អត្ថបទពាណិជ្ជកម្ម
កសិករម្នាក់នៅស្រុកមេមត់ ខេត្តត្បូងឃ្មុំ ឈ្នះរង្វាន់១០០លានរៀល ពីភេសជ្ជៈប៉ូវកម្លាំង ខារ៉ាបាវ
× ត្បូងឃ្មុំ៖ បុរសម្នាក់ជាកសិករ រស់នៅខេត្តត្បូងឃ្មុំ មានសំណាងបានឈ្នះរង្វាន់ធំ ទឹកប្រាក់សុទ្ធចំនួន១០០លានរៀល ពីភេសជ្ជៈប៉ូវកម្លាំង ខារ៉ាបាវ កាលពីចុងសប្ដាហ៍កន្លងទៅ។ បុរសដែលមានមហាសំណាងរូបនេះ ឈ្មោះ ហេង ចិត្ត អាយុ៣០ឆ្នាំ បច្ចុប្បន្នរស់នៅភូមិម៉ាស៊ីន ឃុំរូង ស្រុកមេមត់ ខេត្តត្បូងឃ្មុំ។
លោក ហេង ចិត្ត បានរៀបរាប់ប្រាប់ ក្រុមការងារជាអ្នកតំណាងក្រុមហ៊ុននៅពេលចុះទៅប្រគល់ប្រាក់ចំនួន ១០០ លានរៀល ដល់លំនៅឋានលោកថា សព្វថ្ងៃនេះជីវភាពគ្រួសាររបស់លោក មានភាពលំបាកគួរសម ព្រោះលោកធ្វើតែធ្វើស្រែចំការបន្តិចបន្តួច ដើម្បីចិញ្ចឹមគ្រួសារ ដែលមានកូនតូចៗចំនួន២នាក់ក្នុងបន្ទុក។ កសិកររូបរៀបរាប់ទៀតថា លោកតែងស្រមៃថា ខ្លួន នឹងមានសំណាងឈ្នះរង្វាន់ ១០០លានរៀលពីភេសជ្ជៈប៉ូវកម្លាំង ខារ៉ាបាវ ដូចគេដែរ ទើបអាចកែប្រែជីវភាពគ្រួសារឱ្យបានល្អប្រសើរ។ ដូច្នេះហើយបានជាលោកព្យាយាមទទួលទានស្ទើររាល់ថ្ងៃ»។
លោក ហេង ចិត្ត រៀបរាប់ទិដ្ឋភាពនៅពេលលោកបានឈ្នះរង្វាន់ធំទឹកប្រាក់១០០ លានរៀលនេះដូច្នេះ៖«កាលពីចុងសប្ដាហ៍កន្លងទៅ បន្ទាប់មកពីស្រែ និងអង្គុយសម្រាកឱ្យបាត់ហត់បន្តិច ខ្ញុំបានប្រើកូន ឱ្យទៅទិញភេសជ្ជៈប៉ូវកម្លាំង ខារ៉ាបាវ ចំនួន១កំប៉ុង។ នៅពេលយកមកគាស់ ក៏ស្រាប់តែឃើញមានរង្វាន់ ១០០ លានរៀល នៅនឹងក្រវិលកំប៉ុងតែម្ដង។ ខ្ញុំរំភើបរីករាយជាខ្លាំង ហើយបានហៅអ្នកភូមិដែលស្ថិតនៅជិតគ្នាឱ្យជួយមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតែម្ដង»។
អតិថិជនដែលមានសំណាងរូបនេះ រៀបរាប់ឲ្យដឹងទៀតថា ទឹកប្រាក់រង្វាន់ដ៏សន្ធឹកសន្ធាប់នេះ គឺពិតជាមានសារសំខាន់ ចំពោះជីវភាពគ្រួសាររបស់លោកខ្លាំងណាស់ ហើយក្រោយពីទទួលបាន លោកនឹងយកមួយចំនួនទៅសងបំណុលគេ និងទិញដីស្រែសម្រាប់បង្កបង្កើនផល ហើយទុកមួយចំនួនទៀត សម្រាប់បង្កើតមុខរបរដើម្បីទ្រទ្រង់ជីវភាពគ្រួសារ ទៅថ្ងៃអនាគត។ ភេសជ្ជៈប៉ូវកម្លាំង ពិតជាមានរង្វាន់ប្រាក់លានពិតៗ ។ នេះជាការបញ្ជាក់របស់ លោក ហេង ចិត្ត។
សូមបញ្ជាក់ផងដែរថា ជាការថ្លែងអំណរគុណជូនដល់អតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់ នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com