ជាតិ
កូនក្រពើដែលព្រលែងក្នុងទឹកកសិន្ធុអង្គរ ត្រូវពលរដ្ឋប្រទះឃើញ និងចាប់ប្រគល់ឲ្យអាជ្ញាធរ រូបភាពពីទំព័រហ្វេសប៊ុក អាជ្ញាធរជាតិអប្សរា Apsara Authority
× សៀមរាប៖ កូនក្រពើដែលត្រូវបានគេយកទៅព្រលែង ក្នុងទឹកកសិន្ធុអង្គរវត្ត ត្រូវបានរកឃើញវិញហើយ នៅរសៀលថ្ងៃទី៨ វិច្ឆិកា។ លោក ឡុង កុសល បានប្រាប់សារព័ត៌មានថ្មីៗថា បុរសម្នាក់ដែលកំពុងដើរហាត់ប្រាណនៅតាមបណ្ដោយកសិន្ធុអង្គរវត្ត បានប្រទះឃើញកូនក្រពើអណ្ដែតក្នុងទឹក និងបានចុះចាប់កូនក្រពើនោះដល់អាជ្ញាធរ។ លោកបន្ថែមថា សកម្មភាពចាប់កូនក្រពើនោះមានប្រជាពលរដ្ឋច្រើនទៀតបានឃើញ ក៏ដូចជាកម្លាំងនគរបាលបេតិកភណ្ឌនៅទីនោះដែរ។ លោក ឡុង កុសលប្រាប់ថា មន្ដ្រីជំនាញផ្នែករដ្ឋបាលជលផលខេត្ត បានមកទទួកកូនក្រពើនោះទៅរក្សាទុកហើយដែរ។
សាធារណជនបានរិះគន់ និងហួសចិត្តជាខ្លាំង បន្ទាប់ពីលោកស្រី ហ៊ុន ស៊ីណាត បានយកកូនក្រពើមួយក្បាលទៅលែងក្នុងទឹកកសិន្ធុអង្គរវត្ត។ ប្រជាពលរដ្ឋបារម្ភចំពោះក្រពើនេះនៅពេលអនាគត ហើយថាអាជ្ញាធរមិនគួរឱ្យមានករណីនេះទេ៕
© រក្សាសិទ្ធិដោយ thmeythmey.com