លោក កឹម សុខា ជួបទូតអាមេរិក និងបារាំង នៅថ្ងៃទី១១ វិច្ឆិកានេះ

ជាតិ

នយោបាយជាតិ

លោក កឹម សុខា ជួបទូតអាមេរិក និងបារាំង នៅថ្ងៃទី១១ វិច្ឆិកានេះ

11, Nov 2019 , 7:20 am

រូបភាព

រូបពីហ្វេសប៊ុកលោក មុត ចន្ថា មនុស្សជំនិតលោក កឹម សុខា ប្រធានគណបក្សសង្គ្រោះជាតិ

ដោយ: ធឿន បញ្ញាឬទិ្ធ

ភ្នំពេញ៖ បើគ្មានអ្វីប្រែប្រួលទេ! លោក កឹម សុខា ប្រធានអតីតគណបក្សសង្គ្រោះជាតិ នឹងជួបឯកអគ្គរដ្ឋទូតអាមេរិក និងឯកអគ្គរដ្ឋទូតបារាំងប្រចាំកម្ពុជា នៅថ្ងៃទី១១ វិច្ឆិកានេះ។ នេះបើតាមលោក មុត ចន្ថា មនុស្សជំនិតលោក កឹម សុខា ។

លោក មុត ចន្ថា បានសរសេរលើហ្វេសប៊ុកផ្លូវការនៅថ្ងៃទី១០ វិច្ឆិកាថា លោក កឹម សុខា នឹងមានជំនួបដោយឡែកពីរផ្សេងគ្នាជាមួយបេសកកម្មការទូតបរទេសមួយចំនួនកម្ពុជា ដោយក្នុងនោះ លោក កឹម សុខា ត្រូវជួបឯកអគ្គរដ្ឋទូតនៃសាធារណរដ្ឋបារាំង នៅម៉ោង ១០: ៣០ព្រឹក ។ ចំណែកជាមួយ ឯកអគ្គរដ្ឋទូតនៃសហរដ្ឋអាមេរិក នៅម៉ោង ២:៣០រសៀល ថ្ងៃដដែលនេះ។ បើតាមលោក មុត ចន្ថា ជំនួបទាំងពីរនេះ នៅត្រូវធ្វើឡើងនៅក្នុងគេហដ្ឋានលោក កឹម សុខា ដែលស្ថិតនៅសង្កាត់បឹងកក់២ ខណ្ឌទួលគោក រាជធានីភ្នំពេញ។

លោក កឹម សុខា ប្រធានអតីតគណបក្សសង្គ្រោះជាតិ ត្រូវបានតុលាការកែប្រែលក្ខខណ្ឌខ្លះ ដោយសម្រេចឱ្យលោកដើរទៅទីណាក៏បាន នៅក្នុងប្រទេសកម្ពុជា លើកលែងតែចេញទៅក្រៅប្រទេស ។ ដ្បិតអាចដើរគ្រប់ទីកន្លែងបានមែន ប៉ុន្តែលោក កឹម សុខា នៅគ្មានសិទ្ធិធ្វើសកម្មភាពនយោបាយដដែល។ ជាពិសេសលោក កឹម សុខា ត្រូវឆ្លើយតបនឹងការកោះហៅរបស់សមត្ថកិច្ចគ្រប់ពេល ដោយសារនៅតែស្ថិតនៅក្នុងការតាមដានរបស់តុលាការ៕

អត្ថបទទាក់ទង

លោក សម រង្ស៊ី៖ ឈប់ឃុំលោក កឹម សុខា ក្នុងផ្ទះ គ្រាន់តែជាជំហានតូចមួយប៉ុណ្ណោះ

កូនស្រី៖ លោក កឹម សុខា សប្បាយចិត្ត ពេលពលរដ្ឋរស់នៅដោយគ្មានការភ័យខ្លាច

អាមេរិក ស្នើឲ្យទម្លាក់បទចោទចេញពីលោក កឹម សុខា

លោក កឹម សុខា៖«ខ្ញុំ នឹងចុះជួបពលរដ្ឋក្នុងពេលឆាប់ៗនេះ»