ជាតិ
ក្រសួងបរិស្ថាន និងអង្គការដៃគូ នឹងរៀបចំមហោស្រពសត្វស្លាប និងធម្មជាតិ នៅថ្ងៃទី៧ ធ្នូ រូបភាពពីអង្គការជីវិតសត្វស្លាបអន្តរជាតិកម្មវិធីប្រចាំកម្ពុជា
×
ដោយ៖ ផាត ដាណេ
ភ្នំពេញ៖ ក្រសួងបរិស្ថាន និងដៃគូពាក់ព័ន្ធ នឹងរៀបចំមហោស្រពសត្វស្លាប និងធម្មជាតិឆ្នាំ២០១៩ ចាប់ពីម៉ោង៨ព្រឹក ដល់៥ល្ងាច នៅថ្ងៃទី៧ ធ្នូ នៅសាកលវិទ្យាល័យភូមិន្ទភ្នំពេញ។ បើតាមទំព័រហ្វេសប៊ុកអង្គការជីវិតសត្វស្លាបអន្តរជាតិប្រចាំកម្ពុជា មហោស្រពសត្វស្លាប និងធម្មជាតិនេះ រៀបចំឡើងដើម្បីផ្សព្វផ្សាយ និងបង្កើនការយល់ដឹងអំពីការងារអភិរក្សនៃសត្វស្លាប និងធម្មជាតិ ដល់សាធារណជន។
មហោស្រពសត្វស្លាបនេះ នឹងលើកកម្ពស់ក្នុងកិច្ចការពារ និងអភិរក្សតាមរយៈការធ្វើបទបង្ហាញដោយអ្នកជំនាញ ការសម្ដែង ការតាំងពិព័រណ៍ ល្បែងអប់រំ ការប្រកួតថតរូប និងការសិក្សាពីជីវចម្រុះជាដើម។ នេះបើតាមអង្គការជីវិតសត្វស្លាបអន្តរជាតិប្រចាំកម្ពុជា៕
© រក្សាសិទ្ធិដោយ thmeythmey.com