រដ្ឋាភិបាល ប្រមូលបានថវិកាជាង៩៤លានដុល្លារ សម្រាប់សាងសង់អគារមន្ទីរពេទ្យកាល់ម៉ែត

ជាតិ

នយោបាយជាតិ

រដ្ឋាភិបាល ប្រមូលបានថវិកាជាង៩៤លានដុល្លារ សម្រាប់សាងសង់អគារមន្ទីរពេទ្យកាល់ម៉ែត

30, Nov 2019 , 11:01 am

រូបភាព

ដោយ: ថ្មីៗ

ភ្នំពេញ៖ គិតត្រឹមថ្ងៃទី៣០ វិច្ឆិកានេះ រដ្ឋាភិបាល ប្រមូលបានថវិកាជាង៩៤លានដុល្លារហើយ សម្រាប់ជួយសាងសង់អគារ និងរៀបចំគ្រឿងបរិក្ខារមន្ទីរពេទ្យកាល់ម៉ែត។ ថវិកាដែលប្រមូលបានទាំងនេះ ធ្វើឡើងបន្ទាប់ពីសម្ដេចនាយករដ្ឋមន្ត្រី ហ៊ុន សែន បានកំដរម្ដាយក្មេកនៅមន្ទីរពេទ្យកាល់ម៉ែត និងបានពិនិត្យមើលស្ថានភាពមន្ទីរពេទ្យរដ្ឋមួយនេះ។

សម្ដេច ហ៊ុន សែន បានបញ្ជាក់លើហ្វេសប៊ុកថា ទឹកប្រាក់ដែលរដ្ឋាភិបាលប្រមូលបានពីសម្បុរសជន មានចំនួនសរុប ៦៤ ,០៤៣ ,៥៦១ ដុល្លារ ខណៈថវិការដ្ឋជួយ ៣០លានដុល្លារទៀត។ «សូមអរគុណចំពោះសប្បុរសជនដែលបានបរិច្ចាគដើម្បីសង្គ្រោះជិវិតមនុស្ស និងសង្ឃឹមថានឹងមានសប្បុរសជនផ្សេងទៀតបន្តការចូលរួមដើម្បីធ្វើទំនើបកម្មមន្ទីរពេទ្យកាល់ម៉ែតឱ្យក្លាយទៅជាមន្ទីរពេទ្យបង្អែករបស់ជាតិដែលមានលក្ខណះទំនើបនិងពហុឯកទេស»។ នេះជាការលើកឡើងរបស់ប្រមុខរដ្ឋាភិបាល។

រយៈពេលមួយសប្ដាហ៍ហើយ ដែលលោកនាយករដ្ឋន្ត្រី ហ៊ុន សែន នៅកំដរម្ដាយក្មេកសម្រាកព្យាបាលជំងឺនៅមន្ទីរពេទ្យកាល់ម៉ែត។ នាយករដ្ឋមន្ត្រីរូបនេះ ក៏បានលុបចោលគម្រោងចេញទៅក្រៅប្រទេស និងជួបឥស្សរជនបរទេសជាន់ខ្ពស់ ដែលចង់ជួបសម្ដេចផងដែរ៕

អត្ថបទទាក់ទង

ក្រោយពេទ្យជួយសង្គ្រោះម្តាយក្មេក សម្តេច ហ៊ុន សែន ប្រើថវិការដ្ឋនិងរៃពីសប្បុរសជន កសាងពេទ្យកាល់ម៉ែត ឲ្យកាន់តែទំនើប