ជាតិ
CDC អនុម័តឲ្យក្រុមហ៊ុន២ បោះទុនជាង៦លានដុល្លារ វិនិយោគលើវិស័យកាត់ដេរ នៅភ្នំពេញនិងកំពង់ស្ពឺ ប្លង់ទីតាំងនៃគម្រោងវិនិយោគ រូបភាពពី CDC
× ក្រុមប្រឹក្សាអភិឌ្ឍន៍កម្ពុជា (CDC) បានអនុម័តឲ្យក្រុមហ៊ុន២ បោះទុនវិនិយោគជាង៦លានដុល្លារ លើគម្រោងរោងចក្រកាត់ដេរ និងអាចជួយបង្កើតការងារប្រមាណ២០០០កន្លែងក្នុងរាជធានីភ្នំពេញនិងខេត្តកំពង់ស្ពឺ។
ក្រុមប្រឹក្សាអភិឌ្ឍន៍បានអនុម័តឲ្យក្រុមហ៊ុន SUNRISE FASHION (CAMBODIA) CO., LTD លើគម្រោងបង្កើតរោងចក្រកាត់ដេរសម្លៀកបំពាក់ ស្រោមខ្នើយ និងស្រោមពូក ដែលមានទីតាំងវិនិយោគស្ថិតនៅផ្លូវជាតិលេខ៣ ភូមិពោធិ៍អង្គ្រង ស្រុកបរសេដ្ឋ ខេត្តកំពង់ស្ពឺ។ ក្រុមហ៊ុននេះ បានបោះទុនវិនិយោគប្រមាណ៣,៥លានដុល្លារអាមេរិក និងអាចបង្កើតការងារបានចំនួន ១២៥៥កន្លែង។
ចំណែកក្រុមហ៊ុនមួយទៀតគឺ YONG LI HUA DEVELOPMENT CO., LTD គ្រោងបង្កើតរោងចក្រកាត់ដេរសម្លៀកបំពាក់ ស្រោមដៃ មួក និងកាបូបយួរដៃ ដែលមានទីតាំងវិនិយោគស្ថិតនៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ គម្រោងនេះ បានបោះទុនវិនិយោគប្រមាណ២,៧លានដុល្លារអាមេរិក និងអាចបង្កើតការងារបានចំនួន ៨២៨កន្លែង៕
© រក្សាសិទ្ធិដោយ thmeythmey.com