កីឡាជាតិ
ជាតិ
ស៊ីហ្គេម៖ សុខផេង និងប៊ុនហៀង ក្នុងជម្រើសដំបូងសម្រាប់ជំនួបជាមួយម្ចាស់ផ្ទះហ្វីលីពីន
រ៉ឹង ប៊ុនហៀង ខ្សែប្រយុទ្ធក្រសួងការពារជាតិ ស្ថិតក្នុងចំណោមកីឡាករ២រូប លើសអាយុ២២ឆ្នាំ ដែលទទួលបានសិទ្ធិលេងក្នុងឈុតស៊ីហ្គេម។រូបថត FFC
×![]()
ដោយ: ថ្មីៗ
ខ្សែប្រយុទ្ធជើងចាស់ពីររូប គឺ កែវ សុខផេង និង រ៉ឹង ប៊ុនហៀង ស្ថិតក្នុងជម្រើស១១នាក់ដំបូង សម្រាប់ការប្រកួតបើកឆាកពូល A ជាមួយម្ចាស់ផ្ទះហ្វីលីពីន ក្នុងព្រឹត្តិការណ៍កីឡាស៊ីហ្គេមលើកទី៣០ នៅកីឡដ្ឋាន Rizal Memorial នាល្ងាចម៉ោង៧ ថ្ងៃចន្ទ ទី២៥ ខែវិច្ឆិកា នេះ។
ក្នុងទម្រង់លេង ៤-២-៣-១ របស់លោក Felix Dalms, កែវ សុខផេង ស្ថិតក្នុងតំបន់ប្រយុទ្ធ រីឯ រ៉ឹង ប៊ុនហៀង ដែលជាកីឡាករក្នុងកូតាលើសអាយុ២២ឆ្នាំ ម្នាក់ទៀត លេងនៅតំបន់បម្រើជាមួយ ជា វេសលី និង កាន់ ពិសាល។ យ៉ើ មូស្លីម និង ប្រធានក្រុម អ៊ន ចាន់ប៉ូលីន នៅតំបន់បម្រើកណ្តាល។
នៅតំណែងការពារ សេត រ៉ស៊ីប ចាប់ដៃគូជាមួយ យ៉ើ សាហ្វី, អ៊ុក សុវណ្ណ និង ឆេង ម៉េង ខណៈ កែវ សុខសិលា បន្តតួនាទីជាអ្នកចាំទីដូចជាការប្រកួតក្នុងក្រុមជម្រើសជាតិកន្លងមក។
កីឡាករបម្រុងរួមមាន កែន ច័ន្ទសុភ័ក្ត្រ, ទេស សម្បត្តិ, ម៉ៅ ពិសិដ្ឋ, អ៊ិន សូដាវីដ, ស៊ិន កក្កដា, សៀង ចន្ធា, សឿត បារាំង, ហ៊ុល គឹមហ៊ុយ និង ស៊ិន សុផាណាត់។
ការប្រកួតគូទីមួយក្នុងពូល A ម៉ាឡេស៊ី និងមីយ៉ាន់ម៉ា បញ្ចប់ក្នុងលទ្ធផលស្មើ ១-១ រីឯវៀតណាម ស៊ី ព្រុយណេ ៦-០ នៅក្នុងពូល B៕
ក្នុងទម្រង់លេង ៤-២-៣-១ របស់លោក Felix Dalms, កែវ សុខផេង ស្ថិតក្នុងតំបន់ប្រយុទ្ធ រីឯ រ៉ឹង ប៊ុនហៀង ដែលជាកីឡាករក្នុងកូតាលើសអាយុ២២ឆ្នាំ ម្នាក់ទៀត លេងនៅតំបន់បម្រើជាមួយ ជា វេសលី និង កាន់ ពិសាល។ យ៉ើ មូស្លីម និង ប្រធានក្រុម អ៊ន ចាន់ប៉ូលីន នៅតំបន់បម្រើកណ្តាល។
នៅតំណែងការពារ សេត រ៉ស៊ីប ចាប់ដៃគូជាមួយ យ៉ើ សាហ្វី, អ៊ុក សុវណ្ណ និង ឆេង ម៉េង ខណៈ កែវ សុខសិលា បន្តតួនាទីជាអ្នកចាំទីដូចជាការប្រកួតក្នុងក្រុមជម្រើសជាតិកន្លងមក។
កីឡាករបម្រុងរួមមាន កែន ច័ន្ទសុភ័ក្ត្រ, ទេស សម្បត្តិ, ម៉ៅ ពិសិដ្ឋ, អ៊ិន សូដាវីដ, ស៊ិន កក្កដា, សៀង ចន្ធា, សឿត បារាំង, ហ៊ុល គឹមហ៊ុយ និង ស៊ិន សុផាណាត់។
ការប្រកួតគូទីមួយក្នុងពូល A ម៉ាឡេស៊ី និងមីយ៉ាន់ម៉ា បញ្ចប់ក្នុងលទ្ធផលស្មើ ១-១ រីឯវៀតណាម ស៊ី ព្រុយណេ ៦-០ នៅក្នុងពូល B៕
Tag:
ស៊ីហ្គេម
SeaGames
© រក្សាសិទ្ធិដោយ thmeythmey.com
