ជាតិ
សង្គមជាតិ
សាសនា / ធម៌
២៥ខេត្ត/រាជធានី
ព្រះសុមេធវង្ស សុខ ប៊ុនធឿន៖«ការអត់ឱន ឬ ខន្តី នាំឲ្យកើតមានវឌ្ឍនភាព, វិបុលភាព និងសន្តិភាព»
រូបភាពពីក្រុមការងាររៀបចំ«ទិវាអន្តរជាតិដើម្បីការអត់ឱន»
×![]()
ភ្នំពេញ៖ រដ្ឋាភិបាលកម្ពុជា ជាហត្ថលេខីមួយដែលបានចូលរួមបង្កើតឲ្យមាន«ទិវាអន្តរជាតិដើម្បីការអត់ឱន» ឬ «International Day of Tolerance» កាលពីថ្ងៃទី១៦ ខែវិច្ឆិកា ឆ្នាំ១៩៩៥ នៅទីក្រុងប៉ារីស ប្រទេសបារាំង។ នៅថ្ងៃខែដដែល នៃឆ្នាំ២០១៩នេះ ទិវាអន្តរជាតិដើម្បីការអត់ឱន ត្រូវបានប្រារព្ធធ្វើនៅមជ្ឈមណ្ឌល (CJCC) ក្នុងគោលបំណងលើកស្ទួយចរិយាធម៌«ការអត់ឱនគ្នាទៅវិញទៅមក»ក្នុងសង្គមខ្មែរ ជាពិសេសក្នុងចំណោមយុវវ័យ ដែលគេអាចមើលឃើញបានដោយងាយតាមបណ្តាញសង្គម (Social Media)។ ព្រះសុមេធវង្ស បណ្ឌិត សុខ ប៊ុនធឿន ព្រះចៅអធិការវត្តនន្នមុនី មានសង្ឃដីកានៅក្នុងកម្មវិធីនេះថា ការមិនអត់ឱន មានផលប៉ះពាល់ច្រើនដល់សង្គម ដោយព្រះសុមេធវង្សបណ្ឌិត លើកពីក្នុងសង្គមគ្រួសារថា ប្រសិនបើ ស្វាមីនិងភរិយាមិនអត់ឱនឲ្យគ្នា ឬកូនច្បងមិនអត់ឱនឲ្យប្អូនៗ ដោយការប៉ះពារអាម្មណ៍ ឬមានឥរិយាបមិនសមរម្យណាមួយ នឹងនាំឲ្យកើតជាហិង្សានៅក្នុងគ្រួសារ។ ផ្ទុយទៅវិញ ការអត់ឱន ឬមានខន្តី នៅក្នុងដំណើរជីវិតរបស់យើង នឹងនាំឲ្យបុគ្គលខ្លួនឯង, គ្រួសារ, សង្គមជាតិ និងពិភពលោករស់នៅដោយមានសេចក្តីសុខ។
ថ្លែងបើកម្មវិធី«ទិវាអន្តរជាតិដើម្បីការអត់ឱន» លោក អៀង សុធារ៉ា អគ្គនាយកក្រុមហ៊ុនផ្កាឈូក បាន រម្លឹកនិងរំលេចនូវពាក្យ«ខន្តី»របស់ព្រះសម្មាសម្ពុទ្ធ និងពុទ្ធសាសនា ដែលភាសាអង់គ្លេសបានប្រែទៅជា Tolerance ដែលអាចឲ្យយើងនិយាយបានថា ថ្ងៃនេះ អង្គការសហប្រជាជាតិបានកំណត់ពាក្យ «ខន្តី» ឲ្យទៅជាពាក្យអន្តរជាតិ ដោយលោក សុធារ៉ា បកប្រែពាក្យ International Day for Tolerance ជាថ្មី ដូច្នេះវិញថា «ទិវាអន្តរជាតិដើម្បីខន្តី»។
(រូបភាពពីក្រុមការងាររៀបចំ«ទិវាអន្តរជាតិដើម្បីការអត់ឱន»)
