អន្តរជាតិ
រដ្ឋមន្ត្រីដឹកជញ្ជូនថៃ៖ពលរដ្ឋដែលរាយការណ៍បទល្មើសចរាចរណ៍ នឹងទទួលរង្វាន់លើកទឹកចិត្ត
រដ្ឋមន្ត្រីដឹកជញ្ជូនថៃ លោកSaksayam Chidchob (ប្រភពរូប៖ The Nation ថៃ)
×![]()
ប្រជាពលរដ្ឋថៃដែលផ្តល់ភស្តុតាងនៃបទល្មើសចរាចរណ៍របស់អ្នកបើកបរតាមដងផ្លូវសាធារណៈ នឹងទទួលបានរង្វាន់លើកទឹកចិត្ត។ រដ្ឋមន្ត្រីដឹកជញ្ជូនថៃ លើកឡើងបែបនេះ ដោយបញ្ជាក់ថា ការអនុវត្តនឹងចាប់ផ្តើមចាប់ពីថ្ងៃទី ៩ ខែធ្នូ ឆ្នាំ២០១៩ តទៅ។
«ប្រាក់រង្វាន់ នឹងយកចេញពីលុយបង់ពិន័យរបស់អ្នកបើកបរ ដែលមានចន្លោះពី២០០ទៅ៣ម៉ឺនបាត (៩៩១ដុល្លារ)»។ រដ្ឋមន្ត្រីដឹកជញ្ជូនថៃ Saksayam Chidchob បញ្ជាក់បែបនេះ នៅថ្ងៃចន្ទ ទី២ ខែធ្នូ ។ តាមការចុះផ្សាយរបស់កាសែតថៃ បាងកកប៉ុស្តិ៍ លោករដ្ឋមន្ត្រីរូបនេះ បញ្ជាក់ទៀតថា អ្នកដែលបានផ្ញើភស្តុតាងនៃកំហុស ហើយអ្នកប្រព្រឹត្តខុសទាំងនោះ ប្រឈមនឹងការកាត់ទោស ពលរដ្ឋទាំងនោះ នឹងមានសិទ្ធិទទួលយកប្រាក់រង្វាន់ដែលស្មើនឹង៥០ភាគរយនៃលុយពិន័យដែលបានដាក់លើអ្នកល្មើសច្បាប់។
ម្យ៉ាងវិញទៀត លោក Saksayam បានលើកទឹកចិត្តអ្នកដែលឃើញការល្មើសសុវត្ថិភាពផ្លូវថ្នល់ ថតរូបភាព ឬវីដេអូ ដែលបង្ហាញពីបទល្មើស រួមមាន រថយន្តដែលបញ្ចេញផ្សែងពុលប៉ះពាល់សុខភាពពលរដ្ឋ, ដឹកអ្នកដំណើរលើសចំណុះ និងបើកបរដោយធ្វេសប្រហែស ជាដើម ហើយផ្ញើពួកវាទៅកាន់នាយកដ្ឋានដឹកជញ្ជូនផ្លូវគោក តាមរយៈវេបសាយ ឬហ្វេសប៊ុក។
បើតាមលោករដ្ឋមន្ត្រីដឹកជញ្ជូន អ្នកល្មើសច្បាប់ នឹងត្រូវកោះហៅឲ្យមកបកស្រាយរឿងទោសកំហុសក្នុងកំឡុងពេល១សប្តាហ៍បន្ទាប់ពីក្រសួងទទួលបានការផ្ញើភស្តុតាងពីបទល្មើស ហើយពួកគេនឹងតម្រូវឲ្យបង់ថ្លៃពិន័យ។ លោក សង្កត់ធ្ងន់ថា នេះពុំមានន័យថា ក្រសួងផ្តោតសំខាន់តែរឿងលុយពិន័យនោះទេ ក៏ប៉ុន្តែគំនិតផ្តួចផ្តើមនេះ គឺមានគោលដៅជំរុញទឹកចិត្តមនុស្សរាល់គ្នាឲ្យក្លាយខ្លួនជាអ្នកបើកបរដែលមានទំនួលខុសត្រូវ។
