ជាតិ
រូបពីហ្វេសប៊ុកលោក ឆាយ សុផល អនុរដ្ឋលេខាធិការក្រសួងព័ត៌មាន និងជាសាស្ត្រាចារ្យព័ត៌មាន
×![]()
ដោយ: ថ្មីៗ
ភ្នំពេញ៖ សាស្ត្រាចារ្យព័ត៌មាន លោក ឆាយ សុផល បានសុំលាលែងពីតួនាទីនាយកប្រតិបត្តិក្លិបអ្នកកាសែតកម្ពុជា ក្រោយពីទទួលបានតំណែងអនុរដ្ឋលេខាធិការក្រសួងព័ត៌មាន។ នេះបើតាមសេចក្តីសម្រេចរបស់ក្លិបអ្នកកាសែតកម្ពុជា ចុះផ្សាយនៅថ្ងៃទី១៤ វិច្ឆិកា។
មូលហេតុដែលលោក ឆាយ សុផល លាលែងចេញពីតួនាទីក្លិបអ្នកកាសែតនេះ ដោយសារលោករវល់ការងារនៅក្នុងក្រសួង ហើយមិនសូវមានពេលវេលាគ្រប់គ្រាន់ដូចមុន សម្រាប់ជួយដល់ក្លិប។ ថ្លែងប្រាប់សារព័ត៌មានថ្មីៗ អ្នកកាសែតជើងចាស់ មានបទពិសោធន៍ជាង២០ឆ្នាំនេះ បាននិយាយដូច្នេះថា៖«ដោយសាររដ្ឋាភិបាលតែងតាំងខ្ញុំជាមន្ត្រីជាន់ខ្ពស់ក្រសួងព័ត៌មានហើយ ដូច្នេះខ្ញុំត្រូវចាកចេញពីក្លិបអ្នកកាសែត ដើម្បីទុកឱកាសឱ្យក្មេងជំនាន់ក្រោយ។ ប៉ុន្តែខ្ញុំនៅតែបន្តផ្ដល់ការប្រឹក្សាដល់ក្លិប»។
សមាជិកគណៈកម្មាធិការនាយកក្លិបអ្នកកាសែត លោក លាង ដឺលុច ត្រូវបានតែងតាំងជានាយកប្រតិបត្តិជំនួសលោក ឆាយ សុផល៕
Tag:
ឆាយ សុផល
ក្លិបអ្នកកាសែត
សារព័ត៌មាន
© រក្សាសិទ្ធិដោយ thmeythmey.com
