កីឡាជាតិ
ជាតិ
ស៊ីហ្គេម៖ កម្ពុជាបានសំរឹទ្ធ៤ទៀតពីកីឡា Arnis ដែលធ្វើឲ្យមេដាយសរុបឡើងដល់២១ អេង ស៊ូម៉ាឡា ជាមួយទង់ជាតិកម្ពុជា នាពិធីបំពាក់មេដាយ។ រូបថត អគ្គនាយកដ្ឋានកីឡា
× នារយៈពេល៣ថ្ងៃដំបូង ក្រុមកីឡាកម្ពុជាដណ្តើមបានមេដាយសរុប២១ ក្នុងនោះមាន មាស១ ប្រាក់៣ និងសំរឹទ្ធ១៧ ពីព្រឹត្តិការណ៍កីឡាស៊ីហ្គេម លើកទី៣០នៅប្រទេសហ្វីលីពីន។ មេដាយសំរឹទ្ធ៤បន្ថែមរកបានដោយកីឡាករ ឆេម សីឡា និងកីឡាការិនី អេង ស៊ូម៉ាឡា ដែលទទួលបាន២រៀងៗខ្លួន ពីប្រភេទកីឡាប្រពៃណីហ្វីលីពីន Arnis។
កីឡាករ យ៉ុង ម៉េងលី ជាម្ចាស់មេដាយមាសដំបូងរបស់កម្ពុជា មួយថ្ងៃបន្ទាប់ពីអត្តពលិកល្បុក្កតោរូបនេះ ដណ្តើមបានមេដាយប្រាក់។ គិតត្រឹមល្ងាចថ្ងៃអង្គារ ទី៣ ខែធ្នូ ម្ចាស់ផ្ទះហ្វីលីពីន ឈ្នះមេដាយសរុបដល់ទៅ ៩៥ (មាស៤៧ ប្រាក់៣១ និងសំរឹទ្ធ១៧) តាមដោយវៀតណាម ម៉ាឡេស៊ី ឥណ្ឌូណេស៊ី ថៃ និងសិង្ហបុរី។
មីយ៉ាន់ម៉ា ព្រុយណេ និងកម្ពុជា សុទ្ធតែឈ្នះមេដាយមាស១រៀងៗខ្លួន តែខុសគ្នាលើចំនួនមេដាយប្រាក់ និងសំរឹទ្ធ។ ឡាវ កើនមេដាយសំរឹទ្ធសរុបចំនួន៦ ខណៈទីម័រខាងកើត មិនទាន់បានមេដាយឡើយ។
មេដាយដែលកម្ពុជាទទួលបានរួមមាន៖
កីឡា Arnis៖ មាស ១ ប្រាក់២ និងសំរឹទ្ធ១៧
-កីឡាករ យ៉ុង ម៉េងលី មាស១ ប្រាក់១
-កីឡាការិនី ស៊ីវ័ន្ត សូនីតា ប្រាក់១ សំរឹទ្ធ១
-កីឡាការិនី បូ ចន្ធី សំរឹទ្ធ២
-កីឡាការិនី យស់ សញ្ចនា សំរឹទ្ធ២
-កីឡាការិនី ខៀវ ចិន្តារ័ត្ន សំរឹទ្ធ២
-កីឡាករ ឌឹប ង៉ែត សំរឹទ្ធ២
-កីឡាករ មឿន ប៊ុនលី សំរឹទ្ធ២
-កីឡាករ សុខ ឈុន សំរឹទ្ធ២
-កីឡាករ ឆេម សីឡា សំរឹទ្ធ២
-កីឡាការិនី អេង ស៊ូម៉ាឡា សំរឹទ្ធ២
កីឡាសីប៉ាក់តាក្រ (សីដក់)៖ ប្រាក់១
-ក្រុមបុរស (នុត វិសាល, ហេង រ៉ាវុធ, ហួត សុវុត្ថា, ឈន សុខុម, ឈុំ ហាប់ឈុន, ជាតិ ខេមរិន្ទ) ប្រាក់១៕
© រក្សាសិទ្ធិដោយ thmeythmey.com