នៅក្នុងកម្មវិធីស្តីពី«ទិវាអន្តរជាតិដើម្បីការអត់ឱន» ដែលរៀបចំដោយក្រុមហ៊ុនផ្កាឈូក នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នេះ ព្រះសុមេធវង្ស បណ្ឌិត សុខ ប៊ុនធឿន ព្រះចៅអធិការវត្តនន្នមុនី ប្រធានផ្នែកពុទ្ធិកឧត្តម្ភសិក្សា និងជាសមាជិកក្រុមប្រឹក្សាជាតិភាសាខ្មែរ មានសង្ឃដីការពន្យល់ពីអត្ថន័យនៃ«ការអត់ឱន» ឬ «ខន្តី» នេះដូច្នេះថា៖«ជាការទប់អារម្មណ៍, ការគ្រប់គ្រងអារម្មណ៍ និងឱនបន្ទន់ទៅរកអ្វីដែលយើងអាចទទួលយកបាន។ មនុស្សមានបញ្ហានៅក្នុងសង្គម គឺមកពីមនុស្សខ្វះបញ្ញា។ ដូច្នេះ បំណងនៃការផ្សាយព្រះធម៌របស់ព្រះពុទ្ធ គឺធ្វើឲ្យមនុស្សមានពន្លឺនៃបញ្ញា។ កាលណាមនុស្សមានបញ្ញាច្រើន មានការយល់ដឹងច្រើន គឺមនុស្សនឹងមានការអត់ឱនឲ្យគ្នាច្រើន»។
ព្រះសុមេធវង្ស បណ្ឌិត សុខ ប៊ុនធឿន បានមានសង្ឃដីកាបន្ថែមលើអត្ថន័យនៃពាក្យ«អត់ឱន» ឬ «ខន្តី» នេះថា ទី១ គឺបង្ហាញពីសមត្ថភាពនៅក្នុងការអត់ធនដោយសំដៅយកគុណវុឌ្ឍិខាងផ្លូវចិត្តរបស់មនុស្ស ហើយប្រសិនបើគ្មានគុណធម៌នោះទេ គឺមនុស្សពិបាកនឹងទ្រាំការអត់ធននេះ។ ទី២ ការបើកចិត្តទូលាយទទួលយកនូវឥរិយាបថទាំងចំណុចវិជ្ជមាន និងអវិជ្ជមានរបស់អ្នកដទៃ តាមរយៈការពិចារណានូវឧបនិស្ស័យរបស់មុស្ស។ ទី៣ ការទប់នូវអ្វីដែលគេនិយាយពាក្យមិនល្អមកលើយើង រួមទាំងសុខចិត្តទប់ទល់នឹងការលំបាកពីកត្តាធម្មជាតិផង។ និងចំណុចទី៤ គឺសំដៅយកគុណវុឌ្ឍិដែលមាននៅក្នុងបុគ្គលទាំងឡាយណាដែលមានការអប់រំខ្ពស់។ ដូច្នេះ មនុស្សដែលមានការអត់ឱន ឬមានខន្តី មិនមានន័យថា ជាមនុស្សអន់ ឬទន់ខ្សោយនោះទេ។
(រូបភាពពីក្រុមការងាររៀបចំ«ទិវាអន្តរជាតិដើម្បីការអត់ឱន»)
ព្រះសុមេធវង្ស បណ្ឌិត សុខ ប៊ុនធឿន ក៏បានមានសង្ឃដីកាពីការណ៍ដែលមានការអត់ឱន ឬខន្តី ដោយប្រកាន់ខ្ជាប់នៅក្នុងដំណើរជីវិតរបស់យើង យ៉ាងដូច្នេះថា នឹងទទួលបានផលច្រើនដល់បុគ្គល, គ្រួសារ, សង្គមជាតិ និងសម្រាប់មនុស្សជាតិទូទាំងពិភពលោក រស់នៅប្រកបដោយសេចក្តីសុខ និងរស់នៅដោយមានសាមគ្គីគ្នាទាំងផ្លូវកាយ វាចា និងចិត្ត។ លើសពីនេះទៅទៀត ការចេះអត់ឱន ឬខន្តី នេះ ក៏ធ្វើឲ្យកើតមាននូវសុខដុមណីយកម្ម ពោលគឺមនុស្សចេះអត់ឱនឲ្យគ្នា, ចេះជួយយកឧស្សាហ៍គ្នានៅក្នុងស្រុកភូមិ និងចេះចែកគ្នារស់ ដែលជាគុណធម៌របស់ពលរដ្ឋខ្មែរតាំងពីសម័យដើមមកម្ល៉េះ។ ហើយផលកើតអំពីការបដិបត្តិនៃការអត់ឱន ឬខន្តី នេះ ត្រូវបានព្រះសុមេធវង្ស បណ្ឌិត សុខ ប៊ុនធឿន បញ្ជាក់ថា៖«នាំឲ្យកើតមានវឌ្ឍនភាព, វិបុលភាព និងសន្តិភាពទាំងផ្លូវកាយនិងផ្លូវចិត្ត»។
