FIFA
កីឡាអន្តរជាតិ
អន្តរជាតិ
(ឆ្វេង) លោក Gianni Infantino ប្រធាន FIFA និង លោក Arsene Wenger។ រូបភាពី FIFA
×![]()
ដោយ: ទេព ពិទូរ្យ
លោក Arsene Wenger អតីតអ្នកចាត់ការទូទៅ Arsenal បានវិលត្រឡប់ចូលវិស័យកីឡាបាល់ទាត់វិញហើយ ដោយលោកយល់ព្រមធ្វើជាប្រធានផ្នែកអភិវឌ្ឍន៍បាល់ទាត់ពិភពលោកថ្មីរបស់សហព័ន្ធកីឡាបាល់ទាត់អន្តរជាតិ (FIFA)។
ការទទួលបានតំណែងក្នុងស្ថាប័ន FIFA នេះ គឺបានបញ្ជាក់យ៉ាងច្បាស់ពីការរំពឹងទុកដែលថាអតីតអ្នកចាត់ការសញ្ញាតិបារាំងវ័យ៧០ឆ្នាំរូបនឹងទៅដឹកនាំក្រុមនៅអាល្លឺម៉ង់ Bayern Munich នោះគឺបញ្ចប់ត្រឹមនេះ។
លោក Wenger បានចាកចេញពីក្រុមរហស្សនាមកាំភ្លើងធំ កាលពីខែឧសភា ឆ្នាំ២០១៨ ក្រោយទទួលបន្ទុកដឹកនាំក្រុមនៅអង់គ្លេសមួយនេះអស់រយៈពេល ២២ឆ្នាំ ជាមួយនឹងសមិទ្ធផលឈ្នះជើងឯក Premier League ៣ដង និង FA Cup ចំនួន៧លើក។
ក្រោយតែងតាំងជាប្រធានផ្នែកអភិវឌ្ឍន៍បាល់ទាត់ពិភពលោកថ្មីរបស់ FIFA លោក Wenger លើកឡើងថា៖«ខ្ញុំទន្ទឹងរង់ចាំ និងរីករាយក្នុងការទទួលយកតំណែងដ៏សំខាន់នេះ។ នេះមិនត្រឹមតែដោយសារខ្ញុំចាប់អារម្មណ៍ក្នុងការវិភាគកីឡាបាល់ទាត់ប៉ុណ្ណោះទេ ប៉ុន្តែដោយសារបេសកកម្មរបស់ FIFA ដែលប្រកបដោយភាពស្មោះត្រង់ និងប្រាកដប្រជា។ ខ្ញុំដឹងថា ខ្ញុំអាចចូលរួមចំណែកក្នុងគោលបំណងនេះ ដោយដាក់ថាមពលទាំងអស់របស់ខ្ញុំទៅក្នុងវិស័យកីឡាបាល់ទាត់»។
តួនាទីថ្មីរបស់លោក Wenger នៅក្នុងស្ថាប័នគ្រប់គ្រងកីឡាបាល់ទាត់ពិភពលោក គឺជួយអភិវឌ្ឍបាល់ទាត់ផ្នែកបុរសនិងស្ត្រី ក៏ដូចជាផ្នែកបច្ចេកទេសនៃកីឡាបាល់ទាត់ផង។ ហើយបច្ចុប្បន្ន Wenger ក៏នឹងក្លាយជាសមាជិកក្រុមបច្ចេកទេសនៃក្រុមប្រឹក្សាភិបាលសមាគមកីឡាបាល់ទាត់អន្តរជាតិនិងជាប្រធានក្រុមសិក្សាបច្ចេកទេសរបស់ FIFA ផងដែរ៕
Tag:
FIFA
Arsene Wenger
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
