រថយន្ត
អន្តរជាតិ
Mercedes-Benz លក់រថយន្តក្រុង Citaro ទី៥៥ ៥៥៥របស់ខ្លួនទៅក្រុមហ៊ុនស៊ុយអែត
× ក្រុមហ៊ុន Mercedes-Benz របស់អាល្លឺម៉ង់ បានប្រកាសពីការបញ្ចេញលក់ប្រភេទរថយន្តក្រុងទី៥៥ ៥៥៥របស់ខ្លួន ទៅក្រុមហ៊ុនស៊ុយអែត Bergkvarabuss AB កាលពីពេលថ្មីៗកន្លងមកនេះ។
eCitaro ជាប្រភេទរថយន្តក្រុងអគ្គិសនីដែលមានកៅអីនៅជាន់ទាប ហើយក៏ជារថយន្តទីពីរផងដែរ ដែលក្រុមហ៊ុនស៊ុយអែត Bergkvarabuss AB បានបញ្ជាទិញ។ ក្រុមហ៊ុននេះ ប្រតិបត្តិការលើសេវាកម្មរថយន្តក្រុងជាច្រើននៅស៊ុយអែត។
លោក Roman Biondi ប្រធានផ្នែកលក់នៃសេវាកម្ម Daimler Buses បានបញ្ជាក់ថា៖ «រថយន្ត Citaro បានឈានដល់គោលដៅជាប្រវត្តិសាស្ត្ររបស់ខ្លួន។ វត្តមានរបស់ eCitaro បង្ហាញពីការអភិវឌ្ឍដំណាក់កាលថ្មីមួយទៀត។ យើងរួមចំណែកបង្កើតភាពស្ងប់ស្ងាត់ និងគ្មានការបំពុលបរិស្ថាននៅក្នុងក្រុង»។
រថយន្ត Citaro បច្ចុប្បន្នត្រូវបានផលិតនៅរោងចក្រក្នុងក្រុង Mannheim ប្រទេសអាល្លឺម៉ង់ ក្រុង Ligny-en-Barrois ប្រទេសបារាំង និងក្រុង Samano ប្រទេសអេស្ប៉ាញ រីឯប្រភេទរថយន្ត Conecto តម្លៃថោក ក៏មានការផលិតចេញពីរោងចក្រនៅក្រុង Hosdere ប្រទេសតួកគីផងដែរ។
Citaro មានប្រតិបត្តិនៅបណ្តាប្រទេសជាច្រើន ដូចជាអាល្លឺម៉ង់ ស្លូវ៉ាគី ហុងគ្រី ហូឡង់ រូម៉ានី អេស្ប៉ាញ អ៊ីតាលី ចក្រភពអង់គ្លេស អារ៉ាប៊ីសាអូឌីត អារ៉ាប់រួមអេមីរ៉ាត ជប៉ុន សិង្ហបុរី អូស្ត្រាលី និងបណ្តាប្រទេសមួយចំនួននៅអាមេរិកឡាទីន៕
© រក្សាសិទ្ធិដោយ thmeythmey.com