបស់ក្រសួងពាណិជ្ជកម្ម ចុះថ្ងៃទី២៥ខែតុលា។

ក្រសួងពាណិជ្ជកម្មស្នើឲ្យផលិតករ និងអ្នកនាំចេញកសិផលដាក់ពាក្យស្នើសុំវិញ្ញាបនបត្របញ្ជាក់ប្រភពដើមទំនិញទម្រង់ឌី តាមប្រព័ន្ធអនឡាញ តាមរយៈគេហទំព័រ https://co.moc.gov.kh ហើយត្រូវចុះហត្ថលេខា និងទទួលវិញ្ញបនបត្រនេះនៅមន្ទីរពាណិជ្ជកម្មខេត្ត ដែលទីស្នាក់ការក្រុមហ៊ុនខ្លួនស្ថិតនៅ។

កន្លងមក ក្រសួងពាណិជ្ជកម្មបានផ្ទេរសិទ្ធិអំណាចឲ្យមន្ទីរពាណិជ្ជកម្មខេត្តជាប់ព្រំដែនដទៃទៀតដូចជា ខេត្តបាត់ដំបង ប៉ៃលិន បន្ទាយមានជ័យ ឧត្តរមានជ័យ រតនគិរី មណ្ឌលគិរី ក្រចេះ ស្ទឹងត្រែង ព្រៃវែង និងស្វាយរៀង អាចចេញវិញ្ញាបនបត្របញ្ជាក់ប្រភពដើមទំនិញទម្រង់Dនេះ។

គួរបញ្ជាក់ថា CO មានច្រើនទម្រង់។ ហើយទម្រង់ D នេះ គ្រាន់តែជាឈ្មោះ CO មួយប្រភេទសម្រាប់បញ្ជាក់ប្រភពដើមទំនិញសម្រាប់នាំចេញពីកម្ពុជាទៅបណ្ដាប្រទេសសមាជិកអាស៊ាន។ នេះបើតាមលោក ស៊ាង ថៃ អ្នកនាំពាក្យក្រសួងពាណិជ្ជកម្ម ដែលបានថ្លែងប្រាប់សារព័ត៌មានថ្មីៗនាពេលកន្លងមក៕

Tag:

COទម្រង់D

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

7 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អត្ថបទពេញនិយមបន្ថែម