ជាតិ
សង្គមជាតិ
កម្ពុជា សុំឲ្យវៀតណាមជួយសង់សាលប្រជុំ ក្នុងអគ្គបញ្ជាការដ្ឋាន ជំនួបរវាងលោក វង្ស ពិសេន និង លោក Phan Van Giang (រូបពីក្រសួងការពារជាតិ)
× លោក វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានស្នើទៅលោក Phan Van Giang អនុរដ្ឋមន្ត្រីក្រសួងការពារប្រទេស និងជាប្រធានអគ្គសេនាធិការនៃកងទ័ពវៀតណាម ឲ្យវៀតណាម ជួយសាងសង់សាលប្រជុំមួយកន្លែង ដែលអាចចំណុះមនុស្ស៥០០នាក់ នៅក្នុងអគ្គបញ្ជាការដ្ឋាននៃកងយោធពលខេមរភូមិន្ទកម្ពុជា។ ជំនួបរវាងអ្នកទាំងពីរ គឺធ្វើឡើងនៅអគ្គបញ្ជាការដ្ឋាន កាលពីថ្ងៃទី៣១ ខែតុលា ឆ្នាំ២០១៩ ហើយត្រូវបានចុះផ្សាយដោយក្រសួងការពារជាតិកម្ពុជា។
បើតាមក្រសួងការពារជាតិ ក្រៅពីសាលប្រជុំ លោក វង្ស ពិសេន ក៏បានស្នើសុំឲ្យភាគីវៀតណាម ជួយងសាងសង់សំណង់និមិត្តរូបនៃការរឹតចំណងសាមគ្គីភាពនិងមិត្តភាពរវាងប្រទេសទាំងពីរ នៅតាមបណ្តាខេត្តជាប់ព្រំដែនផងដែរ។ Phan Van Giang ឆ្លើយតបថា លោក ទទួលយករាល់សំណើទាំងនេះ ទៅរាយការណ៍ដល់ថ្នាក់ដឹកនាំក្រសួងការពារប្រទេសវៀតណាម ដើម្បីពិនិត្យ៕
Tag:
វង្ស ពិសេន
វៀតណាម
ជំនួយ
សាលប្រជុំ
© រក្សាសិទ្ធិដោយ thmeythmey.com