អត្ថបទពាណិជ្ជកម្ម
ភីអិនអិនបង្កើតកម្មវិធីសប្បុរសធម៌ ដោយមានការចូលរួមយ៉ាងពិសេសពីតួអង្គក្នុងរឿង«តួគេ ខ្ញុំសម្តែង»
× កាលពីព្រឹកថ្ងៃទី ២២ ខែវិច្ឆិកា ឆ្នាំ ២០១៩ កន្លងទៅនេះ ស្ថានីយ៍ទូរទស្សន៍ភីអិនអិន បានបង្កើតនូវភាពសប្បាយរីករាយជួបជុំគ្នា នៅក្នុងកម្មវិធីសប្បុរសធម៌ នៅឯមណ្ឌលកុមារកំព្រាភ្នំពេញថ្មី ដែលស្ថិតនៅក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ កម្មវិធីនេះ ដោយមានការចូលរួមយ៉ាងពិសេស ពីថ្នាក់ដឹកនាំ និងក្រុមកាងារស្ថានីយទូរទស្សន៍ភីអិនអិន រួមទាំងអ្នកនិពន្ធជើងចាស់ និងជាផលិតករ អ្នកស្រី ពាន់ ភួងបុប្ផា រួមទាំងតារាៗកិត្តិយស ដែលមានដូចជាតួអង្គសម្តែងផ្ទាល់ នៅក្នុងរឿង «តួគេ ខ្ញុំសម្តែង» កញ្ញា មុនី វិជ្ជរា ដែលជាតួព្រះនាង លំអងច័ន្ទ, លោក អេតវីន តួព្រះអង្គម្ចាស់ ហង្សា និងមនោ, កញ្ញា ខឹម ឈុនសុធារ៉ា តួព្រះនាងលក្ខលិតា ,កញ្ញា កែវ សុផានិត តួនាងសារុាំ និងតួអង្គផ្សេងទៀត។
ទស្សនិកជន ដែលធ្លាប់តែទស្សនាសាច់រឿងនេះ ក៏បានដឹងដែរថា អ្នកនិពន្ធបានបញ្ចូលឈុតឆាកសម្តែងជាកម្មវិធីសប្បុរសធម៌ ប៉ុន្តែនេះ មិនមែនជាការសម្តែងនោះទេ ផ្ទុយទៅវិញគឺធ្វើឡើងដោយពិតៗ ដែលមើលទៅ ហាក់ដូចជានៅក្នុងសាច់រឿងយ៉ាងដូច្នោះដែរ។
ទន្ទឹមនឹងការបង្កើតឱ្យមានទិដ្ឋភាពដ៏ស្រស់ស្រាយនេះឡើង ក៏មានការនាំយកអំណោយមួយចំនួន ដូចជា រ៉ឺម៉ក់កង់បីមួយគ្រឿង សៀវភៅ ប៊ិច សម្ភារប្រើប្រាស់ របស់របរផ្សេងទៀត ជូនទៅដល់ប្អូនៗដែលជាកុមារកំព្រា និងកុមារពិការតូចៗ ការលេងហ្គេមសប្បាយៗ ការថតរូបជុំគ្នា និងជាពិសេស ក៏មានការញ៉ុំាអាហារសាមគ្គី ដែលរឹតតែបង្កើតអនុស្សាវរីយ៍ដែលមិនអាចបំភ្លេចចបាន និងការផ្តល់ភាពកក់ក្តៅជាមួយប្អូនៗ រវាងស្ថានីយទូរទស្សន៍ភីអិនអិន ផលិតករ និងតារាសម្តែងក្នុងរឿងភាគខ្មែរ «តួគេខ្ញុំសម្តែង»។
សូមបញ្ជាក់ដែរថារឿង «តួគេខ្ញុំសម្តែង» កំពុងតែចាក់ផ្សាយ នៅលើកញ្ចក់ទូរទស្សន៍ភីអិនអិន ចាប់ពីវេលាម៉ោង ៧:៣០នាទីយប់ រៀងរាល់ថ្ងៃចន្ទ ពុធ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com