លោក អៀង សុធារ៉ា ដែលបានរៀបចំកម្មវធី«ទិវាអន្តរជាតិដើម្បីខន្តី»នេះ ដោយមានអ្នកចូលរួមប្រមាណ ៦០អង្គនិងនាក់ បាននិមន្តនិងអំពាវនាវព្រះថេរានុថេរៈ គ្រប់ព្រះអង្គនិងអ្នកចូលរួមទាំងអស់ ចូលរួមផ្សព្វផ្សាយ និងបណ្តុះធម៌ខន្តី និង ការអត់ឱនគ្នា នេះ ឲ្យបានកាន់តែច្រើននិងទូលំទូលាយក្នុងចំណោមយុវជន។ លោក សុធារ៉ា សង្ឃឹមយ៉ាងមុតមាំថា កម្ពុជាយើងដែលមានពុទ្ធសាសនាជាសាសនារបស់រដ្ឋ នឹងមានប្រជាពលរដ្ឋគ្រប់រូបដែលមានចិត្តជាខន្តី អត់ធ្មត់ អត់ទ្រាំ អត់ធន់ និង អត់ឱន ជាពុំខាន៕
ថ្លែងបើកម្មវិធី«ទិវាអន្តរជាតិដើម្បីការអត់ឱន» លោក អៀង សុធារ៉ា អគ្គនាយកក្រុមហ៊ុនផ្កាឈូក បាន រម្លឹកនិងរំលេចនូវពាក្យ«ខន្តី»របស់ព្រះសម្មាសម្ពុទ្ធ និងពុទ្ធសាសនា ដែលភាសាអង់គ្លេសបានប្រែទៅជា Tolerance ដែលអាចឲ្យយើងនិយាយបានថា ថ្ងៃនេះ អង្គការសហប្រជាជាតិបានកំណត់ពាក្យ «ខន្តី» ឲ្យទៅជាពាក្យអន្តរជាតិ ដោយលោក សុធារ៉ា បកប្រែពាក្យ International Day for Tolerance ជាថ្មី ដូច្នេះវិញថា «ទិវាអន្តរជាតិដើម្បីខន្តី»។
(រូបភាពពីក្រុមការងាររៀបចំ«ទិវាអន្តរជាតិដើម្បីការអត់ឱន»)
នៅក្នុងកម្មវិធីស្តីពី«ទិវាអន្តរជាតិដើម្បីការអត់ឱន» ដែលរៀបចំដោយក្រុមហ៊ុនផ្កាឈូក នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នេះ ព្រះសុមេធវង្ស បណ្ឌិត សុខ ប៊ុនធឿន ព្រះចៅអធិការវត្តនន្នមុនី ប្រធានផ្នែកពុទ្ធិកឧត្តម្ភសិក្សា និងជាសមាជិកក្រុមប្រឹក្សាជាតិភាសាខ្មែរ មានសង្ឃដីការពន្យល់ពីអត្ថន័យនៃ«ការអត់ឱន» ឬ «ខន្តី» នេះដូច្នេះថា៖«ជាការទប់អារម្មណ៍, ការគ្រប់គ្រងអារម្មណ៍ និងឱនបន្ទន់ទៅរកអ្វីដែលយើងអាចទទួលយកបាន។ មនុស្សមានបញ្ហានៅក្នុងសង្គម គឺមកពីមនុស្សខ្វះបញ្ញា។ ដូច្នេះ បំណងនៃការផ្សាយព្រះធម៌របស់ព្រះពុទ្ធ គឺធ្វើឲ្យមនុស្សមានពន្លឺនៃបញ្ញា។ កាលណាមនុស្សមានបញ្ញាច្រើន មានការយល់ដឹងច្រើន គឺមនុស្សនឹងមានការអត់ឱនឲ្យគ្នាច្រើន»។
