ជាតិ
សង្គមជាតិ
AIMF៖ អភិបាល និងអតីតអភិបាលរាជធានី បង្ហាញពីបទពិសោធន៍ធ្វើឲ្យភ្នំពេញរស់ឡើងវិញ
ពីឆ្វេងទៅស្តាំ លោក ឃួង ស្រេង លោក ថោង ខុន និងលោក ប៉ា សុជាតិវង្ស
×![]()
លោក ឃួង ស្រេង អភិបាលរាជធានីភ្នំពេញ រួមជាមួយអតីតអភិបាលរាជធានីពីររូប គឺលោក ថោង ខុន និងលោក ប៉ា សុជាតិវង្ស បានបង្ហាញពីបទពិសោធន៍របស់កម្ពុជានារយៈពេល៤០ឆ្នាំចុងក្រោយនេះ ក្នុងការប្រែក្លាយភ្នំពេញ ដែលជាទីក្រុងខ្មោចនៅសម័យខ្មែរក្រហម ឲ្យរស់ឡើងវិញ ចាប់ពីឆ្នាំ១៩៧៩មក។ បទបង្ហាញទាំងនេះ ត្រូវបានធ្វើឡើងក្នុងក្របខណ្ឌនៃមហាសន្និបាតលើកទី៣៩ របស់សមាគមអន្តរជាតិនៃអភិបាលក្រុងប្រើប្រាស់ភាសាបារាំង (AIMF) នៅរាជធានីភ្នំពេញ នាព្រឹកថ្ងៃអង្គារ ទី៣ ខែធ្នូ ឆ្នាំ២០១៩។
ក្នុងសន្និសីទស្តីពី «ទីក្រុងដែលមានភាពធន់៖ ការគិតគូរពីបញ្ហាប្រឈម និងការស្ថាបនាទីក្រុងឡើងវិញ» លោក ឃួង ស្រេង ដែលកាន់តំណែងជាអភិបាលរាជធានីភ្នំពេញតាំងពីឆ្នាំ២០១៧ មក បានលើកឡើងពីមោទកភាពរបស់ភ្នំពេញ ដែលបានក្លាយជាម្ចាស់ផ្ទះមហាសន្និបាត AIMF ក្នុងនាមជាសមាជិកមួយតាំងពីឆ្នាំ១៩៩០មក។
លោក ឃួង ស្រេង បានគូសបញ្ជាក់ថា ភ្នំពេញដែលធ្លាប់មានឈ្មោះថា ជាទីក្រុងគជ់អាស៊ី បានក្លាយជាទីក្រុងខ្មោច គ្មានមនុស្សនៅ ហើយត្រូវបានបំផ្លាញស្ទើរតែទាំងស្រុង ដោយសារសង្គ្រាម មុនថ្ងៃរំដោះ ៧មករា ឆ្នាំ១៩៧៩។
«ការដឹកនាំដ៏ត្រឹមត្រូវ បានធ្វើឲ្យទីក្រុងនេះមានការអភិវឌ្ឍរីកចម្រើនគួរកត់សម្គាល់ ហើយរាជធានីភ្នំពេញនៅតែរក្សាបាននូវអត្តសញ្ញាណទីក្រុងប្រវត្តិសាស្ត្ររបស់ខ្លួន ដែលជាបេះដូងនៃព្រះរាជាណាចក្រកម្ពុជា និងជាមជ្ឈមណ្ឌលប្រមូលផ្តុំលើគ្រប់វិស័យ រួមមាន វិស័យនយោបាយ សេដ្ឋកិច្ច សង្គមកិច្ច បេតិកភណ្ឌ វប្បធម៌ ទេសចរណ៍ និងការទូត»។ នេះជាការគូសបញ្ជាក់របស់លោក ឃួង ស្រេង។
