ទន្ទឹងរង់ចាំយូរហើយ! ពេលនេះ Oppo នាំយកកំពូលស្មាតហ្វូន RAM យក្ស 12GB របស់ខ្លួនមកកម្ពុជា ដែលរូបរាង និងសមត្ថភាព ដ៏គួរឲ្យភ្ញាក់ផ្អើល ជាមួយនឹងកញ្ចប់កាដូពិសេស

អត្ថបទពាណិជ្ជកម្ម

ទន្ទឹងរង់ចាំយូរហើយ! ពេលនេះ Oppo នាំយកកំពូលស្មាតហ្វូន RAM យក្ស 12GB របស់ខ្លួនមកកម្ពុជា ដែលរូបរាង និងសមត្ថភាព ដ៏គួរឲ្យភ្ញាក់ផ្អើល ជាមួយនឹងកញ្ចប់កាដូពិសេស

21, Nov 2019 , 1:55 pm

រូបភាព

ដោយ: ថ្មីៗ

ភ្នំពេញ៖ ថ្ងៃទី 20 ខែវិច្ឆិកាឆ្នាំ 2019 ក្រុមហ៊ុន ទូរស័ព្ទដៃ OPPO ដាក់លក់កំពូលស្មាតហ្វូនស៊េរីថ្មី RAM យក្សលើកដំបូងរបស់ខ្លួនទំហំ 12GB នៅកម្ពុជា។ តម្លៃស្មាតហ្វូន RAM យក្ស 12GB នេះកម្ពុជា គឺត្រឹមតែ $899 ប៉ុណ្ណោះ ជាមួយនឹងសមត្ថភាពថត Zoom ដ៏អស្ចារ្យ ដល់ទៅ 60 ដង។

ស្មាតហ្វូនស៊េរីថ្មី RAM យក្សនេះ ត្រូវបានគេស្គាល់ថាជាកំពូលស្មាតហ្វូន “OPPO Reno 10x Zoom 12GB Special Edition” ដែលកើតចេញពីកំណែ Update ស្មាតហ្វូនរៀមច្បងរបស់ខ្លួន គឺ OPPO Reno 10x Zoom ដែលបានបង្ហាញខ្លួន កាលពីពាក់កណ្តាលឆ្នាំ២០១៩កន្លងទៅនោះ។ ស្មាតហ្វូននេះ ត្រូវបានទទួលស្គាល់ថា ជាស្មាតហ្វូនល្អឥតខ្ចោះ មានកាមេរ៉ាមុខបង្កប់ខ្លួនបែបបញ្ឆិត ទាន់សម័យ គ្មានពីរ តំណាងឲ្យការតស៊ូ និងភាពច្នៃប្រឌិតខ្ពស់។

ល្បឿនដំណើរការទូរស័ព្ទកាន់តែលឿន

កំពូលស្មាតហ្វូនស៊េរីថ្មី OPPO Reno 10x Zoom 12GB Special Edition ត្រូវបានក្រុមហ៊ុន OPPO ធ្វើកំណែ Update RAMទំហំធំមហិមា គឺ 12GB។ ជាមួយនឹង RAM ទំហំយក្ស 12GB ម៉ាស៊ីន AI ជំនាន់ទី4 បូករួមទាំង CPU ស្មាតហ្វូន (ថាមពលកើនឡើង 45%) អ្នកប្រើប្រាស់អាចរីករាយ ប្រកបមុខជំនួញធំៗលើអនឡាញ ដូចជាបើកដំណើរការ Online Shop ដែលហៅកាត់ថា e-commerce, ថ្នាក់សិក្សា សិក្ខាសាលា សន្និសីទលើអនឡាញ និងការជួញដូរភាគហ៊ុនលើអនឡាញ លឿនរលូនទាន់ចិត្ត។ ក្រៅពីនេះ លោកអ្នកអាច វីដេអូ Live, Download រូបភាព ខ្សែភាពយន្ត ឬឯកសារទំហំធំៗ, ផ្ញើសារ, ឈែត ឬក៏បើកដំណើរការ Apps ផ្សេងៗច្រើន ក្នុងពេលតែមួយ កាន់តែលឿនរហ័ស ឥតទាក់ មិនធ្លាប់មានពីមុនមក។

