ជាតិ
នយោបាយជាតិ
លោក កឹម សុខា កំពុងជួបទូតបារាំង នៅក្នុងគេហដ្ឋាន
×
ភ្នំពេញ៖ ដូចការគ្រោងទុក !លោក កឹម សុខា ប្រធានអតីតគណបក្សសង្គ្រោះជាតិ កំពុងជួបឯកអគ្គរដ្ឋទូតបារាំងប្រចាំកម្ពុជា លោកស្រី អេវ៉ា ង្វៀន ប៊ិញ នៅគេហដ្ឋានខ្លួន នាព្រឹកថ្ងៃទី១១ វិច្ឆិកានេះ។
មន្ត្រីផ្ដល់ព័ត៌មានម្នាក់របស់លោក កឹម សុខា បានប្រាប់សារព័ត៌មានថ្មីៗតាមទូរសព្ទថា ជំនួបលោក កឹម សុខា និងអង្គទូតបរទេសនៅកម្ពុជា គ្រាន់តែជាជំនួបសួរសុខទុក្ខធម្មតា ក្រោយលោកជាប់ឃុំក្នុងពន្ធនាគារ និងក្នុងផ្ទះអស់ជាង២ឆ្នាំមកនេះ។
ងាកមកខាងមុខផ្ទះលោក កឹម សុខា ឯណេះវិញ គេសង្កេតឃើញថា អ្នកកាសែតមកពីបណ្ដាស្ថាប័ននានា កំពុងឈរត្រៀបត្រា ដើម្បីរង់ចាំប្រមាញ់រូបភាព នៃជំនួបដំបូងរបស់លោក កឹម សុខា ជាមួយទូតបរទេសនៅកម្ពុជានេះ ក្រោយជាប់ឃុំខ្លួនក្នុងផ្ទះ ដោយសារបណ្ដឹងរដ្ឋាភិបាលនេះ។ មន្ត្រីជំនិតលោក កឹម សុខា ក៏មិនច្បាស់ថា លោក កឹម សុខា អាចផ្ដល់កិច្ចសម្ភាសដល់អ្នកកាសែត ឬយ៉ាងណានោះទេ?
លោក កឹម សុខា ត្រូវជួបឯកអគ្គរដ្ឋទូតនៃសាធារណរដ្ឋបារាំងប្រចាំកម្ពុជា នៅម៉ោង ១០: ៣០ព្រឹក ។ ចំណែកឯកអគ្គរដ្ឋទូតនៃសហរដ្ឋអាមេរិក នឹងត្រូវជួបលោក កឹម សុខា នៅម៉ោង ២:៣០រសៀល ថ្ងៃដដែលនេះ។ លោក កឹម សុខា ប្រធានអតីតគណបក្សសង្គ្រោះជាតិ ត្រូវបានតុលាការកែប្រែលក្ខខណ្ឌខ្លះ ដោយសម្រេចឱ្យលោកដើរទៅទីណាក៏បាន នៅក្នុងប្រទេសកម្ពុជា លើកលែងតែចេញទៅក្រៅប្រទេស ។ ដ្បិតអាចដើរគ្រប់ទីកន្លែងបានមែន ប៉ុន្តែលោក កឹម សុខា នៅគ្មានសិទ្ធិធ្វើសកម្មភាពនយោបាយដដែល។ ជាពិសេសលោក កឹម សុខា ត្រូវឆ្លើយតបនឹងការកោះហៅរបស់សមត្ថកិច្ចគ្រប់ពេល ដោយសារនៅតែស្ថិតនៅក្នុងការតាមដានរបស់តុលាការ៕
Tag:
កឹម សុខា
នយោបាយ
កាសែត
© រក្សាសិទ្ធិដោយ thmeythmey.com