លោកអភិបាលរាជធានី បានបន្ថែមថា ការស្តារ និងអភិវឌ្ឍរាជធានីភ្នំពេញឡើងវិញ ឆ្លងកាត់៥ដំណាក់កាលសំខាន់ៗ គឺពីឆ្នាំ១៩៧៩ ដល់ឆ្នាំ១៩៩៣, ពីឆ្នាំ១៩៩៣ ដល់ឆ្នាំ២០០០, ពីឆ្នាំ២០០០ ដល់ឆ្នាំ២០០៨, ពីឆ្នាំ២០០៨ ដល់ឆ្នាំ២០១៣ និងពីឆ្នាំ២០១៣ រហូតដល់បច្ចុប្បន្ន។ ដំណាក់កាលទាំងនេះ ចាប់ផ្តើមពីការធ្វើមាតុភូមិនិវត្តន៍ពលរដ្ឋខ្មែរ ការស្តារហេដ្ឋារចនាសម្ព័ន្ធផ្សេងៗ ការលើកកម្ពស់សហគមន៍ក្រីក្រ រហូតដល់ការប្រែក្លាយទៅជាទីក្រុងវៃឆ្លាត។
«ជាអច្ឆរិយៈក្នុងប្រវត្តិសាស្ត្រ ដែលទីក្រុងស្លាប់ហើយ តែបានរស់ឡើងវិញ»។ នេះជាការគូសបញ្ជាក់របស់លោក ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងជាអតីតអភិបាលរាជធានីពីឆ្នាំ២០១៣ ដល់ឆ្នាំ២០១៧ ដោយលោកបានលើកឡើងពីការដាក់ចេញនូវគោលនយោបាយឈ្នះឈ្នះ ចាប់ពីឆ្នាំ១៩៩៨ មក ដែលធ្វើឲ្យភ្នំពេញ កាន់តែមានការកែប្រែយ៉ាងឆាប់រហ័ស។
លោក ប៉ា សុជាតិវង្ស បានលើកឡើងថា ភ្នំពេញដែលជាក្រុងវ័យចំណាស់មួយក្នុងចំណោមក្រុងនៃប្រទេសនិយាយភាសាបារាំង ក្លាយជាទីក្រុងដែលមានការប្រកួតប្រជែង និងអភិវឌ្ឍជាបន្តបន្ទាប់ ដូចជា ស្ពានអាកាស ផ្លូវក្រោមដី ផ្លូវប៉េតុង សួនច្បារ ផ្លូវថ្មើជើង អភិវឌ្ឍច្រាំងទន្លេ មានកំណើនយានយន្តគ្រប់ប្រភេទមានអគាពាណិជ្ជកម្មខ្ពស់ៗជាច្រើន។
ជាមួយគ្នានេះផងដែរ លោក ថោង ខុន រដ្ឋមន្ត្រីក្រសួងទេសចរណ៍ និងជាអតីតអភិបាលរាជធានីភ្នំពេញពីឆ្នាំ១៩៨៥ ដល់ឆ្នាំ១៩៩០ បានថ្លែងជាភាសាបារាំង ក្នុងបទបង្ហាញរបស់លោកស្តីពី «ការអនុវត្ត និងការសាកល្បងការស្ថាបនាទីក្រុងឡើងវិញ»។
ក្រោយរបបខ្មែរក្រហម លោក ថោង ខុន ដែលមនុស្សទី៤កាន់តំណែងជាអភិបាលរាជធានី បន្ទាប់ពីលោក ខាង សារិន លោក ចាន់ វ៉ែន និងលោក កែវ ចិន្តា បានរំលឹកពីការប្រឹងប្រែងបណ្តុះបណ្តាលធនធានមនុស្សក្នុងការស្តារភ្នំពេញឡើងវិញ ខណៈប្រទេសជាតិខ្វះខាតគ្រប់បែបយ៉ាង។
