បើអ្នករត់ទៅក្រៅស្រុក ហើយចូលមកវិញ ត្រូវអាជ្ញាធរចាប់ខ្លួន ត្រូវរាយការណ៍ទៅ Facebook សម្ដេច

ជាតិ

នយោបាយជាតិ

បើអ្នករត់ទៅក្រៅស្រុក ហើយចូលមកវិញ ត្រូវអាជ្ញាធរចាប់ខ្លួន ត្រូវរាយការណ៍ទៅ Facebook សម្ដេច

15, Nov 2019 , 9:35 am

រូបភាព

ដោយ: ធឿន បញ្ញាឬទិ្ធ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ប្រាប់ឱ្យពលរដ្ឋរត់គេចខ្លួនទៅក្រៅស្រុក ដែលមានបំណងចូលស្រុកវិញ ហើយត្រូវបានអាជ្ញាធរចាប់ខ្លួននោះ ត្រូវរាយការណ៍ប្រាប់ទៅសម្ដេចភ្លាម ដើម្បីសម្ដេចអន្តរាគមន៍ដោះស្រាយ។

ក្នុងពិធីសម្ពោធដាក់អោយប្រើប្រាស់រោងចក្រស៊ីម៉ង់តិ៍ «ថៃ ប៊ុនរ៉ុង»នៅខេត្តកំពត កាលពីថ្ងៃទី១៤ វិច្ឆិកា នាយករដ្ឋមន្ត្រី ហ៊ុន សែន ចាត់ទុកករណីជនសង្ស័យ ដែលកំពុងសម្ងំលាក់ខ្លួននៅក្នុងស្រុក និងគេចខ្លួននៅក្រៅស្រុក ជាជនរងគ្រោះដោយសារការឃោសនានយោបាយប៉ុណ្ណោះ។ «អ្នកដែលរត់ទៅក្រៅស្រុក ហើយបើចូលមកវិញត្រូវអាជ្ញាធរ ឬសមត្ថកិច្ចចាប់ខ្លួន ត្រូវរាយការណ៍មកតាមរយៈ Facebook ផ្ទាល់របស់ខ្ញុំក៏បានដែរ»។ នេះជាការបញ្ជាក់របស់សម្ដេច ហ៊ុន សែន ដែលបានស្នើឱ្យក្រសួងយុត្តិធម៌ ធ្វើការជាមួយតុលាការ និងព្រះរាជអាជ្ញា ក្នុងលើកលែងទោស អ្នកដែលត្រូវបានចាប់ខ្លួន ដោយសង្ស័យជាប់ពាក់ព័ន្ធនឹងអំពើធ្វើរដ្ឋប្រហារ កាលពីថ្ងៃ៩ វិច្ឆិកា៕

អត្ថបទទាក់ទង

តុលាការ ផ្តើមដោះលែងអ្នកពាក់ព័ន្ធធ្វើរដ្ឋប្រហារ ក្រោយនាយករដ្ឋមន្រ្តីស្នើឡើង

នាយករដ្ឋមន្ត្រី ប្រកាសមិនយកទោសពលរដ្ឋ ដែលលាក់ខ្លួនក្នុងស្រុក និងរត់ទៅក្រៅ ដោយសារបញ្ហានយោបាយឡើយ

សម្ដេច ហ៊ុន សែន បញ្ជាឱ្យដោះលែងជនសង្ស័យពាក់ព័ន្ធលោក សម រង្ស៊ី ឱ្យនៅក្រៅឃុំ