អ្នកកាសែតខ្មែរនិងបរទេស៨០នាក់ ទៅទស្សនកិច្ចវិស័យ«ទេសចរណ៍វេជ្ជសាស្ត្រ»នៅម៉ាឡេស៊ី

អត្ថបទពាណិជ្ជកម្ម

អ្នកកាសែតខ្មែរនិងបរទេស៨០នាក់ ទៅទស្សនកិច្ចវិស័យ«ទេសចរណ៍វេជ្ជសាស្ត្រ»នៅម៉ាឡេស៊ី

30, Oct 2019 , 11:59 am

រូបភាព

ដោយ: សែម វណ្ណា (Sem Vanna)

ភ្នំពេញ៖ អ្នកសារព័ត៌មានកម្ពុជាចំនួន៧នាក់ មកពី៥ស្ថាប័ន តាមរយៈភ្នាក់ងារទេសចរណ៍ Great Angkor Tours ចេញដំណើរទៅកាន់ប្រទេសម៉ាឡេស៊ី នៅថ្ងៃទី៣០ តុលានេះ ដើម្បីឈ្វេងយល់អំពីវិស័យវេជ្ជសាស្ត្រ និងទស្សនាតំបន់ទេសចរណ៍មួយចំនួនក្នុងប្រទេសម៉ាឡេស៊ី។ អ្នកសារព័ត៌មានទាំង៥ស្ថាប័ននោះ រួមមានសារព័ត៌មានអេឡិចត្រូនិកថ្មីៗ (thmeythmey.com), អង្គភាព Fresh News, ភ្នំពេញ ប៉ុស្ដិ៍, ទូរទស្សន៍ BTV, និង ទូរទស្សន៍អប្សរា ព្រមទាំងមានអ្នកកាសែតបរទេសជាង៧៣នាក់ទៀត ដែលមកពី៦ប្រទេស ក៏ចូលរួមក្នុងដំណើរទស្សនកិច្ចនៅម៉ាឡេស៊ី រយៈពេល៤ថ្ងៃ នេះផងដែរ។

អ្នកស្រី ប្រាក់ ពុទ្ធារ័ក្ស តំណាងភ្នាក់ងារទេសចរណ៍ Great Angkor Tours ដែលមានការិយាល័យនៅរាជធានីភ្នំពេញ បានប្រាប់សារព័ត៌មានថ្មីៗ អំពីដំណើរទសន្សកចិច្ចរយៈពេល៤ថ្ងៃ ចាប់ពីថ្ងៃទី៣០ ខែតុលា ដល់ថ្ងៃទី០២ ខែវិច្ឆិកា ឆ្នាំ២០១៩នេះ ថា ការរៀបចំដំណើរទស្សនកិច្ចនេះ ក្នុងគោលបំណងស្វែងយល់អំពីទេសចរណ៍វេជ្ជសាស្ត្រ (Medical Tourism) នៅប្រទេសម៉ាឡេស៊ី ហើយអ្នកសារព័ត៌មាននឹងទៅទស្សនាតំបន់ទេសចរណ៍ និងវប្បធម៌ សំខាន់ៗមួយចំនួននៅក្នុងទីក្រុងកូឡាឡាំពួផងដែរ។

ក្រៅពីអ្នកសារព័ត៌មានខ្មែរចំនួន៧នាក់ខាងលើ អ្នកស្រី ប្រាក់ ពន្ធារ័ក្ស បានឲ្យដឹងដែរថា ក៏មានអ្នកសារព័ត៌មានបរទេស ៧៣នាក់ផ្សេងទៀត មកពីប្រទេស ឥណ្ឌា ចិន អូស្ត្រាលី ព្រុយណេ មីយ៉ាន់ម៉ា និងវៀតណាម ទៅចូលរួមក្នុងទស្សនកិច្ចស្តីអំពី«ទេសចរណ៍វេជ្ជសាស្ត្រ» នៅប្រទេសម៉ាឡេស៊ីនេះផងដែរ ដែលសហការរៀបចំដោយក្រុមប្រឹក្សាថែទាំសុខភាពម៉ាឡេស៊ី៕