«គ្រានោះរាជរដ្ឋាភិបាល ដៃម្ខាងខិតខំអភិវឌ្ឍ និងដៃម្ខាងទៀតកាន់កាំភ្លើងប្រយុទ្ធជាមួយពួកខ្មែរក្រហមកុំឲ្យចូលមកវិញ។ ប្រជាពលរដ្ឋរស់នៅដោយការភ័យខ្លាចពីសុវត្ថិភាព មិនចង់ធ្វើការ មិនចង់បានទ្រព្យសម្បត្តិនោះទេ ទីក្រុងភ្នំពេញមានភាពស្ងប់ស្ងាត់ដូចជាទីក្រុងខ្មោច»។ នេះជាការលើកឡើងរបស់លោករដ្ឋមន្ត្រីក្រសួងទេសចរណ៍ ដោយបន្ថែមថា កម្លាំងបញ្ញវន្តត្រូវបានបណ្តុះបណ្តាលជាបន្តបន្ទាប់ ដើម្បីជាស្នូលក្នុងការធ្វើឲ្យរាជធានីភ្នំពេញ រស់ឡើងវិញ៕
ក្នុងសន្និសីទស្តីពី «ទីក្រុងដែលមានភាពធន់៖ ការគិតគូរពីបញ្ហាប្រឈម និងការស្ថាបនាទីក្រុងឡើងវិញ» លោក ឃួង ស្រេង ដែលកាន់តំណែងជាអភិបាលរាជធានីភ្នំពេញតាំងពីឆ្នាំ២០១៧ មក បានលើកឡើងពីមោទកភាពរបស់ភ្នំពេញ ដែលបានក្លាយជាម្ចាស់ផ្ទះមហាសន្និបាត AIMF ក្នុងនាមជាសមាជិកមួយតាំងពីឆ្នាំ១៩៩០មក។
លោក ឃួង ស្រេង បានគូសបញ្ជាក់ថា ភ្នំពេញដែលធ្លាប់មានឈ្មោះថា ជាទីក្រុងគជ់អាស៊ី បានក្លាយជាទីក្រុងខ្មោច គ្មានមនុស្សនៅ ហើយត្រូវបានបំផ្លាញស្ទើរតែទាំងស្រុង ដោយសារសង្គ្រាម មុនថ្ងៃរំដោះ ៧មករា ឆ្នាំ១៩៧៩។
«ការដឹកនាំដ៏ត្រឹមត្រូវ បានធ្វើឲ្យទីក្រុងនេះមានការអភិវឌ្ឍរីកចម្រើនគួរកត់សម្គាល់ ហើយរាជធានីភ្នំពេញនៅតែរក្សាបាននូវអត្តសញ្ញាណទីក្រុងប្រវត្តិសាស្ត្ររបស់ខ្លួន ដែលជាបេះដូងនៃព្រះរាជាណាចក្រកម្ពុជា និងជាមជ្ឈមណ្ឌលប្រមូលផ្តុំលើគ្រប់វិស័យ រួមមាន វិស័យនយោបាយ សេដ្ឋកិច្ច សង្គមកិច្ច បេតិកភណ្ឌ វប្បធម៌ ទេសចរណ៍ និងការទូត»។ នេះជាការគូសបញ្ជាក់របស់លោក ឃួង ស្រេង។
លោកអភិបាលរាជធានី បានបន្ថែមថា ការស្តារ និងអភិវឌ្ឍរាជធានីភ្នំពេញឡើងវិញ ឆ្លងកាត់៥ដំណាក់កាលសំខាន់ៗ គឺពីឆ្នាំ១៩៧៩ ដល់ឆ្នាំ១៩៩៣, ពីឆ្នាំ១៩៩៣ ដល់ឆ្នាំ២០០០, ពីឆ្នាំ២០០០ ដល់ឆ្នាំ២០០៨, ពីឆ្នាំ២០០៨ ដល់ឆ្នាំ២០១៣ និងពីឆ្នាំ២០១៣ រហូតដល់បច្ចុប្បន្ន។ ដំណាក់កាលទាំងនេះ ចាប់ផ្តើមពីការធ្វើមាតុភូមិនិវត្តន៍ពលរដ្ឋខ្មែរ ការស្តារហេដ្ឋារចនាសម្ព័ន្ធផ្សេងៗ ការលើកកម្ពស់សហគមន៍ក្រីក្រ រហូតដល់ការប្រែក្លាយទៅជាទីក្រុងវៃឆ្លាត។