បច្ចេកវិទ្យាថ្មីទំនើប Zoom បាន60ដង

OPPO Reno 10x Zoom 12GB Special Edition បង្កប់មកនូវបច្ចេកវិទ្យាថ្មីសន្លាង គឺ Zoom រហូតដល់ទៅ60ដង បង្កលក្ខណៈងាយស្រួល សម្រាប់ការផ្តិតយកទិដ្ឋភាពឆ្ងាយៗ ដូចជាឯកសារលើអេក្រង់ LED នៃអង្គប្រជុំធំៗ ខ្នាតអន្តរជាតិ ឬកម្មវិធីបើកសម្ពោធផលិតផលថ្មី ឬព្រឹត្តិការណ៍នានា នៅទីប្រជុំជន។

រូបរាងកាន់តែកាលីប ទាន់សម័យ ជាមួយនឹងពណ៌ថ្មី

មិនត្រឹមតែបន្ថែមរ៉េមធំជាងមុនប៉ុណ្ណោះទេ ក្រុមហ៊ុនបានរចនាពណ៌ថ្មី ដែលមានភាពស្រស់ស្អាត និងទាក់ទាញខ្លាំង លក្ខណៈបែប Gradient គឺ Ocean Blue លើស្មាតហ្វូនស៊េរីថ្មី OPPO Reno 10x Zoom 12GB Special Edition ហើយរក្សាការឌីហ្សាញ Logo ស៊ីមេទ្រីគ្នា ចំកណ្តាល និង ជាអក្សរ «Designed by OPPO» ជាស្ទីលកំពុងពេញនិយមដដែល។

រីករាយថតរូបឥតដែនកំណត់

OPPO Reno 10x Zoom 12GB Edition មិនត្រឹមតែមាន រ៉េមធំ រូបរាង និងការរចនាស្រស់ស្អាតបែបទាក់ទាញប៉ុណ្ណោះទេ ថែមទាំងបំពាក់មកនូវកាមេរ៉ាក្រោយ 3គ្រាប់ មានផ្ទៃម៉ាស៊ីនរាបស្មើ អមដោយ O-Dot ផលិតពីសេរ៉ាមិច សម្រាប់ការពារមិនឲ្យងាយខូច ឬសឹកឡេនកាមេរ៉ា។ កាមេរ៉ាមេរបស់វា មានទំហំ 48MP ភ្ជាប់ជាមួយនឹងបច្ចេកវិទ្យា កាត់បន្ថយគ្រាប់ Noise (ចំណុចអុចតូចៗ) និងបច្ចេកវិទ្យា HDR និងមុខងារ Ultra Night Mode 2.0 អាចថតពេលយប់ បានយ៉ាងច្បាស់ស្អាតល្អ ទាំងរូបភាពសន្លឹក និងវីដេអូ។ រឹតតែអែម កាមេរ៉ាទី2 អាចពង្រីកមុំ ថតរូបជួបជុំក្រុមគ្រួសារ មិត្តភក្តិ ទេសភាពបានកាន់តែទូលាយ រហូតដល់ទៅ 120° (wide-angle)។ កាមេរ៉ាទី3 ទំហំ 13MP បំពាក់មកនូវបច្ចេកវិទ្យា 10x hybrid zoom ដែលអមមកជាមួយនឹងបច្ចេកវិទ្យា 60x Digital Zoom អាចថត Zoom បានប្រវែងវែង និងច្បាស់ល្អ។

