ជាតិ
ក្រសួងប្រៃសណីយ៍ ជ្រើសរើសនិស្សិតនិងមន្ត្រីរាជការស៊ីវិល ចូលបម្រើការងារក្នុងក្របខ័ណ្ឌក្រសួង
×![]()
ដោយ៖ ផាត ដាណេ
ភ្នំពេញ៖ ក្រសួងប្រៃសណីយ៍ និងទូរគមនាគមន៍ បានចេញសេចក្តីជូនដំណឹងស្តីពី ការប្រឡងប្រជែងជ្រើសរើសនិស្សិត និងមន្ត្រីរាជការស៊ីវិលដែលមានសញ្ញាបត្របរិញ្ញាបត្រឡើង ឲ្យចូលបម្រើការងារក្នុងក្របខ័ណ្ឌក្រសួងរបស់ខ្លួនសម្រាប់ឆ្នាំ២០១៩។ ការប្រឡងជ្រើសរើសនេះ ជាប្រភេទក្របខ័ណ្ឌ (ក) ចំនួន៣០កន្លែង ដែលមានវិញ្ញាសាប្រឡងសរសេរតាមប្រព័ន្ធកុំព្យូទ័រ រួមមាន ចំណេះដឹងទូទៅ, ភាសាអង់គ្លេស និងព័ត៌មានវិទ្យា រីឯវិញ្ញាសាផ្ទាល់មាត់ នឹងត្រូវអនុវត្តន៍ចំពោះតែបេក្ខជនដែលប្រឡងជាប់វិញ្ញាសាសរសេរ។
នៅក្នុងសេចក្តីជូនដំណឹងដដែល ដែលចុះហត្ថលេខាដោយរដ្ឋមន្ត្រីក្រសួងប្រៃសណីយ៍ និងទូរគមនាគមន៍ លោក ត្រាំ អ៊ីវតឹក កាលពីថ្ងៃទី២៨ តុលានេះ គឺក្រសួងចាប់ផ្តើមទទួលពាក្យសុំសិទ្ធិប្រឡងរបស់បេក្ខជន ចាប់ពីថ្ងៃផ្សាយដំណឹងនេះ រហូតដល់ថ្ងៃទី២៨ ខែវិច្ឆិកា ឆ្នាំ២០១៩។ ចំណែកឯកាលបរិច្ឆេទប្រឡង និងមណ្ឌលប្រឡង គណៈកម្មការរៀបចំការប្រឡងនឹងជូនដំណឹងនៅពេលក្រោយ។
ព័ត៌មានលម្អិតសូមចុចតំណភ្ជាប់នេះ៖ https://www.mptc.gov.kh/article/4023
© រក្សាសិទ្ធិដោយ thmeythmey.com
