ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ភាគច្រើនប្រហែលជាមិនធ្លាប់ចាប់អារម្មណ៍អំពីទម្លាប់ធម្មតាៗ ប៉ុន្តែអាចបង្កផលប៉ះពាល់ដល់សុខភាពខួរក្បាលឡើយ! ថាតើទម្លាប់អ្វីខ្លះទៅដែលអាចធ្វើឱ្យអ្នកមានខួរក្បាលមិនឆ្លាតវៃ? 
ខាងក្រោមនេះយើង នឹងបង្ហាញឱ្យដឹងពីសកម្មភាពប្រចាំថ្ងៃដែលគួរបញ្ឈប់ភ្លាមប្រសិនបើចង់រក្សាបាននូវសុខភាពខួរក្បាលល្អប្រសើរ ៖
១. គេងមិនបានគ្រប់គ្រាន់
ការគេងអនុញ្ញាតឱ្យខួរក្បាលមានពេលសម្រាក។ ម្យ៉ាងវិញទៀតការគេង គឺចាំបាច់ណាស់សម្រាប់ពង្រឹងការតភ្ជាប់រវាងណឺរ៉ូន ដូច្នេះហើយទើបការគេងមិនគ្រប់រយៈពេលយូរអាចបណ្ដាលឱ្យងាប់កោសិកាខួរក្បាល និងជះឥទ្ធិពលអវិជ្ជមានលើការចងចាំ។
២. ពិសាគ្រឿងស្រវឹងច្រើន
ក្រៅពីសុខភាពថ្លើមហើយនោះ ការទទួលទានគ្រឿងស្រវឹងច្រើនជាប្រចាំក៏ជះឥទ្ធិពលលើសុខភាពនិងសមត្ថភាពយល់ដឹងចងចាំរបស់ខួរក្បាលផងដែរ។ដូច្នេះដើម្បីរក្សាបាននូវសុខភាពខួរក្បាលល្អប្រសើរចូរបញ្ឈប់ ឬកាត់បន្ថយការទទួលទានគ្រឿងស្រវឹង។
៣. ជក់បារី
សារធាតុគីមីក្នុងបារីមានឥទ្ធិពលធ្វើឱ្យខួរក្បាលរួមតូច ហើយអាចឈានដល់ថ្នាក់កើតជំងឺភ្លេចភ្លាំង ឬវង្វេងវង្វាន់ទៀតផង។
៤. បញ្ហាទីរ៉ូអ៊ីត
ជាពិសេសជំងឺខ្សោយក្រពេញទីរ៉ូអ៊ីត! នោះក៏ព្រោះតែជំងឺនេះបង្កបញ្ហាដល់ការគេង និងអាចឈានដល់ថ្នាក់ធ្លាក់ទឹកចិត្ត (Depression) ដែលមិនល្អសោះចំពោះទាំងសុខភាពខួរក្បាល ក៏ដូចជាសមត្ថភាពនៃការចងចាំចុះខ្សោយទៀត។
៥. បញ្ហាថប់អារម្មណ៍និងធ្លាក់ទឹកចិត្ត (Depression)
នោះក៏ព្រោះតែនៅពេលថប់អារម្មណ៍រាងកាយនឹងចាប់ផ្ដើមបញ្ចេញអ័រម៉ូនស្ត្រេស Cortisol ដែលជះឥទ្ធិពលលើកោសិកាខួរក្បាលគួរឱ្យព្រួយបារម្ភ។
៦. ទទួលទានអាហារមានផ្ទុកជាតិសូដ្យូម
ការទទួលទានអាហារមានផ្ទុកជាតិសូដ្យូម ឬអាហារប្រៃច្រើនពេក គឺមិនល្អសម្រាប់សុខភាពសម្ពាធឈាមនិងបេះដូងឡើយ។ លើសពីនេះទៅទៀតការទទួលទានអាហារមានជាតិសូដ្យូមច្រើនអាចបង្កផលប៉ះពាល់ដល់មុខងារនៃភាពយល់ដឹងរបស់ខួរក្បាលគួរឲ្យព្រួយបារម្ភ។ ដូច្នេះប្រសិនបើអ្នកចង់រក្សាបាននូវសុខភាពខួរក្បាល ក៏ដូចជាបេះដូងល្អប្រសើរ ចូរកាត់បន្ថយ ឬបញ្ឈប់ការទទួលទានអាហារដែលមានផ្ទុកសម្បូរទៅដោយជាតិសូដ្យូម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
