អត្ថបទពាណិជ្ជកម្ម
រកឃើញជើងខ្លាំងកំពូល អ្នកធ្វើភីហ្សាលឿនជាងគេប្រចាំកម្ពុជា ឆ្នាំ២០២០ ដើម្បីចូលរួមប្រកួតក្នុងតំបន់អាស៊ីអាហ្វ្រិក
×![]()
ដោយ: ថ្មីៗ
នៅថ្ងៃទី០៤ ខែធ្នូ ឆ្នាំ២០១៩ ម្សិលមិញនេះ ដូមីណូភីហ្សាបានរៀបចំកម្មវីធីប្រកួតដ៏ធំប្រចាំឆ្នាំ គឺកម្មវិធី កំពូលអ្នកធ្វើភីហ្សាលឿនជាងគេ ប្រចាំឆ្នាំ២០២០ “Fastest Pizza Maker 2020” ដែលជាកម្មវីធីលំដាប់ថ្នាក់ពិភពលោក ស្វែងរកជើងខ្លាំង វគ្គផ្ដាច់ព្រាត់ ដើម្បីក្លាយខ្លួនជាតំណាងឱ្យកម្ពុជា ចូលរួមក្នុងការប្រកួតដ៏រំភើបអស្ចារ្យ ជាមួយបណ្ដាប្រទេសជាច្រើនផ្សេងទៀត នៅក្នុងតំបន់អាស៊ីអាហ្វ្រិក។
ក្នុងការប្រកួតម្សិលមិញនេះ មានការចូលរួមពីបេក្ខជននិងបេក្ខនារីសរុប ចំនួន២០រូប ដោយក្នុងនោះមានបេក្ខនារីចំនួន៣រូបចូលរួមផងដែរ។ សម្រាប់ម្ចាស់ជ័យលាភីលេខមួយ និងជាម្ចាស់ពានរង្វាន់កំពូលអ្នកធ្វើភីហ្សាលឿនជាងគេ សម្រាប់ឆ្នាំ២០២០ បានទៅលើបេក្ខជន ឈ្មោះ ផន សំបូរ ចំណាយរយៈពេលត្រឹមតែ ១នាទី៤៨វិនាទី តែប៉ុណ្ណោះ ក្នុងការធ្វើភីហ្សាបី ដែលទទួលបានពានកំពូល អ្នកធ្វើភីហ្សាលឿនជាងគេមួយ ព្រមទាំងរង្វាន់លើកទឹកចិត្តផ្ដល់ប្រាក់ខែ ឱ្យមួយខែ និងដំណើរកំសាន្តក្នុងស្រុកផងដែរ។ ចំណែកឯ ម្ចាស់ជ័យលាភីលេខពីរ បានទៅលើបេក្ខជនឈ្មោះ គន ធារិទ្ធ ចំណាយពេលរយៈ១នាទី៥៨វិនាទី ក្នុងការធ្វើភីហ្សាបី ទទួលបានរង្វាន់លើកទឹកចិត្តប្រាក់ខែ កន្លះខែ និងដំណើរកម្សាន្តក្នុងស្រុក។
គួរបញ្ជាក់ផងដែរថា ក្នុងការប្រកួតប្រជែងនេះបេក្ខជនបេក្ខនារីទាំងអស់ ទទួលបានការដាក់ពិន្ទុយ៉ាងសុក្រឹត្យ ពីគណៈកម្មការចំនួន៤ រូប ដោយបេក្ខជននិងបេក្ខនារីនីមួយៗ តម្រូវឱ្យធ្វើភីហ្សាចំនួនបីដែលមានរសជាតិផ្សេងគ្នា ហើយសម្រាប់ការដាក់ពិន្ទុទៀតសោតផ្ដោតសំខាន់ទៅលើ ៣ ចំណុចរួមមាន៖ ការធ្វើភីហ្សាបានលឿងជាងគេ, ភាពស្អាតនៃការរៀបចំភីហ្សា និងបរិមាណនៃគ្រឿងផ្សំ។ កម្មវិធីប្រកួត កំពូលអ្នកធ្វើភីហ្សាលឿនជាងគេនេះ ធ្វើឡើងដើម្បីសម្រឹតសម្រាំង ស្វែករកបេក្ខជនឬបេក្ខនារី ជើងខ្លាំងតែមួយរូបប៉ុណ្ណោះ ដែលមានសមត្ថភាពពិត ក្លាយខ្លូនជាមា្ចស់ពានរង្វាន់ ព្រមទាំងទទួលបានឱកាសឈានទៅដល់ការប្រកួតលំដាប់ថ្នាក់ពិភពលោកនៅខែកុម្ភៈឆ្នាំ២០២០ខាងមុខនេះ។
ទំនាក់ទំនងសម្រាប់ការកុម្មង់ និង ដឹកជញ្ជូនឥតគិតថ្លៃ: 18002020
កុម៉ង់តាមអនឡាញ: www.dominos.com.kh
កុម៉ងតាម Mobile app : Domino’s Pizza Asia Pacific
ហ្វេសប៊ុក : Domino's Pizza (KH)
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
