អត្ថបទពាណិជ្ជកម្ម
ក្រុមហ៊ុន LION CORPORATION (THAILAND) LTD និងក្រុមហ៊ុនចែកចាយ TSNR Distribution Co., Ltd ធ្វើយុទ្ធនាការសប្បុរសធម៌ 3L រដូវកាលទី៤ ដល់អង្គការ អាហ្វេស៊ីប កម្ពុជា
×![]()
ដោយ: ថ្មីៗ
កាលពីថ្ងៃទី១៦ ខែវិច្ឆិកា ឆ្នាំ២០១៩ ក្រុមហ៊ុន LION CORPORATION (THAILAND) LTD និងក្រុមហ៊ុនចែកចាយT SNR Distribution Co., Ltd ដែលជាក្រុមហ៊ុនផលិតទំនិញប្រើប្រាស់ ប្រកបដោយគុណភាពខ្ពស់ ថៃ-ជប៉ុន បានសហការគ្នាបរិច្ចាគនូវថវិកាចំនួន ៤០,០០០,០០០ រៀល និងស្បែកជើងប៉ាតា ១១១ គូ ទៅឲ្យ អាហ្វេស៊ីប កម្ពុជា។ អាហ្វេស៊ីប កម្ពុជា ជាអង្គការគាំទ្រស្ត្រី និងកុមារ ដែលកំពុងប្រឈមនឹងការរំលោភបំពានសិទ្ធិមនុស្ស និងការរំលោភបំពាននានា ក៏ដូចជាផ្តល់ការអប់រំ និងផ្ដល់នូវក្ដីសង្ឃឹម ដើម្បីសេចក្ដីសុខសុភមង្គល នាពេលអនាគត។
កម្មវិធីសប្បុរសធម៌ 3L រដូវកាលទី៤ ដែលត្រូវបានរៀបចំឡើងដោយ ស៊ូគូប៊ូស៊ុ គឺដើម្បីផ្តល់ឱកាសឲ្យអ្នកគាំទ្រ Facebook Page របស់ស៊ូគូប៊ូស៊ុ បានរួមចំណែកជាផ្នែកមួយ ក្នុងការបរិច្ចាគ ក៏ដូចជាចូលរួមសកម្មភាពនានា ដូចជាការលេងហ្គេមកម្សាន្ត ការទស្សនាភាពយន្ត ហើយជាពិសេស គឺមានឱកាសបានជួបជាមួយភ្ញៀវកិត្តិយស ពិសេស គឺកញ្ញា រ៉េត ស៊ូហ្សាណា នៅរោងកុន Major សែនសុខ។
ទស្សនៈវិស័យ និងគោលបំណង នៃកម្មវិធីសប្បុរសធម៌ 3L (Life. Love. Laugh) គឺដើម្បីនាំមកនូវគុណភាពល្អប្រសើរឡើង នៃជីវិតដល់សង្គមកម្ពុជា នាំមកនូវសេចក្តីស្រឡាញ់ដល់គ្នាទៅវិញទៅមក ព្រោះសេចក្តីស្រឡាញ់ គឺមាននៅជុំវិញខ្លួនយើង ហើយនិងនាំមកនូវភាពសើចរីករាយ មកឲ្យយើងទាំងអស់គ្នា (ទាំងម្ចាស់ជំនួយ និងអ្នកទទួល)៕
(អត្ថបទពាណិជ្ជកម្ម )
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
