អត្ថបទពាណិជ្ជកម្ម
ឆ្ងាញ់អស់ទាស់! បបរលតជើងជ្រូកសាច់បួនមុខក្នុងចានតែមួយ នៅផាកកាហ្វេ
× បើនិយាយពីម្ហូបសុខភាព ពិសេសរសជាតិឈ្ងុយឆ្ងាញ់ដោយមិនចាំបាច់ប្រើប៊ីចេងនោះ លោកអ្នកតែងតែនឹកដល់ផាកកាហ្វេមុនគេ ដែលជាភោជនីយដ្ឋានក្នុងស្រុកមួយមានភាពល្បីល្បាញ តែងគិតគូរដល់សុខភាពរបស់អតិថិជនជាចម្បង និងប្តេជ្ញាមិនប្រើប្រាស់ប៊ីចេង ដើម្បីបង្កើនរសជាតិនៃមុខម្ហូបឡើយ។
សម្រាប់ខែវិចិ្ឆកានេះ ផាកកាហ្វេបានចេញលក់នូវអាហារថ្មីគឺ បបរលតជើងជ្រូក និងឈុតបបរលតជើងជ្រូក។ បើតាមការបង្ហើបអោយដឹងពីផ្នែកចុងភៅប្រចាំផាកកាហ្វេ ម្ហូបថ្មីនេះ បានផ្សំគ្រឿងយ៉ាងពិសេស ដោយបញ្ចូលគ្នាជាមួយគ្រឿងទេសផ្សេងៗ សម្រាប់ទឹកស៊ុបរបស់បបរលតនេះ ឲ្យមានរសជាតិឈ្ងុយឆ្ងាញ់។ គ្រឿងផ្សំដូចជា ជើងជ្រូក និងសាច់ជ្រូកចិញ្ច្រាំ គឺជាជ្រូកស្រែដែលចិញ្ចឹមបែបលក្ខណៈគ្រួសារ នៅខេត្តតាកែវ។ រីឯបាក់សៀក (ប្រហិតសាច់ជ្រូក)វិញ គឺបានផលិតឡើង ប្រកបដោយអនាម័យ តាមស្តង់ខ្ពស់។ ប្រហិតត្រី ត្រូវបានជ្រើសរើសយកប្រហិតសាច់ត្រីលេខ១ កោសស្រស់ៗយកទៅចៀនភ្លាមៗ។
កាន់តែពិសេសជាងនេះទៅទៀត គឺសម្រាប់អតិថិជនដែលទទួលទាន ឈុតបបរលតជើងជ្រូកវិញ គឺពិតជាចំណេញមិនតិចទេ ដោយបានទាំងកាហ្វេភ្នំពេញពិសេស ដែលមានរសជាតិឈ្ងុយឆ្ងាញ់ ដោយនៅផាកកាហ្វេបានរក្សាការឆុងបែបខ្មែរបុរាណ តែរក្សាបានក្លិន និងរសជាតិឈ្ងុតឆ្ងាញ់ពិសា។ អតិថិជន ក៏នឹងទទួលចៃយ៉ បំពងស្រួយៗ បីដុំក្នុងឈុតតែមួយទៀតផង។
លោកអ្នកអាចស្វែងរករសជាតិអាហារថ្មីនេះ នៅគ្រប់សាខាផាកកាហ្វេនៅក្នុងក្រុងភ្នំពេញ និងសាខាក្រុងកំពង់ចាម ដែលមានទីតាំងនៅបុរីពិភពថ្មីកំពង់ចាម ក្រោយសាលាខេត្តកំពង់ចាម លើកលែងសាខាក្នុងព្រលានយន្តហោះភ្នំពេញ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com