ជាតិ
ដំណើរការសាងសង់ប៉ុស្ដិ៍ត្រួតពិនិត្យប័ណ្ណចូលទស្សនាតំបន់អង្គរចំនួន៥ទីតាំង ទិដ្ឋភាពនៅមុខអង្គរតូច
× ភ្នំពេញ៖ អាជ្ញាធរជាតិអប្សរា និងគ្រឹះស្ថានអង្គរចាប់ផ្ដើមសាងសង់ប៉ុស្ដិ៍ត្រួតពិនិត្យប័ណ្ណចូលទស្សនាតំបន់អង្គរចំនួន៥ទីតាំងដូចជា កែងផ្លូវ៦០ម៉ែត្រ, ក្លោងទ្វារដីឆ្នាំង, ក្លោងទ្វារជ័យ, មុខប្រាសាទអង្គរវត្ត និងប៉ុស្ដិ៍លក់សំបុត្រចាស់ ចាប់ពីថ្ងៃទី១៨ ខែវិច្ឆិកា នេះតទៅ។
តាមសេចក្ដីជូនដំណឹងរបស់អាជ្ញាធរជាតិអប្សរា ការបន្ថែមប៉ុស្ដិ៍ត្រួតពិនិត្យនេះ គឺដើម្បីបង្កលក្ខណៈ ងាយស្រួលជូនភ្ញៀវបរទេស ដែលបានមកទស្សនាតំបន់បេតិកភណ្ឌពិភពលោកអង្គរ។ ទន្ទឹមនេះ អាជ្ញាធរជាតិអប្សរានឹងធ្វើការដកហូតដើមឈើមួយចំនួនដែលប៉ះពាល់ដល់ការសាងសង់នេះផងដែរ។
គួរបញ្ជាក់ថា រយៈពេល១០ខែគិតពីខែមករាដល់ខែតុលា ឆ្នាំ២០១៩ ចំនួនភ្ញៀវទេសចរបរទេសដែលបានទិញបណ្ណចូលទស្សនារមណីដ្ឋានអង្គរមានជាង១,៨លាននាក់ ដែលទទួលបានចំណូលសរុបជាង ៨០លានដុល្លារអាមេរិក៕
Tag:
ប័ណ្ណ
ទស្សនា
អង្គរ សៀមរាប
© រក្សាសិទ្ធិដោយ thmeythmey.com