អចលនទ្រព្យ
អត្ថបទពាណិជ្ជកម្ម
កម្ពុជាមានរោងចក្រស៊ីម៉ងត៍ចំនួន៥ ដែលអាចផលិតស៊ីម៉ងត៍បានជិត ៨ លានតោនក្នុងមួយឆ្នាំៗ
× គិតមកទល់ពេលបច្ចុប្បន្ន ប្រទេសកម្ពុជា មានរោងចក្រផលិតស៊ីម៉ងត៍ចំនួន៥ ដែលអាចមានសមត្ថភាពផលិត ចំនួន ៨ លានតោន ក្នុងមួយឆ្នាំ។ ក្រោយឆ្នាំ២០០៨ វត្តមានរោងចក្រស៊ីម៉ងត៍នៅកម្ពុជា ត្រូវកើនឡើងជាបន្តបន្ទាប់ សម្រាប់ ផលិតស៊ីម៉ងត៍ ដើម្បីបំពេញតម្រូវការសាងសង់ ដែលរហូតមកដល់ពេលបច្ចុប្បន្នកម្ពុជា បានកាត់បន្ថយការនាំចូលស៊ីម៉ងត៍ ពីបរទេសបានយ៉ាងច្រើន។ នេះបើយោងតាម លោក យស់ មុនីរ៉ាត់ អគ្គនាយកនៃអគ្គនាយកដា្ឋនធនធានរ៉ែ នៃក្រសួងរ៉ែ និងថាមពល។
លោក មុនីរ៉ាត់ បានឱ្យដឹងថា បច្ចុប្បន្នកម្ពុជាមានរោងចក្រស៊ីម៉ងត៍ចំនួន ៥ រាប់ទាំងរោងចក្រស៊ីម៉ងត៍ ថៃ ប៊ុនរ៉ុង ដែលដាក់ឱ្យដំណើរការជាផ្លូវការ កាលពីថ្ងៃទី១៤ ខែវិច្ឆិកា ឆ្នាំ២០១៩។ រោងចក្រទាំង៥នេះ ដែលអាចផលិតស៊ីម៉ងត៍បានជិត ៨ លានតោន ក្នុងមួយឆ្នាំនោះរួមមាន៖
១. រោងចក្រស៊ីម៉ងត៍កំពត ស៊ីមេន ខូអិលធីឌី (Kampot Cement Co., Ltd) មានទីតាំងនៅស្រុកបន្ទាយមាស និងស្រុកដងទង់ ខេត្តកំពត មានសមត្ថភាពផលិតប្រមាណ ២ លានតោនក្នុងមួយឆ្នាំ។
២. រោងចក្រស៊ីម៉ងត៍កម្ពុជា ចក្រីទីង (Cambodia Cement Chakreyting Co., Ltd) មានទីតាំងនៅស្រុកកំពត ខេត្តកំពត មានសមត្ថភាពផលិតប្រមាណ ១,១ លានតោនក្នុងមួយឆ្នាំ។
៣. រោងចក្រស៊ីម៉ងត៍ ជីប ម៉ុង អ៊ិនស៊ី ស៊ីមេន ខបភើរេស៊ិន (Chip Mong Insee Cement Corporation) មានទីតាំងនៅស្រុកបន្ទាយមាស ខេត្តកំពត មានសមត្ថភាពផលិតប្រមាណ ២ លានតោនក្នុងមួយឆ្នាំ។
៤. រោងចក្រស៊ីម៉ងត៍ បាត់ដំបង ខនស៍ ស៊ីមេន លីមីធីត មានទីតាំងស្ថិតនៅស្រុករតនៈមណ្ឌល ខេត្តបាត់ដំបង មានសមត្ថភាពផលិតស៊ីម៉ងត៍ បានជិត ២ លានតោនក្នុងមួយឆ្នាំ។
៥. រោងចក្រស៊ីម៉ងត៍ ថៃ ប៊ុនរ៉ុង ស្ថិតនៅស្រុកដងទង់ ខេត្តកំពត មានសមត្ថភាពផលិតស៊ីម៉ងត៍ បានជិត ១ លានតោនក្នុងមួយឆ្នាំ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com