ជាពិសេស បច្ចេកវិទ្យាទប់លំនឹង OIS មួយគូរបស់វា អាចថតរូបភាព ឬវីដេអូ ក្នុងស្ថានភាពរង្គើខ្លាំង នៅតែស្អាត នៅតែច្បាស់ និងមានលំនឹងល្អ។ ចំណែកឯកាមេរ៉ាមុខ បង្កប់ខ្លួនបែបព្រុយត្រីឆ្លាម អាចប្រើប្រាស់បានកាន់តែយូរយ៉ាងតិច 200,000ដង ជាមួយនឹងបច្ចេកវិទ្យាកាមេរ៉ាលិបចូលយ៉ាងរហ័ស ដោយស្វ័យប្រវត្តិ នៅពេលដែលធ្លាក់ម្តងៗ។ លោកអ្នកអាចរីករាយ នឹងការថតរូបស៊ែលហ្វីឥតសំចៃដៃ តាមចំណង់ចំណូលចិត្ត ជាមួយនឹងកាមេរ៉ាមុខ 16MP មានភ្លើងជំនួយបែបស្រទន់ និងមុខងារ AI Beauty 2.1 ដែលជួយឲ្យរូបភាពរបស់លោកអ្នក ស្រស់ស្អាតបែបធម្មជាតិ ដោយពុំចាំបាច់ប្រើប្រាស់កម្មវិធី Edit ផ្សេងៗឡើយ។

ស្មាតហ្វូន OPPO Reno 10x Zoom 12GB Special Edition ប្រើប្រាស់បន្ទះឈីប Qualcomm Snapdragon 855 ប្រតិបត្តិការដោយ ColorOS 6 （Android 9.0）មានរ៉េម 12GB ភ្ជាប់បច្ចេកវិទ្យាជំនួយល្បឿន Hyper Boost 2.0 អង្គផ្ទុកទិន្នន័យធំ 256GB អាចផ្ទុក រូបថតជាង 40000សន្លឹក ហ្គេមខ្នាតធំជាង 200ហ្គេម និងភាពយន្តកម្រិតច្បាស់ជាង700រឿង មានកម្លាំងថាមពលថ្មទំហំធំ រហូតដល់ទៅ 4065mAh ជាមួយនឹងបច្ចេកវិទ្យាសាកថ្មលឿន VOOC 3.0 (USB Type-C)។ វាមានអេក្រង់ AMOLED លាតពេញ 6.6” និងមុខងារស្កេនក្រយៅដៃលើអេក្រង់ កាន់តែសុវត្ថិភាព កាន់តែលឿន និង ដោះសោក្នុងរយៈពេលត្រឹមតែ 0.35 វិនាទីប៉ុណ្ណោះ។

លោកអ្នក អាចរកជាវស្មាតហ្វូនស៊េរីថ្មី OPPO Reno 10x Zoom 12GB Special Edition ចាប់ពីថ្ងៃទី20 ខែវិច្ឆិកា ឆ្នាំ2019 នៅតាមបណ្តាហាងលក់ទូរស័ព្ទនានា ទូទាំងប្រទេសកម្ពុជា ក្នុងតម្លៃត្រឹមតែ $899 នឹងទទួលបានកាដូបន្ថែមដូចជា VOOC Flash Charge Power Bank 10000 mAh ស៊ីមស្មាតលេខពិសេ )Silver) ភ្ជាប់ជាមួយគម្រោង Smart ធំហ្ម៎ងរយៈពេល 24សប្តាហ៍ ដែលមានតម្លៃសរុប $170។ សូមប្រញាប់រួសរាន់ឡើង កញ្ចប់កាដូពិសេសនេះ ផ្តល់ជូនចំពោះតែអតិថិជន ដែលទិញចាប់ពីថ្ងៃទី20 ខែវិច្ឆិកា ដល់ថ្ងៃទី3 ខែធ្នូ ឆ្នាំ2019 តែប៉ុណ្ណោះ៕