ពីនេះ ពីនោះ
×![]()
ដោយ: ផាត ដាណេ
ភ្នំពេញ៖ ការផ្សាំដើម, ការរៀបចំរណ្ដៅ, ការដាំ និងការថែទាំ គឺជារឿងចម្បងដែលកសិករត្រូវយកចិត្តទុកដាក់ក្នុងការដាំផ្លែស្រកានាគ។ ដំណាំស្រកានាគ កសិករអាចដាំបាននៅគ្រប់រដូវ។ នេះបើតាមសៀវភៅកសិកម្មជោគជ័យនៃមជ្ឍមណ្ឌលសិក្សានិងអភិវឌ្ឍន៍កសិកម្មកម្ពុជា។
ដើម្បីដាំផ្លែស្រកានាគ ឲ្យបានទិន្នផលល្អ កសិករគួរដឹងពីកាផ្សាំដើម យល់ពីរបៀបរៀបចំដី បច្ចេកទេសចក្នុងការដាំ និងការថែទាំ។ ដំណាក់កាលដំបូង កសិករត្រូវយកដើមទៅផ្សាំលើដីមានជីជាតិ និងស្រោចទឹក ២-៣ដងក្នុងមួយថ្ងៃ ឲ្យដុះឫស និងមានពន្លក បន្ទាប់មកយកទៅតម្រៀបដាំតាមរង។
បើតាមសៀវភៅកសិកម្មជោគជ័យ ការរៀបចំរណ្ដៅវិញ កសិករត្រូវជីកទំហំ និងជម្រៅប្រមាណ ០,៥ម៉ែត្រ ហើយឃ្លាតពីគ្នាប្រវែង ២,៥ម៉ែត្រ ក្នុងរណ្ដៅត្រូវដាំបង្គោលក្រាក់កម្ពស់២ម៉ែត្រ កប់ចូលក្នុងដីឲ្យណែនប្រវែង ៣តឹក។ បន្ទាប់មក កសិករត្រូវយកកំបោសទៅរោយនៅមាត់រណ្ដៅ។ បន្ថែមលើនេះ ដើម្បីសម្លាប់មេរោគ កសិករត្រូវយកជីកំប៉ុស្ត ១បង្គី ផេះអង្កាម ៥គីឡូក្រាម មកលាយបញ្ចូលគ្នាឲ្យសព្វហើយដាក់នៅជុំវិញបង្គោល រួចយកកូនស្រការនាគមកដាំផ្អោបជាមួយបង្គោល និងដាក់ដីព័ទ្ធជុំវិញគល់។
ចម្ការស្រកានាគ រូបភាពពីហ្វេសប៊ុក Hean Chansothary
ចម្ការស្រកានាគ រូបភាពពីហ្វេសប៊ុក Hean Chansothary
ដំណាំស្រកានាគនេះ កសិករអាចដាំបានគ្រប់រដូវ ហើយអ្វីដែលសំខាន់ត្រូវផ្ដល់ទឹកឲ្យបានគ្រប់គ្រាន់ និងដិតដល់។ ក្នុងពេលដាំ បើដុះពន្លកដើមមកច្រើនត្រូវកាត់ចោល អាចទុកត្រឹម១ដើមដែលល្អជាងគេ និងក្នុងមួយរណ្ដៅដាំបាន៣-៤ដើម។
ដើម្បីឲ្យស្រកានាគលូតលាស់បានល្អ កសិករត្រូវស្រោចទឹកពី៤-៧ថ្ងៃម្ដង ហើយពេលដំណាំដុះត្រួយឡើងត្រូវចងផ្អោបបង្គោល ដើម្បីឲ្យដំណាំវារឡើងនិងចាប់ផ្ដើមចេញផ្លែផ្កា។ ក្នុងរយៈពេលដាំដុះ កសិករត្រូវសម្អាតស្មៅយ៉ាងតិច១ឆ្នាំម្ដង និងត្រូវដាក់ជី៣ដងនៅក្បែរគល់ បន្ទាប់ពីប្រមូលផលរួច។ ស្រកានាគជាប្រភេទវល្លិ៍លូត ដូច្នេះពេលលូតផុតបង្គោលមិនត្រូវកាត់ដើមចោលទេ ត្រូវទុកឲ្យមានផ្លែ។ ក្រៅពីដាក់ជីកំប៉ុស្តគោករួច កសិករត្រូវស្រោចជីទឹក (យកលាមកសត្វស្រស់កូរឲ្យសព្វឲ្យរលាយទៅជាទឺក) បំប៉នមុន និងក្រោយពេលប្រមូលផល។ ក្នុងនោះកសិករត្រូវកាត់មែកស៊ុបទ្រុបចេញ ហើយបោសស្រមោចពីគល់ចេញ និងត្រូវដាំស្រកានាគនៅទីវាលដែលមានពន្លឺគ្រប់គ្រាន់៕
ផ្កាស្រកានាគ រូបភាពពីហ្វេសប៊ុក Hean Chansothary
ចម្ការស្រកានាគ រូបភាពពីហ្វេសប៊ុក Hean Chansothary
ផ្លែស្រកានាគ រូបភាពពីហ្វេសប៊ុក Hean Chansothary
ផ្លែស្រកានាគ រូបភាពពីហ្វេសប៊ុក Hean Chansothary
ផ្កាស្រកានាគ រូបភាពពីហ្វេសប៊ុក Hean Chansothary
ចម្ការស្រកានាគ រូបភាពពីហ្វេសប៊ុក Hean Chansothary
ផ្លែស្រកានាគ រូបភាពពីហ្វេសប៊ុក Hean Chansothary
ផ្លែស្រកានាគ រូបភាពពីហ្វេសប៊ុក Hean Chansothary
(សារព័ត៌មានថ្មីៗដកស្រង់ចេញពីសៀវភៅកសិករជោគជ័យនៃមជ្ឈមណ្ឌលសិក្សានិងអភិវឌ្ឍន៍កសិកម្មកម្ពុជា)
Tag:
កសិកម្ម
ស្រកានាគ
© រក្សាសិទ្ធិដោយ thmeythmey.com