«ជាអច្ឆរិយៈក្នុងប្រវត្តិសាស្ត្រ ដែលទីក្រុងស្លាប់ហើយ តែបានរស់ឡើងវិញ»។ នេះជាការគូសបញ្ជាក់របស់លោក ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងជាអតីតអភិបាលរាជធានីពីឆ្នាំ២០១៣ ដល់ឆ្នាំ២០១៧ ដោយលោកបានលើកឡើងពីការដាក់ចេញនូវគោលនយោបាយឈ្នះឈ្នះ ចាប់ពីឆ្នាំ១៩៩៨ មក ដែលធ្វើឲ្យភ្នំពេញ កាន់តែមានការកែប្រែយ៉ាងឆាប់រហ័ស។
លោក ប៉ា សុជាតិវង្ស បានលើកឡើងថា ភ្នំពេញដែលជាក្រុងវ័យចំណាស់មួយក្នុងចំណោមក្រុងនៃប្រទេសនិយាយភាសាបារាំង ក្លាយជាទីក្រុងដែលមានការប្រកួតប្រជែង និងអភិវឌ្ឍជាបន្តបន្ទាប់ ដូចជា ស្ពានអាកាស ផ្លូវក្រោមដី ផ្លូវប៉េតុង សួនច្បារ ផ្លូវថ្មើជើង អភិវឌ្ឍច្រាំងទន្លេ មានកំណើនយានយន្តគ្រប់ប្រភេទមានអគាពាណិជ្ជកម្មខ្ពស់ៗជាច្រើន។
ជាមួយគ្នានេះផងដែរ លោក ថោង ខុន រដ្ឋមន្ត្រីក្រសួងទេសចរណ៍ និងជាអតីតអភិបាលរាជធានីភ្នំពេញពីឆ្នាំ១៩៨៥ ដល់ឆ្នាំ១៩៩០ បានថ្លែងជាភាសាបារាំង ក្នុងបទបង្ហាញរបស់លោកស្តីពី «ការអនុវត្ត និងការសាកល្បងការស្ថាបនាទីក្រុងឡើងវិញ»។
ក្រោយរបបខ្មែរក្រហម លោក ថោង ខុន ដែលមនុស្សទី៤កាន់តំណែងជាអភិបាលរាជធានី បន្ទាប់ពីលោក ខាង សារិន លោក ចាន់ វ៉ែន និងលោក កែវ ចិន្តា បានរំលឹកពីការប្រឹងប្រែងបណ្តុះបណ្តាលធនធានមនុស្សក្នុងការស្តារភ្នំពេញឡើងវិញ ខណៈប្រទេសជាតិខ្វះខាតគ្រប់បែបយ៉ាង។
«គ្រានោះរាជរដ្ឋាភិបាល ដៃម្ខាងខិតខំអភិវឌ្ឍ និងដៃម្ខាងទៀតកាន់កាំភ្លើងប្រយុទ្ធជាមួយពួកខ្មែរក្រហមកុំឲ្យចូលមកវិញ។ ប្រជាពលរដ្ឋរស់នៅដោយការភ័យខ្លាចពីសុវត្ថិភាព មិនចង់ធ្វើការ មិនចង់បានទ្រព្យសម្បត្តិនោះទេ ទីក្រុងភ្នំពេញមានភាពស្ងប់ស្ងាត់ដូចជាទីក្រុងខ្មោច»។ នេះជាការលើកឡើងរបស់លោករដ្ឋមន្ត្រីក្រសួងទេសចរណ៍ ដោយបន្ថែមថា កម្លាំងបញ្ញវន្តត្រូវបានបណ្តុះបណ្តាលជាបន្តបន្ទាប់ ដើម្បីជាស្នូលក្នុងការធ្វើឲ្យរាជធានីភ្នំពេញ រស់ឡើងវិញ៕
អត្ថបទទាក់ទង
Tag:
AIMF
© រក្សាសិទ្ធិដោយ thmeythmey.com
