ជាតិ
ថ្ងៃបុណ្យអុំទូក អាជ្ញាធរ នឹងបិទកំណាត់ផ្លូវ១៣ខ្សែនៅភ្នំពេញ រូបភាពពីស្នងការដ្ឋាននគរបាលរាជធានីភ្នំពេញ
× ស្នងការដ្ឋាននគរបាលរាជធានីភ្នំពេញ នឹងបិទកំណាត់ផ្លូវ១៣ខ្សែ មិនឲ្យយានយន្តគ្រប់ប្រភេទ បើកចេញចូលឡើយ ក្នុងអំឡុងបុណ្យអុំទូក ដើម្បីកុំឲ្យមានការកកស្ទះចរាចរណ៍ ជាពិសេស គឺជួយសម្រួលដល់ការធ្វើដំណើរថ្មើរជើងរបស់ប្រជាពលរដ្ឋនៅពេលដើរកម្សាន្តក្នុងពិធីបុណ្យនេះ។ នេះបើតាមការចេញផ្សាយលើទំព័រហ្វេសប៊ុករបស់ស្នងការដ្ឋានរាជធានីភ្នំពេញ។
កំណាត់ផ្លូវទាំង១៣ខ្សែនោះ គឺ ផ្លូវ២៩៤ កែងផ្លូវនរោត្តម, ផ្លូវសុរាម្រិត កែងនាគបាញ់ទឹក, ផ្លូវ២៤០ កែងផ្លូវព្រះស៊ីសុវត្ថិ, ផ្លូវ២៤០ កែងផ្លូវសុធារស់, ផ្លូវប៉ាស្ទ័រ៥១ កែងវត្តលង្កា, ផ្លូវ២៤០ កែងផ្លូវប៉ាស្ទ័រ៥១, ផ្លូវ២២២ កែងផ្លូវប៉ាស្ទ័រ៥១, ផ្លូវ១៨៤ កែងផ្លូវនរោត្តម, ផ្លូវ២៤០ កែងផ្លូវនរោត្តម, រោងកុនលុច្យ កែងផ្លូវនរោត្តម, ផ្លូវព្រះស៊ីសុវត្ថិ កែងវត្តបទុម, ផ្លូវលេខ១៩ កែងផ្លូវលេខ១៣ និង ផ្លូវ១៩ កែងផ្លូវ១៨៤៕
រូបភាពពីស្នងការដ្ឋាននគរបាលរាជធានីភ្នំពេញ
© រក្សាសិទ្ធិដោយ thmeythmey.com