កីឡាជាតិ
ជាតិ
កីឡាការិនី កែ ឡេង ឡើងទៅវគ្គពាក់កណ្តាលផ្តាច់ព្រ័ត្រ ក្រោយយកឈ្នះកាណាដា
× វីរកីឡាការិនី កែ ឡេង ឈានចូលដល់តំបន់មេដាយហើយ ក្រោយយកឈ្នះកីឡាការិនីកាណាដា Bergeron Maryse ៣៤-២៨ នៅវគ្គ៨នាក់ចុងក្រោយ(១/៤) នៅព្រឹកថ្ងៃទី២២ ខែវិច្ឆិកានេះ។ តែគួរឲ្យសោកស្តាយចំពោះកីឡាករ ឃួន លីហ៊ ដែលបានបាត់បង់ឱកាសឡើងទៅវគ្គបន្តក្រោយចាញ់កីឡាករម៉ូណាកូ Buche Jean Philippe ៣៥-២៣ នៅវគ្គ១/៤។
កីឡាការិនី កែ ឡេង ត្រូវប្រជែងជាមួយកីឡាការិនី Khin Cherry Thet លើវិញ្ញាសាវាយយកពិន្ទុនៅវគ្គពាក់កណ្តាផ្តាច់ព្រ័ត្រ ដើម្បីដណ្តើមកៅអីឡើងទៅវគ្គផ្តាច់ព្រ័ត្រ។
ជាមួយគ្នានេះ ក្រុមយុវជនទី២កម្ពុជាដែលមានកីឡាករ ឃួន លីហ៊, ភាព វ៉ាឃីម, កុយ សុភ័ក្ត្រា និង គង់ កែវសុខាន់ បានឡើងទៅវគ្គ៨ក្រុមចុងក្រោយ(១/៤)លើវិញ្ញាសា៣នាក់ទល់៣នាក់ ក្រោយយកឈ្នះក្រុមកីឡាករសាធារណរដ្ឋឆែកក្នុងលទ្ធផល ១៣-២ នៅវគ្គ១/៨។ កម្ពុជាត្រូវប្រជែងជាមួយក្រុមកីឡាករមកពីអេស្ប៉ាញនៅវគ្គ៨ក្រុមចុងក្រោយ៕
Tag:
ប៉េតង់
កែ ឡេង
Junior & Women Petanque World Championship
© រក្សាសិទ្ធិដោយ thmeythmey.com