សម្ដេច ស ខេង៖ កុំទុកបណ្ដែតបណ្ដោយបទល្មើសគ្រឿងញៀនឲ្យដូចបណ្ដាប្រទេសមួយចំនួន

ជាតិ

សម្ដេច ស ខេង៖ កុំទុកបណ្ដែតបណ្ដោយបទល្មើសគ្រឿងញៀនឲ្យដូចបណ្ដាប្រទេសមួយចំនួន

24, Nov 2019 , 9:59 pm

រូបភាព

រូបពីហ្វេសប៊ុកសម្ដេច ស ខេង រដ្ឋមន្រ្តីក្រសួងមហាផ្ទៃ

ដោយ:

ភ្នំពេញ៖ សម្ដេចឧបនាយករដ្ឋមន្ត្រី ស ខេង អះអាងថា យុទ្ធនាការណ៍ដែលមិនឲ្យមានការចែកចាយគ្រឿងញៀននៅតាមក្លឹបកម្សាន្តធំៗក្នុងទីក្រុងភ្នំពេញ រួមទាំងការចាប់រឹបអូសគ្រឿងញៀនទ្រង់ទ្រាយធំដែលទទួលបានប្រមាណ១តោននាពេលកន្លងមកនេះ គឺជាជោគជ័យសំខាន់មួយ។ ប៉ុន្តែសម្ដេចគូសបញ្ជាក់ថា សព្វថ្ងៃនៅតែមានការចែកចាយគ្រឿងញៀនកញ្ចប់តូចៗ ដែលបង្ហាញថានៅមានការផលិតកែច្នៃ និងជួញដូរចែកចាយធំៗនៅឡើយ។ រដ្ឋមន្ត្រីក្រសួងមហាផ្ទៃរូបនេះ ជំរុញឲ្យស្ថាប័នអង្គភាពពាក់ព័ន្ធនៅទូទាំងប្រទេស ត្រូវខិតខំបង្ក្រាបបទល្មើសគ្រឿងញៀន ដោយមិនអាចបណ្ដែតបណ្ដោយឲ្យស្ថានភាពគ្រឿងញៀននៅកម្ពុជាទៅជាធ្ងន់ធ្ងរដូចបណ្ដាប្រទេសមួយចំនួន។