កីឡាជាតិ
ជាតិ
លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បាញ់កាំភ្លើងក្នុងថ្ងៃបើកការប្រកួតជើងឯកថ្នាក់ជាតិ
×![]()
កីឡាករកីឡាការិនីត្រូវខិតខំធ្វើយ៉ាងណាដណ្តើមមេដាយមាសឲ្យបាននៅក្នុងការប្រកួតកីឡាស៊ីហ្គេមលើកទី៣២នៅឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ នេះជាការដាក់គោលដៅរបស់លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា ដែលជំរុញឲ្យកីឡាករ ត្រូវបង្កើនការហ្វឹកហាត់ អភិវឌ្ឍសមត្ថភាពឲ្យកាន់តែប្រសើរថែមទៀត។
នាពិធីបិទការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៩ លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បានដាក់គោលដៅឲ្យកីឡាករធ្វើយ៉ាងណា ដណ្តើមយកមេដាយមាសឲ្យបាននៅស៊ីហ្គេមឆ្នាំ២០២៣។ ការដាក់គោលដៅបែបនេះ ព្រោះលោកចង់ឲ្យសាកសមនឹងតម្លៃក្នុងឋានៈជាប្រទេសម្ចាស់ផ្ទះរៀបចំព្រឹត្តិការណ៍នេះ។
ជាមួយការដាក់ចេញនូវគោលដៅនេះ លោក សុផាន់ណា បានជំរុញឲ្យកីឡាករកីឡាការិនីទាំងទទួលបានជ័យលាភី និងមិនជ័យលាភីក្នុងការប្រកួតថ្នាក់ជាតិទាំងអស់ ត្រូវបង្កើនការហ្វឹកហាត់ក្នុងការពង្រឹងនិងអភិវឌ្ឍន៍សមត្ថភាពឲ្យតែប្រសើរ ដើម្បីឈានទៅសម្រេចគោលដៅ និងត្រៀមប្រជែងក្នុងព្រឹត្តិការណ៍អន្តរជាតិនានា។
រដ្ឋលេខាធិការក្រសួងមហាផ្ទៃរូបនេះ បានវាយតម្លៃខ្ពស់ចំពោះដំណើរការរៀបចំការប្រកួតជើងថ្នាក់ជាតិថា បានប្រព្រឹត្តទៅយ៉ាងរលូន និងបញ្ចប់ដោយជោគជ័យ។ បច្ចេកទេស និងសមត្ថភាពកីឡាករទៀតសោត មានការរីកចម្រើនគួរឲ្យកត់សម្គាល់បើធៀបនឹងឆ្នាំមុនៗ។ ជាពិសេសកីឡាករគ្រប់រូប មានការយល់ដឹងកាន់តែច្បាស់ពីច្បាប់ និងបទបញ្ជាការប្រកួត។
ក្រោយឆ្លងកាត់ការប្រកួតយ៉ាងស្វិតស្វាញរយៈពេល៣ថ្ងៃ នៅទីលានកងពលតូចពិសេសឆ័ត្រយោង៩១១ ក្រុមអត្តពលិកក្រសួងការពារជាតិដណ្តើមបានមេដាយមាស៥ ដោយឈ្នះលើវិញ្ញាសា២២Longវែងឯកត្តជនបុរស-នារី, ៩មីលីម៉ែត្រនារីជាក្រុម, ២២Longខ្លីនារី និងវិញ្ញាសា២២Longវែងបុរសជាក្រុម។ ជ័យជម្នះជួយឲ្យពួកគេឈរចំណាត់ថ្នាក់លេខ១ក្នុងការប្រកួតជើងឯកថ្នាក់ជាតិឆ្នាំនេះ ដែលមានអត្តពលិកមកពីអគ្គនាយកដ្ឋានស្រាវជ្រាវចារកិច្ចឈរលេខ២ ក្រោយឈ្នះមេដាយមាសពីរ។