ព្រះសុមេធវង្ស បណ្ឌិត សុខ ប៊ុនធឿន បានមានសង្ឃដីកាបន្ថែមលើអត្ថន័យនៃពាក្យ«អត់ឱន» ឬ «ខន្តី» នេះថា ទី១ គឺបង្ហាញពីសមត្ថភាពនៅក្នុងការអត់ធនដោយសំដៅយកគុណវុឌ្ឍិខាងផ្លូវចិត្តរបស់មនុស្ស ហើយប្រសិនបើគ្មានគុណធម៌នោះទេ គឺមនុស្សពិបាកនឹងទ្រាំការអត់ធននេះ។ ទី២ ការបើកចិត្តទូលាយទទួលយកនូវឥរិយាបថទាំងចំណុចវិជ្ជមាន និងអវិជ្ជមានរបស់អ្នកដទៃ តាមរយៈការពិចារណានូវឧបនិស្ស័យរបស់មុស្ស។ ទី៣ ការទប់នូវអ្វីដែលគេនិយាយពាក្យមិនល្អមកលើយើង រួមទាំងសុខចិត្តទប់ទល់នឹងការលំបាកពីកត្តាធម្មជាតិផង។ និងចំណុចទី៤ គឺសំដៅយកគុណវុឌ្ឍិដែលមាននៅក្នុងបុគ្គលទាំងឡាយណាដែលមានការអប់រំខ្ពស់។ ដូច្នេះ មនុស្សដែលមានការអត់ឱន ឬមានខន្តី មិនមានន័យថា ជាមនុស្សអន់ ឬទន់ខ្សោយនោះទេ។
(រូបភាពពីក្រុមការងាររៀបចំ«ទិវាអន្តរជាតិដើម្បីការអត់ឱន»)
ព្រះសុមេធវង្ស បណ្ឌិត សុខ ប៊ុនធឿន ក៏បានមានសង្ឃដីកាពីការណ៍ដែលមានការអត់ឱន ឬខន្តី ដោយប្រកាន់ខ្ជាប់នៅក្នុងដំណើរជីវិតរបស់យើង យ៉ាងដូច្នេះថា នឹងទទួលបានផលច្រើនដល់បុគ្គល, គ្រួសារ, សង្គមជាតិ និងសម្រាប់មនុស្សជាតិទូទាំងពិភពលោក រស់នៅប្រកបដោយសេចក្តីសុខ និងរស់នៅដោយមានសាមគ្គីគ្នាទាំងផ្លូវកាយ វាចា និងចិត្ត។ លើសពីនេះទៅទៀត ការចេះអត់ឱន ឬខន្តី នេះ ក៏ធ្វើឲ្យកើតមាននូវសុខដុមណីយកម្ម ពោលគឺមនុស្សចេះអត់ឱនឲ្យគ្នា, ចេះជួយយកឧស្សាហ៍គ្នានៅក្នុងស្រុកភូមិ និងចេះចែកគ្នារស់ ដែលជាគុណធម៌របស់ពលរដ្ឋខ្មែរតាំងពីសម័យដើមមកម្ល៉េះ។ ហើយផលកើតអំពីការបដិបត្តិនៃការអត់ឱន ឬខន្តី នេះ ត្រូវបានព្រះសុមេធវង្ស បណ្ឌិត សុខ ប៊ុនធឿន បញ្ជាក់ថា៖«នាំឲ្យកើតមានវឌ្ឍនភាព, វិបុលភាព និងសន្តិភាពទាំងផ្លូវកាយនិងផ្លូវចិត្ត»។
លោក អៀង សុធារ៉ា ដែលបានរៀបចំកម្មវធី«ទិវាអន្តរជាតិដើម្បីខន្តី»នេះ ដោយមានអ្នកចូលរួមប្រមាណ ៦០អង្គនិងនាក់ បាននិមន្តនិងអំពាវនាវព្រះថេរានុថេរៈ គ្រប់ព្រះអង្គនិងអ្នកចូលរួមទាំងអស់ ចូលរួមផ្សព្វផ្សាយ និងបណ្តុះធម៌ខន្តី និង ការអត់ឱនគ្នា នេះ ឲ្យបានកាន់តែច្រើននិងទូលំទូលាយក្នុងចំណោមយុវជន។ លោក សុធារ៉ា សង្ឃឹមយ៉ាងមុតមាំថា កម្ពុជាយើងដែលមានពុទ្ធសាសនាជាសាសនារបស់រដ្ឋ នឹងមានប្រជាពលរដ្ឋគ្រប់រូបដែលមានចិត្តជាខន្តី អត់ធ្មត់ អត់ទ្រាំ អត់ធន់ និង អត់ឱន ជាពុំខាន៕
© រក្សាសិទ្ធិដោយ thmeythmey.com