ចំនួនអ្នករបួសដែលបង្កឡើងគ្រោះថ្នាក់ចរាចរណ៍លើដងផ្លូវប្រទេសថៃ ត្រូវតែកាត់បន្ថយ ខណៈតួលេខនៃអ្នកស្លាប់ត្រូវតែសូន្យ។ នេះជាការអះអាងរបស់លោក Saksayam នៅមុនពេលឈប់សម្រាករយៈពេល៥ថ្ងៃ គឺ«ឆ្លងឆ្នាំសកលថ្មី» ដែលជារឿយៗមើលឃើញថា តួលេខអ្នករបួស និងអ្នកស្លាប់មានកម្រិតខ្ពស់ពីគ្រោះថ្នាក់ចរាចរណ៍៕
«ប្រាក់រង្វាន់ នឹងយកចេញពីលុយបង់ពិន័យរបស់អ្នកបើកបរ ដែលមានចន្លោះពី២០០ទៅ៣ម៉ឺនបាត (៩៩១ដុល្លារ)»។ រដ្ឋមន្ត្រីដឹកជញ្ជូនថៃ Saksayam Chidchob បញ្ជាក់បែបនេះ នៅថ្ងៃចន្ទ ទី២ ខែធ្នូ ។ តាមការចុះផ្សាយរបស់កាសែតថៃ បាងកកប៉ុស្តិ៍ លោករដ្ឋមន្ត្រីរូបនេះ បញ្ជាក់ទៀតថា អ្នកដែលបានផ្ញើភស្តុតាងនៃកំហុស ហើយអ្នកប្រព្រឹត្តខុសទាំងនោះ ប្រឈមនឹងការកាត់ទោស ពលរដ្ឋទាំងនោះ នឹងមានសិទ្ធិទទួលយកប្រាក់រង្វាន់ដែលស្មើនឹង៥០ភាគរយនៃលុយពិន័យដែលបានដាក់លើអ្នកល្មើសច្បាប់។
ម្យ៉ាងវិញទៀត លោក Saksayam បានលើកទឹកចិត្តអ្នកដែលឃើញការល្មើសសុវត្ថិភាពផ្លូវថ្នល់ ថតរូបភាព ឬវីដេអូ ដែលបង្ហាញពីបទល្មើស រួមមាន រថយន្តដែលបញ្ចេញផ្សែងពុលប៉ះពាល់សុខភាពពលរដ្ឋ, ដឹកអ្នកដំណើរលើសចំណុះ និងបើកបរដោយធ្វេសប្រហែស ជាដើម ហើយផ្ញើពួកវាទៅកាន់នាយកដ្ឋានដឹកជញ្ជូនផ្លូវគោក តាមរយៈវេបសាយ ឬហ្វេសប៊ុក។
បើតាមលោករដ្ឋមន្ត្រីដឹកជញ្ជូន អ្នកល្មើសច្បាប់ នឹងត្រូវកោះហៅឲ្យមកបកស្រាយរឿងទោសកំហុសក្នុងកំឡុងពេល១សប្តាហ៍បន្ទាប់ពីក្រសួងទទួលបានការផ្ញើភស្តុតាងពីបទល្មើស ហើយពួកគេនឹងតម្រូវឲ្យបង់ថ្លៃពិន័យ។ លោក សង្កត់ធ្ងន់ថា នេះពុំមានន័យថា ក្រសួងផ្តោតសំខាន់តែរឿងលុយពិន័យនោះទេ ក៏ប៉ុន្តែគំនិតផ្តួចផ្តើមនេះ គឺមានគោលដៅជំរុញទឹកចិត្តមនុស្សរាល់គ្នាឲ្យក្លាយខ្លួនជាអ្នកបើកបរដែលមានទំនួលខុសត្រូវ។
ចំនួនអ្នករបួសដែលបង្កឡើងគ្រោះថ្នាក់ចរាចរណ៍លើដងផ្លូវប្រទេសថៃ ត្រូវតែកាត់បន្ថយ ខណៈតួលេខនៃអ្នកស្លាប់ត្រូវតែសូន្យ។ នេះជាការអះអាងរបស់លោក Saksayam នៅមុនពេលឈប់សម្រាករយៈពេល៥ថ្ងៃ គឺ«ឆ្លងឆ្នាំសកលថ្មី» ដែលជារឿយៗមើលឃើញថា តួលេខអ្នករបួស និងអ្នកស្លាប់មានកម្រិតខ្ពស់ពីគ្រោះថ្នាក់ចរាចរណ៍៕
Tag:
ថៃ
ចរាចរណ៍
រដ្ឋមន្ត្រីដឹកជញ្ជូន
© រក្សាសិទ្ធិដោយ thmeythmey.com