បើតាមរបាយការណ៍ដែលអានដោយលោកស្រី ស៊ុំ សុខា អនុប្រធានសហព័ន្ធ ការប្រកួតឆ្នាំនេះមានកីឡាករកីឡាការិនីចំនួន៧៧នាក់មកពី៩ក្លិប-សមាគមចូលរួម។ ពួកគេប្រកួតប្រជែងលើ៣វិញ្ញាសា គឺកាំភ្លើងខ្លី 22Long(បាញ់ចម្ងាយ២៥ម៉ែត្រ), កាំភ្លើងវែង 22Long(បាញ់ចម្ងាយ៥០ម៉ែត្រ) និងកាំភ្លើងខ្លីកម្លាំង 9mm(បាញ់ចម្ងាយ២៥ម៉ែត្រ)៕
នាពិធីបិទការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៩ លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បានដាក់គោលដៅឲ្យកីឡាករធ្វើយ៉ាងណា ដណ្តើមយកមេដាយមាសឲ្យបាននៅស៊ីហ្គេមឆ្នាំ២០២៣។ ការដាក់គោលដៅបែបនេះ ព្រោះលោកចង់ឲ្យសាកសមនឹងតម្លៃក្នុងឋានៈជាប្រទេសម្ចាស់ផ្ទះរៀបចំព្រឹត្តិការណ៍នេះ។
ជាមួយការដាក់ចេញនូវគោលដៅនេះ លោក សុផាន់ណា បានជំរុញឲ្យកីឡាករកីឡាការិនីទាំងទទួលបានជ័យលាភី និងមិនជ័យលាភីក្នុងការប្រកួតថ្នាក់ជាតិទាំងអស់ ត្រូវបង្កើនការហ្វឹកហាត់ក្នុងការពង្រឹងនិងអភិវឌ្ឍន៍សមត្ថភាពឲ្យតែប្រសើរ ដើម្បីឈានទៅសម្រេចគោលដៅ និងត្រៀមប្រជែងក្នុងព្រឹត្តិការណ៍អន្តរជាតិនានា។
រដ្ឋលេខាធិការក្រសួងមហាផ្ទៃរូបនេះ បានវាយតម្លៃខ្ពស់ចំពោះដំណើរការរៀបចំការប្រកួតជើងថ្នាក់ជាតិថា បានប្រព្រឹត្តទៅយ៉ាងរលូន និងបញ្ចប់ដោយជោគជ័យ។ បច្ចេកទេស និងសមត្ថភាពកីឡាករទៀតសោត មានការរីកចម្រើនគួរឲ្យកត់សម្គាល់បើធៀបនឹងឆ្នាំមុនៗ។ ជាពិសេសកីឡាករគ្រប់រូប មានការយល់ដឹងកាន់តែច្បាស់ពីច្បាប់ និងបទបញ្ជាការប្រកួត។
ក្រោយឆ្លងកាត់ការប្រកួតយ៉ាងស្វិតស្វាញរយៈពេល៣ថ្ងៃ នៅទីលានកងពលតូចពិសេសឆ័ត្រយោង៩១១ ក្រុមអត្តពលិកក្រសួងការពារជាតិដណ្តើមបានមេដាយមាស៥ ដោយឈ្នះលើវិញ្ញាសា២២Longវែងឯកត្តជនបុរស-នារី, ៩មីលីម៉ែត្រនារីជាក្រុម, ២២Longខ្លីនារី និងវិញ្ញាសា២២Longវែងបុរសជាក្រុម។ ជ័យជម្នះជួយឲ្យពួកគេឈរចំណាត់ថ្នាក់លេខ១ក្នុងការប្រកួតជើងឯកថ្នាក់ជាតិឆ្នាំនេះ ដែលមានអត្តពលិកមកពីអគ្គនាយកដ្ឋានស្រាវជ្រាវចារកិច្ចឈរលេខ២ ក្រោយឈ្នះមេដាយមាសពីរ។
បើតាមរបាយការណ៍ដែលអានដោយលោកស្រី ស៊ុំ សុខា អនុប្រធានសហព័ន្ធ ការប្រកួតឆ្នាំនេះមានកីឡាករកីឡាការិនីចំនួន៧៧នាក់មកពី៩ក្លិប-សមាគមចូលរួម។ ពួកគេប្រកួតប្រជែងលើ៣វិញ្ញាសា គឺកាំភ្លើងខ្លី 22Long(បាញ់ចម្ងាយ២៥ម៉ែត្រ), កាំភ្លើងវែង 22Long(បាញ់ចម្ងាយ៥០ម៉ែត្រ) និងកាំភ្លើងខ្លីកម្លាំង 9mm(បាញ់ចម្ងាយ២៥ម៉ែត្រ)៕
Tag:
បាញ់កាំភ្លើង
មៀច សុផាន់ណា
ជើងឯកថ្នាក់ជាតិ
© រក្សាសិទ្ធិដោយ thmeythmey.com
